وجعي_انت

3 و 4

#وجعي_انت

حلقه 3
وعينا تاني يوم وحطني ايمن ف  جامعه وايه ف مستشفي
وروحنا عند عمتي نفس ما قالت ماما
ايه: اسمعي فكيني من لسانك انتي ايوه
نا : ليش كني ماحكيت شي
وطقينا الباب

فتح محمد
محمد  : خيرات تفضلو
محمد:  بحت فيني  اهلين بيسو
نا : رفعت حاجبي خير ولاباس ع عمتي
محمد: الله لا يوريك باس تفضلو
ايه : قربت مني بوشوشه مش قتلك بطلي
نا : تي كنييي  
ايه : حاجبك اللي شوي ويطير وابتسمي شوي
نا: باهي باه 😑

وجتنا ريم ودعاء وفيروز
ريم من عمر ايه ومطلقه
دعاء م 96 طيوبه وتحبنا
فيروز 2001
سلمنا عليهن

ايه : وين عمتي
دعاء: تعالي ف دارها
ريم: فنصت ف دعاء ، ايه معلش ماما تعبانه مش قادره تشوف حد
ايه : اها عادي
نا : معقوله ونحن اي حد 😏
دعاء: تعالي بيسو نبيك
خشينا لدار
دعاء : مش عارفه شن نقولك بس واخيرا بيدز هله
نا : واخيرررا ههههههه طه صاح ولا غيرتي
دعاء: ي حيوانه شن غيرتي طه وبس ومافي غيره بس نا قتله اجلها لتروح ماما
نا : اها احسن بس هلك يوفقو بما ان مش مكمل تعليم
دعاء: ماحد دخله حياتي وحره فيهاا
نا : دعاء ما اديري نفس اختك صاح الحب مطلوب بس فكري شوي بعقلك
دعاء: بتنكدي مثلا
نا : عطني دااا باهي انحرقي واسكني ف براكه راكي تنسي
دعاء: هههههههه ولا يهمك والفرح ف خيمه
نا : ماشاءالله وحطي وسندوتشات مفروم
دعاء: ههههههههه بلا سخافه
نا : هههههههه سكتت
دعاء : بصراحه ف حاجه اخره بس مش عارفه كيف نقولها لك
نا : تي انطقي يبيك تشتغلي معه ف حافله شكله
دعاء: ي حيوانه بطلي😂
نا : شن في
دعاء: بصراحه نا منحرجه بس يلا خوي يبيك وقالي نحكي معااك وسالني لو ف حد ف حياتك 
نا : من محمد😳
دعاء :  لا قصي شن رايك مثلا 
نا:  ويخشلي يومي ع ماسنجر ونا نحكي ونتسهوك معه كهبله
دعاء: يعني انطقي اسمعي مش لانا صحبات ونا اخته يأثر علينا كل موضوع بروحه
نا : عاارفه بس لا لاني نعتبره نفس ايمن وعلي الحق
دعاء: شن نقوله يعني
نا : ربي يدزله اللي خير مني
دعاء: طيح سعدك انتي وجملتك هذي اللي كملتيها ترفضي
نا : حره مازال فارس احلامي ما وصل😂
دعاء:  وبعقليتك هذي مش حيوصل😂صوت امك تعالي نطلعو

طلعنا وماما جابت معها الغداء  شربه ومحشي جميع الأنواع وبطاطا امبطه وسلاطات
حطينا الغداء وقعدنا كلنا وطلعت عمتي واخيرا وقعدنا كلنا ومحمد كملها يبحت في
عمتي: سلم ايديك ي ام علي تعبناك
ماما: سلمك صحه لا ولو فش تعب
ريم : شن امورك ي ويه فش حاجه هك ولا هك عريس يعني
ايه: لالا نبي نطلع من سنه وبعدها نفكر
ريم: هههههاي كملتيها لي ننجح سنه هذا اللي يخش طب
ايه : الله غالب مش احسن ما نزوج اول واحد يجيني ونطلق
ريم: شن قصدك 
ايه : قصدي واضح
نا : ماسكه ضحكتي
دعاء: ريم مديلي الخبزه وفنصت فيها
وصبينا ولمينا الغدا وريم برمت وجها  علينا وخشت لدارها وبعدها جا ايمن ونزل باش يسلم ع عمتي
فيروز : خير ي ايمن 😍 شخبارك
ايمن: الحمدال مازال ما كمل
نا : خش ايمن خش  وفنصت ف فيروز خافت خشت تجري
ايمن : زح فجعتي بنت خيرك
نا : تحشم من عمر بناتك راه 
ايمن  : أي بنات😳
نا : لو متزوج من زمان يعني كانت بنتك توا م 2001
ايمن:  خشي خشي قدامي خير ما نديرلك قبر ف جنان هنا ونقتلك ونفتك هبلتيني معاك
ايمن : خير ي عمتي لاباس ان شاءالله
عمتي : تسلم ي ايمن شخبارك
ايمن: الحمدالله بخير
محمد : شن جو الموبايلات عندك بنغير
ايمن: الاسبوع الجاي جايتني بضاعه جديده

وقعمزنا شوي وأيمن قلنا هي تعبان
دعاء: عميمه خلي بيسان عندي اليوم بكرا ماشيه ماما نبيها تساعدنا
نا : فنصت ف دعاء عندي جامعه
دعاء: عادي يوصلك محمد ورقصتلي حواجبها
ماما: مش عارفه ع خوها
دعاء: فيروز تعالي هنا عدي قولي لايمن نبي بيسو ترقد عندنا
فيروز: حاااضر😍
ايمن طلع برا ويبي يحل الباب الاخر
فيروز : بصوت دلع ايمن
ايمن : ياااا نعم😍 عرفته صوتك مش صوت جعفر اللي هي اختك
فيروز: ههههههه عطك الخير نبو بيسو ترقد عندنا
ايمن: كيف لالا فكيني وعندها جامعه 
فيروز  : وراسك ي ايمن حرام عليك نبوها تسعدنااا وررراسك
ايمن:  باه كلميها لي
فيروز: باه
فيروز: بيسو يبيك ايمن
نا : حي عليا مش قتلك ي دعاء تف عليك وطلعن ماما وايه وطلعت معاهن
ايمن : وهو مفلم زح شن نوم ما نوم
نا : مش شوري البنات يبو خلاص توا نروح معاكن
طلعن فيروز ودعاء
فيروز: ايمن زعلانه منك باهي واللهي تشوف
ايمن: لالا والله ما تصير خلاص خشي ي بيسو
نا ودعاء بحتنا ف بعضنا وضحكنا  باي ماميتي ،صينيه باااي ايمن نبي دبش جبيهن لي ف ليل
ايمن: اخره ي سلللام
نا : صينيه توا ندزلك رساله شن نبي
ايه: باهي وفنصت وطلعت
طلع محمد خشي جو انتي وياها
دعاء:  باه واطي صوتك ع اقل ع خاطر بيسو راقده عندنا
محمد: صاااح ونا نقول ليش جتني غمه وضيق نفس وحط يده ع صدره
نا : فنصت ي سلللام خليك عليها باهي
وخشينا
محمد : ابتسم بخبث اليوم يومي شكله