وجعي_انت

44

💔   وجعي_انت
#dodywehbe

حلقة44

ايمن : وعا الصبح برم عليها حول شعرها اللي نازل على وجها  تامل وجها وعيونها المتنفخه وخشمها الحمر  ابتسم بعدها فطن لروحه   ،،، انتي انتي وحط يده على كتفها هزها بالقوة
ليبيا: وعت منفجعه بسم الله  شن في
ايمن: من قالك ترقدي هنا
ليييا: نزلت راسها، ما حسيتش على روحي
ايمن: ماتبش تمشي عند هلك وقاعدة تتلصقي توا صبي وتيلي دبشي وديريلي قهوة ونهارك نلقا حاجه في حوش او نلقا امي امصبيه 
ليبيا: تبحت فيه ومصدومه وعيونها دموع، نا ما ا نتلصقش انت معودني ماترقدش الا لم ت تحضني
ايمن: لا يا حلوة من اليوم ح تشوفي المعامله السمحه ،، وصبا جا بيطلع رد فيش تراجي صبيييي
ليبيا: نزلت دموعها وهزت راسها، ،،،حااضر
خشت لكوجينه القت ماما تجهز الفطور
ليبيا: تريحي يا عميمه توا نا ندير وطلعت بكراج القهوة اديريله قهوة
ماما: يا بنيتي ما كل يوم نديرو مع بعض وكنك تبكي منن صبح
ليبيا: ل لا مافي شي
ايمن: بعد شوي جا اتكى على باب صباح الخير
ماما: صباح النور تعال افطر
ايمن: مانبش وانتي مش قتلك وتي الدبش انطرشتي ولا شن هي خلصيني
ليبيا: بحتت في ماما وبلعت ريقها، باه وحطتله القهوة على طاوله وعدت
ماما: اسمع يا ولد مش لان البنيه شخصيتها ضعيفه تتحكم فيها وتحكي معها هكي قدامي ماعش تحرجها
ايمن: يشرب القهوة وساكت
ماما: تسمع فيه غلطت وهزبتها حتي نا هزبتها لك عاملها كويس خيرك
ايمن: ضحك اول مرة نشوف وحدة ادافع عن مرت ولدها
ماما: كنكك تشوف فيه يهوديه البنيه كويسه وهاديه وما يطلع صوتها ونا مع الحق ايوة خلاص يا ولدي نعرفك قلبك ابيض وهي كلمها تفطر سلم ولدي ماكلتش من امس
ايمن: بحت في امه وسكت
ماما: سلم ولدي صبي
أيمن: هز راسه وصبا
خش لقها تحطله دبشه على سرير وتبكي  
ايمن: فكيني من الجو على صبح وتعالي كولي
ليبيا: مانبش
ايمن: نعم ما تتربش انتي لم نقولك حاجه اتقولي حاضر فاااهمه وهي قدامي 
ليبيا: بصوت واطي  لا مش فاهمه وبنمشي عند هلي
ايمن: بهزوة وشن بتقولي لهلك ولا نوفر عليك نا ونحكيلهم
ليبيا: بدموعها وتبحت فيه
ايمن: كنك سكتي عارفه روحك شن دايرة ها وتسكتي وماعش تفتحي فمك كر دبشه وخش لحمام 

