The Keeper

CHAPTER 3 - Hello and Farewell

"This roses died three days since, black roses died and said goodnight" Marahang pag awit ni Migs sa liriko ng kantang tutugtugin nila sa mini concert.

Tatlong araw bago ang mini concert nila Migs ay hindi parin siya mapalagay, medyo naaapektohan na ang praktis nila. Iniisip niya kung ano ang dapat niyang gawin ng biglang pumasok sa isip nya si Marianne.

Si Marianne ang childhood crush nya. Naiisip palang niya ito ay napapangiti na siya. Naalala nya iyong unang araw na nakita nya ito.

Galing sa school si Migs nang mapansin niyang maraming tao sa kanilang bahay, nakita niya ang mga kabanda ng daddy niya. Sikat na drummer ng isa sa mga kinikilalang haligi ng Rock and Roll scene sa Pearl Country ang daddy niya kaya madalas ay wala ito sa kanila at mommy niya lang ang madalas nilang kasama.

"Oh anak, andyan ka na pala, mag bihis ka na at ipapakilala daw kayo ng daddy mo sa pamilya ng mga kabanda nya." Nakangiting saad sa kanya ng kanyang mommy.

"Mom, ano meron? Bakit ang daming tao? Ang ingay ingay nila!" naiiritang sagot ng batang si Migs. Ayaw kasi nang batang si Migs sa mga gathering ng matatanda dahil lagi kasi nila itong pinapakanta at pinapagawa ng kung ano-ano para lang sa sarili nilang kaligayan.

Ngumiti lang ang mommy niya sabay sabi "Sige na mag bihis kana, tawagin mo narin ang kuya mo." Wala nang nagawa si Migs at pumanik na lang sa taas at nag bihis. Pag baba niya ay kasunod na niya ang kuya niya at dumiretso na sila sa may sala kung saan naroroon ang mga bisita.

"Ito na pala ang mag anak ko, halika kayo dito." Nakangiting aya ng daddy nila.

"Guys this is my youngest son Miggy, nako manang mana sa akin yan, habulin!!" sabay tawa naman sila.

Paglapit ni Migs sa mga kabanda ng daddy niya ay halos isa isa nilang ginulo ang buhok nito na siya namang kinainis ni Migs.

"And this is my oldest son, ang pinag mamalaki kong anak, matalino yan, pag tapos niya ng high school sa A Country na siya mag aaral ng Law. Gusto daw kasi niyang maging lawyer kaya hinayaan ko nalang sa gusto niya isa pa, nagulat nalang kami diyan ng ipakita niya sa amin yung letter mula sa University na gusto nyang pasukan sa A Country, biruin mo tanggap na pala siya at consent nalang naming ang kaylangan. So pinayagan na namin. Siya din yung rason kung bakit titigil na ko sa pag babanda. Sasamahan ko siya sa A Country habang nag aaral sya don." Mahabang paliwanag ni daddy.

"Para kay kuya pala yung pag titipon ngayon. Nakaka asar! Siya, di na niya kaylangang mag papansin kay daddy para lang makasama to. Aalis pa mismo si daddy sa banda niya para samahan sya!" Reklamo sa isip ni Migs.

Sa sobrang inis niya ay minabuti na lamang niyang lumabas ng bahay at tinungo ang garden. Doon ay Nakita niya ang isang hindi pamilyar na babae.

"Okay ka lang? ikaw si Migs diba?" nakangiting tanong ng babae kay Migs. Napansin ni Migs na may bahid ng awa ang mga mga nito kaya naman lalo siyang napatitig ditto dahil sa pagtataka.

"Panyo oh." Iniabot ng babae ang panyo kay Migs.

"para san to?" Nagtatakang tanong ni Migs sa babae.

"Para dyan!" sabay turo sa mga mata ni Migs.

Hindi namalayan ni Migs na tumutulo na pala ang luha niya. Nakaramdam naman ng hiya si Migs kaya't agad itong tumalikod sa babae.