وجعي_انت

33

#وجعي_انت
#dodywehbe
33
نا: نراجي فيك كنها اسماء وجت عيوني على سوريته طالع نصها وشعره الكثيف نازال وبنه عطر نسائيه قويه
مروان: بنظرة خبث وابتسم لا ماكنها شي بنخش ندوش خشي ارقدي 
نا: عيوني دموعو ع طووول وبلعت ريقي بصوت ،،،، ش شن تبي منك
مروان: تي كنك ماتسمعش وقرب مني وبصوت واطي وكم مرة قتلك ما تتدخلش في حاجه ما تخصكش
نا: مسكت دموعي وبحتت فيه بنظرة كرهه وجيت بنمشي كرني من يدي لعند ما خبطت فيه
مروان: بنظرة هاديه وبرودة اللي يقتل فيه وين ماشيه اهي دارك
نا: بعياط اطلقني حول يدك مانبش نرقد معاك مانبش نشوف وجك
مروان: مسكني من شعري قريب طلع بيدة، ،، حنخش لحمام نطلع نلقاك راقدة وفي دارك ومانبش نسمع صوتك ومشي اليوم  على خير
نا:  نتوجع من مسكته ونزلت دموعي ماتقدرش تجبرني اطلق يدك
مروان: انا اللي نقدر وتوا هي يا شاطرة وكرني من يدي وخش لدار رفع الورغان وقعمزني بالقوة من كتوفي
وبعصبيه وعياططط نطلع نبيك راقدة   وعدة
نا: حطيت ايديا على وجي وبكيت بكيت من امته شخصيتي ضعيفه هكي ليش يبي يكسرني يبي يذلني  نا كيف تعلقت بواحد مريض ويكرهني وقلبه مع غيري ويخون فيه نا مش حنقعد يوم واحد هناا 

أحس لو كل الحيّاة تقول آسف ..  ما رضيت ،،،،،،،،،،بعد فترة

سمعت صوته
خشيت تحت الورغان وعطيته ظهري وكتمت شهقاتي ودموعي ما وقفتش شعور واعر وصعب لم تحسي روحك مش مرغوب فيكي ،،، ماحسيتش الا ويدة تمسحلي دموعي وبرمني عندة ،، كنه يجرحني ويكسرني ويرد يتاسف مني بس على طريقته
نا: مانبش نبحت في عيونه مانبش انبين اني ضعيفه بنمسك دموعي بس ماقدرتش 💔
مروان: حسيت قلبي بيطلع لم شفت دموعها منزله عيونها وماتبش تبحت فيه ماعندهش جهد حتي تحكي، ، قربتها مني وحضنتهاا ،،،,,  أشش خلاص ارقدي 
نا: قربني منه وحضني ويمسح على شعري،  تمنيت لو زمن يوقف ماعندش جهد حتي نبعد مانبش نوعا ويرد ينقلب علياا حسيت بحضنه ان يتأسف حضني زين وكني بنهرب منه """""ولا يوم هنساه❤""""""