طق الباب
مراد: ربي يستر شن تبي مكلمني ع صبح
مروان : ضحك خش خش ، ديريلنا قهوة وقعمزو في صاله 
نا لابست جاكيت حوش وشاح وخشيت ندير قهوة وحطيت نوع حلوة
مروان: كنك يا راجل مش عاجبني قولي شن في تبي فلوس ما ادور شي قولي كم بس ويكون عندك
مراد: تنهد ياريت كل حاجه تنحل بلفوس
مروان: كل حاجه ولها الحل
مراد: بنطلق  ، نا جيت على كلمه هذي وحطيت القهوة على طاوله وصبيت نبحت فيهن 
مروان: اهاااااا ،،،،، وقدم لطاوله يصب في قهوة ومد لمراد بعدها فطنلي،،  رفع راسه وبحت فيه ورفعلي حواجبه بمعني عدي
نا: هزيت راسي
مروان: بيسااان جيبي ميه
نا: اهي قدامك
مراد: يا هلا شخبارك وينك مختفيه ومد يدة
نا: مديتله يدي الحمدالله بخير شخبارك انت وشخبار يزيد نجك لي يجنن يشبه لمروة
مراد: يسلم عليك قاعد عند امه
نا: اها قصدك مروة مش هنا كنت نبيك تكلمها تشرب معانا قهوة
مروان: ساكت ويشرب القهوة ويفنص فيه
مراد: قااعدة عند هلها خلاص ايامي معها كملت بنطلقها
نا: قعد قلبي يدلف صاح نا ومروة علاقتنا رسميه واكثر من رسميه اخرة من يوم ما تزوجت ما شفتها الا كم مرة بس وجعتني حطيت روحي مكانها ونا جربت شعورها من قبل ،
جيت بنحكي قطع عليا مروان
مروان: والعيل شن بيصير فيه
مراد: عندي طبعا اصلا هي لو فاضيه لحوشها ولدها راه ما صرش هذا كله
نا: نفهم منك بطلقها عشان مش فاضيه فهمتش
مروان: حط الفنجان على صحن بقوة فهمت ان يبيني نصبي ونسكت بس ما عدلتش عليا اصلا نموت لو ما حكيت اللي عندي
مراد: يا بيسان كانت تردلي ساعه 8 من شغلها ونسكت نقول معلش خذيتها وانا عارف انها تشتغل وتحب شغلها بس توا تمت تتطلعلي من صباح ربي وماعش شفتها والعيل كملتها تحط لي عند امي مش حل هذا وحكيت مرة واثنين ولم قلتلها لا نا لا شغلك قالتلي شغلي شن تبي بعد هكي
نا: حاول تقنعها الطلاق مش حل حرام عندكم عيل وهي ام واكيدة توا ماهيش فرحانه وحست بلغط اللي دارته ومع أنه الشغل مش غلط بس على كلامك هي مزودتها شوي اعطيها
فرصه تفاهم معها
مراد: عارف نا اللي قهرني ولدي وياريت حتي وقفت على مشكله هذي
نا: اها ربي يهدي النفوس واسفه كان ادخلت
مراد: لا بلاش كلام فاضي خيتي انتي
نا: ابتسمت بحتت في مروان مرفع حاجبه ويهز كراعه
صبيت خير ما نطلق نا وخشيت على كوجينه نوتي الغداء
سمعت بعد نص ساعه خبطت الباب وجا على كوجينه
مروان: ممكن نعرف من حطك محاميه
نا:  بستعباط ،،، ليش شن درت
مروان: هذا كله وشن درتي خلاص افتحيلي قهوة واقعدي حلي المشاكل
نا: عشان حكيت الكلام اللي مفروض ينقال، قالك بنطلق ما اهتزت فيك شعرة تقول قالك نكته وزعلت على عيل اللي حتي ما سكر السنه
مروان: ماعش تتدخلي في حاجه ما تخصكش وانت مش عارفه من هي مروة عشان هكي ما ادفعش على وحدة الغلط راكبها واللي بيديرة مفروض دارة من قبل  وايام الخطوبه ياما حكا معه الحاج ومحمود ونا كنت نشوف واخبارها توصلي ونسكت وتوا خليه يحول شوكه بروحه  وكان على عيل ما يصير عليه شي
نا: فتحت عيوني ومصدومه اول مرة نشوف مروان يحكي هكي وكلام وراء بعضه ماعش سكت
مروان: فاهمه ماعش تتدخلي
نا: هزيت راسي
مروان: فضوليه وعدة
نا: شن قصدة بفضوليه يعني نا متطفله باهي يا مروان وفتحت الفريز بقوة طاح عليه كيس لحم عيطت
مروان : جا يلبس في تيشرت خيرك شن في
نا: حاطه يدي على راسي مافي شي خطاني بسس
مروان: هيياي اسلوبك ودير غدا كويس مش نفس هذك اليوم وعدة
نا: خبطت الأرض بكراعي ياربي مستفز اصلا نا حامل مفروض راقدة توا
مروان: من الدار ، يسدك نوم في ناس بتاكل هنا