وجعي_انت

11,12

#وجعي_انت

الحلقه 11
القيت مسج ع ماسنجر
شجوو
شن صار فيك حليتي ولا كملتيها تحكي مع روحك !!

نا نقرا ونعاود الرساله اخرة قلبي بيطلع ومعش عرفت نمسك فوني
رديت اهلين دكتور الحمدالله حليت
ودغري جاني مسج ،، باه الحمدالله اقري كويس امتحاني واعر راه
رديت حرام عليك مش ناقصني رعب ناا.
وفطنت لروحي عطيت روحي كف يومي كيف دزيت هك يوم علك احراج وغمضت عيوني نبش نشوف شن دز وبعد دقائق فتحت عيوني
دزلي هههههههههه خلاص اوكي سكتت موفقه ي رب
دزيت تسلم دكتور شكرا
دزلي ولو العفو سكرت نت طول وعزقت الفون شندير كنه هذا حي مش معقوله يحكي مع كل بنت باش يطمن حلت ولا لا مالي غير دعاء كلمتها طول يرن يرن يرن
دعاء: ايوه وانتي لا تخلي الواحد ياكل ولا يرقد
نا: وقت بطنك توا تبي تلحقيني ولا تسيبي بنت خالك حبيبتك يجيها الهبوط او سكر او تنجلط
دعاء: انطقي كنك اكيده دايره لايك لحد او دزيت فولو  وضربتي روحك كف ومنحرجه والحقيني ي دعاء كرامتي راحت كالعادة
نا : ياااريت خالد خشلي
دعاء:  شنننن وين خشلك😳
نا : حكيتلها
دعاء: """"" واخيرا قالها وقال احبك قالهاا """""
نا : ههههههههههههه نقولك خش يسال حليت ولا لا كنك اوفر هكي ههههههههه
دعاء: تي اسكتي ماهو الحب ف ليبيا هكي اس اس شن عرفك انتي """"وانا قلبي قلبي قلبي توقف بعدها""""
نا: وحقربي مهبوله هي عدي عدي

نزلت القيت خالي وماما وايمن وايه يشربو قهوه
نا : السلام وعليكم
ايمن: من امته الآدب
ماما: عدي ي بنتي كولي وتزعلش روحك توا تعوضيها عرفتك بنيتي وقدها
ونا نبحت ف خالو وهو يبحت ويفنص ومرفع حاجبه ليش كنها
ماما: ماحلتش ردت تبكي
ياسر: اه اه  ما حلتش
نا : بلعت ريقي وخشيت لكوجينه وجي حمر تي زح كنه مكبر الموضوع نحكي مع روحي برمت القيت ايه هييي كنك
ايه: شن دايره لخالك انطقي
نا : حي عليا شن قال
ايه : يعني ف حاجه احكي
نا :  سكري الباب وتعالي
وحكيتلها
ايه : يبييياي عليكن كنك ي بيسان معقوله تصبي مع الاشكال هذي
نا : شن علاقتي ناا وحرام دعاء خفت عليها
ايه: تتحمل نتيجه غلطها عاد ما دخلش روحك ف مشاكل وتاسفي من خالك واحكيليه
نا : شن نحكي
ايه : رطبي الجو عيب عليك الراجل مالش يومين تزعليه منك
نا : باهي 😭
خالو وايمن يلعبو بلايستيشن ف صاله
نا خالو ممكن شوي نبيك
ياسر: بحت ف ايمن شوي ونجي
ايمن: شن فيه احكي قدامي
ياسر: ضربه ع راسه اسكت مش شورك

رن فون ايمن
ايوه ي جيجتي
....جيجتي من انا سوسو
ايمن : عارف ي قلبي مانحكش معاك مع بنت خالتي الصغيره دقيقه دقيقه بس ونعاود وين الحظر وحطها
ورن  اخره تي زففففف نعن جد السكنان
نوسه خيرات شجوووو........ونستمرو😂

وطلعنا ع جنان من باب الكوجينه
ياسر: يعني تكلميني قدام ايمن باش نرد عليك خير شن تبي
نا : تميت نبكي والله ي خالو مانعرفه والله ماعمري درت هكي بس هذا صاحب حافله دعاء ويبيها ويهدد فيها وهي مسكينه والله
ياسر: تي تشوفي فيه عيل قدامك ما يدير هكي الا وفتحتله وجيج
نا: والله حرام قالها كان ماسمعتي كلامي نطلع عليك اشاعات
ياسر: مرفع حاجبه شن اسمه هو
نا : طه
ياسر: نبي ناخذ توقيعه نا طه من
نا : طه محمد
ياسر: ي صبر ايوب محمد من
نا : نعرفش
ياسر: ماشي ماشي خش قدامي هي
نا : قوست فمي ودموعي نزلن شن خلاص ماعش بتحكي معايه
ياسر: مسك ضحكته ،،،، وماعش بنشوف وجك
نا : مكنش نعرف قلبك اسود هكي وجيت بنخش
ياسر: ههههه مسك يدي تي ي قرعتي نقدرش ع زعلك  خلاص سماح تعالي وخشينا نضحكو
ايمن: باهي اللي شفنا سنونك
ياسر: حرام الضحك
ايمن : لا اضحك ربي يدومها
نا : درت بيتزا وحطيتها مع شاهي وقعمزنا ناكلو
ياسر: عندك بكرا
نا : لالا بعد بكرا
ياسر: هز راسه وانتي ي صينيه شن امورك
ايه: والله تمام عندي اخر امتحان وبعدها نتريح خلاص
ياسر: ع خير شن اسمه خطيبك
ايه: وعيونها قلوب عمر&&
ايمن: ي راجل بلبول ابيض من تلااجه اللي جوا
ايه: ي ماما قولي لولدك
ايمن: بحتو بحتو تبش حد يحكي عليه وضربها ع راسها
ايه: مش هكي بس شن فيها لو الواحد كان ابيض
ياسر: بعدك حتي انتي بيضه توا اول عيل لك يجي شفاف
نحن  هههههههههه
ايه : خالو حتي انت حرام عليك
ماما: والله بعد جمال خوي ماشفت
ياسر: هههههه تسلمي يا رب
ايمن:حتي ولدك ي حويجه ماشاءالله عليه ونفخ روحه
نا : خالو سمح صاح بس انت وين جت فيك السماحه
ايمن:  وتقولو ليش نضربها تعالي هنا
صبيت نجري
ياسر: هي بنروح نا
ماما: خليك ي ولدي اهي دارك فاضيه
ياسر: مره اخره سلام
ماما:مع سلامه دير بالك على روحك