وجعي_انت

1

وجعي_انت
    الحلقه 1
ايه : هي صبيي اول يوم لك ف جامعه توا تتتاخري ع محاضرة جامعه هذي مش لعبه
انا: وحاطه المخده فوق راسي تي باهي وانتي من صباح ربي تحكي ماتسكتي بكل عندش نيه نمشي
ايه: حي ايمن
انا: صبيت واقفه ومفجوعه😳 وين
ايه: ههههههههههه ما يمشي معاك غير ايمن اصلاااا 😂 نازله نراجي فيك ف كوجينه نشرب قهوتي خمسه بس وانزلي
لحظه لحظه تبو تعرفونا اكيده :
انا : بيسان م 99 قصيرة وبيضه وشعري اسود طويل عندي نمش بسيط وعيوني قهويات كبار
ايه : خيتي الكبيره م 94 تقرا طب بشري سنه خامسه طويله ورقيقه بيضه واجد شعرها قصير وعيونها صغار
وأيمن طبعا عرفتو من خوي المصون😊 م 90 فاشل قرايا تخرج بعد كم سنه من كليه lt شهاده بس قدام ناس وعنده محل موبايلات
_____
صبيت وعندش نيه راقده ساعه 4 امس نتفرج ع الافلام الهنديه😍 بحتت ف فوني القيتها ساعه 7 ونص
فتحت دولابي امم شن بتلبسي ي بيسو شن بتلبسي لازم نقعد نهبل اول يوم وطلعت جينز امريكي وسوريه بيج قصير شوي وفوقها طرف زيتي فيه ريش بسيط من فوق وسبيدرو عالي شوي وشنطه قهويات وحطيت ميك اب خفيف بكل نا طلعت وطلع ايمن من حمام "حشاكن "في نفس الوقت
ايمن: تعالي تعالي ي قردة
نا : نعم خير عند صبح
ايمن: تعرفي تسكري فمك خيرك وعدي امسحي اللي ف وجك خير مانديره لك خريطه
نا: اووووف وخيشت مسحت مسحه بسيطه
ايمن: نزل وخش كوجينه ومش عاجبه شي
ماما: كنك عند صبح
ايمن: اسمعي ي امي تفهمي بنتك من توا نهار بوها اسود نلقها دايره حاجه ع وجها او دايره الغلط اصلا مش عارفه كنه معهد حاسوب اللي جنبا حطيتها لي ف اخر دنيا قال كليه اقتصاد قال
نسرين اللي هي ماما: حاضر توا نقولها بس اسكت ومالكش علاقه شن بتخش اختك من يوم يومها تقول نبي اقتصاد وشاطره فيه
ايه: وكنك اسلوبك هكي هدي ع روحك شوي
ايمن: سكري فمك انتي الاخره  نراجكم في سياره بسرعه
ايه: ماشيي😒
ايه: بيسااااان هي بسرعه انزلي فكيني منه ع صبح
انا: هي هي جيت صباح الخير مامتي
نسرين: صباح الخير سلم ابنيتي ماتزعلش خوك 
انا : حاضر 😏
نسرين امته بتردو لان خوكم ومرته بيجو يتغدو عندنا
ايه: توا نروح بدري مالا
انا: اكيده ع 2
ايمن: ايبيب برررا ويرن ع موبايل ايه
ايه حي اطلعي قدامي بسرعه
نا: هي ي صينيه قدامي
ايه: خيرك صينيه ف عينك ، وطلعو

لو القيت تفاعل حنزل الحلقه 2 واللي عنده اي ملاحظه انطول انقصر نحط سمايلات قولولي ف تعليقات ونتقبل اي نقد.