وعيت ثاني يوم القيت روحي بحضنه بعدت وخشيت لحمام  ادوشت وجهزت الفطور وقعدت على طاوله نعلب بزبدة مسكت الموس قسمتها مربعات صغار وماعندش نيه حتي ناكل وكل شوي نتنهد وتتطلع من وسط قلبي، ،،،،،،،،،  وعا ودار روتينه وجا قعمز على طاوله وماحكش ولا حاجه ولا رفع راسه يشرب قهوته ويبربش في موبايله
نا: بحتت فيه وبتردد بنمشي عند هلي
مروان: رفع راسه وبحت في عيوني زين ورد قعد ياكل ولا كنه يسمع شي
نا:  بنفترة بنشمي عند هلي واليوم وتواااا
مروان: ضحك بهزوة وصبا كنك مستعجله بتخلصي بدري عشان حبيب القلب
نا: حطيت يدي ع راسي استغفر الله العظيم
مروان: استغفري حتي الاستغفار كويس وبرم وقبل ما يطلع معاك ربع ساعه وتكوني تحت نراجي فيك عشان نوصلك عند هلك قالها بهزوة وطلع
نا: جمدت في مكاني ،،،، وضحكت طبعا ما صدق شن بنقول لهلي توا ماشيتلهن ساعه 11  صبيت وفتحت شنطتي البيج كبيرة شوي حطيت فيها كم حاجه من دبشي وشتاتي ومكيجت ولابست بلوزة قصير ودرت وشاحي نفس ماكنت نديرة قبل مانتزوج وبحتت في روحي في مرايا ،،،خليني نشوفك توا شن بدير ح نبينلك انك ولا حاجه بالنسبه لي انتي قويه وقدها  وخذيت شنطتي ونزلت وفتحت السيارة وركبت 
مروان: رفع حاجبه وهز راسه ماشاءالله شن السماحه هذي
نا: ابتسمتله وبحتت في عيونه ،،عيونك الحلوة
مروان: بحت في عيوني وبرم راسه وبعصبيه طلع بسيارة وسرعته قريب دار حادث، ،،،،، وصل لحوش
مروان: بعصبيه انزلي وماعش بنشوف وجك
نا: ولا نا بنشوفك صدقني وفتحت الباب ونزلت عدي عند اللي كنت عندها امس وسكرته بالقوه
مروان: ما صبرش حتي لين نخش وطار بسيارة
نا: تنهدت وفتحت باب الجنان وابتسمت بقهرة وخشيت رنيت على باب فتحتلي ماما
ماما: خير يا بنيتي نجكلي خشي خشي
نا: ماعطيتهش فرصه تحكي اضبطتها طول مرايفتلك شخبارك
ماما: الحمدالله بخير نا كنك انتي وين راجلك
نا: عده لشغله ،،،، وخشينا قعمزنا في صاله
ماما: كنك يا بيسان وجك ما يطمنش احكيلي متعاركه مع راجلك وهذي اول مرة تجينا مفروض ينزل معاك نعرفه يفهم بالاصول
نا: سكتت ،،،،،، يا ماما مانبش نحكي توا
ماما: لا تبي تحكي قوليلي تخوفنيش
نا: جيت بنحكي على نزله ايمن
ايمن: بحت في ساعه وبحت فيه بسم الله
نا: هههههههه كنك شفت جن
ايمن: في حد عندة ذوق يجي ساعه 12
نا: قصدك 11 لي ساعه هنا وصبيت اضبطته ناعلي نا مش مرايف على اختك
ايمن: حولي خلاص مرايف مرايف
نا: هههههههههه سخيف
ماما: بيسان قوليلي شن المشكله بينك وبين راجلك
ايمن: شن كيف
نا: لا حول ولا قوه الا بالله يعني لازم تكون في مشكله باش نجيكم
ماما: لا مش لازم بس نا نعرفك تعرفش تكذبي باين في وجك احكي
ايمن: قعمز ويبحت فيه يراجي نحكي
نا: قعمزت اه في مشكله تريحتو
ماما: شهقت مزالتي عروس ماسكرتي شهر انطقي شن درتي
نا: ما درت شي ليش ديما تحطو الغلط عليا عشان امتحاناتي بس وقتله بنقرا في داري عصب عليا
ايمن: احلفي شن هالدلع هذا معه حق كان نا نقتلك صبي صبي وبلاش حركات
ماما: لا يا بنيتي ماعندكش حق شن بتقري  ف دارك وعندك راجل وحوش
نا: فلمت خلاص باه نا الغلطانه بس توا ممكن تسكرولي الموضوع هذا لان امتحاني بعد بكرا ونبي نقرا بتركيز
ايمن: لا مش ممكن هي توا طالع نا نوصلك بطريقي بعدين شن لابسه انتي شن هذا
نا: شقلبت عيوني عادي مروان فري(ف عقلي اكيدة يشرب توا باش ينسى شكلي🤣)
أيمن: لا فري لا ننننم مرة اخرة نشوفك هكي نقصلك كرعيك
نا: باه حاضر بنطلع نرقد توا،،،، ماما خاطري في بشاميل
ماما: باه توا نديرها لك
طلعت وزقبت على سرير ونبوس في المخدة مرايفه عليك نعن بوه الزواج وساعته ولابست بجامه و دزيت مسج لدعاء اني عند هلي ورقدت جت في عقلي صورته وضحكته غمضت عيوني..........
وعيت على صريخ دعاء وزقبت فوقي
دعاء: مرايفه عليككككك
نا: حتي ناا والله عطيني نفس بس  وووواك
دعاء: قردة عديمه الإحساس وين وين شن هالجمال وسامنه
نا: هههههههههه من الراحه اللي نا فيها
دعاء: احكيلي بسرعه وليش كلمتيني تبكي هذك اليوم وشن قصه الطلاق بسررعه
نا: باهي باهي غير تعالي ناكلو بس ارقدي هنا اليوم شكلي مطوله نا
دعاء: قصدك حرجانه
نا: قوست فمي وهزيت راسي
دعاء: طيح الله سعدك في وحدة بعقلها تسيب راجلها وخصوصي لو كان نفس مروان
نا: اها في ناا وماتجيبش اسمه خليني رايقه ايوه  هالمريض نا عايشه مع واحد مريض نكرهه
دعاء: بحتي في عيوني كلا
نا: ها بحتت شن في
دعاء: نا شايفه انك تحبيه وتموتي فيه اخره
نا: نزلت عيوني طول  نعن جد لا فش منه الكلام هذا
دعاء: ورحمه خالو تحبيه باهي
نا: عيوني دموعو لالا بس تعودت عليه وعلى ضحكته وعلى عصبيته ولم يبحت فيه يحسسني كاني حاجه نادرة وكلامه اللي مايحكش الا الحاجه الضروريه والمهمه تعودت نديرله قهوته بنه عطرة شعرة اللي كل شوي يرفع فيه نومته الهاديه ونزلت دموعي
دعاء: متكيه على يدها وتنهدت وهذا كل وتقولي ما نحبش
نا: خلاص يا دعاء وراسك هي ناكلو بعدها نقرو الامتحان بعد بكرا راه
دعاء: لا نا شكلي ساقطه السنه هذي
نا: على اساس نا لا تعالي تعالي ونزلنا درنا صفرة وكلينا وطلعنا قعمزنا في صاله
جا ايمن
ايمن: اوووووووف
دعاء: قلبت وجها اسمع ماتحكش معايا نا جيت على خاطر بيسو
ايمن: ناااعلي على اساس قاتل روحي باش نحكي معاك
نا: نبحت في وفيها
دعاء: صبت ومدت اصبعها اسمع كان ما تخطها نهارك
ايمن: مسك اصبعها هذا ما يرتفعش في وجي تمام وماليكش علاقه اطلعي من الموضوع
دعاء: بعياط اختي اختي كيف نطلع من الموضوع ونا شايفتها في الحاله هذي
نا: اسكتوووو وووووك كنك منك له شن في احكو
دعاء: قلبت وجها اسالي خوك المصون
ايمن: بنفترة اساليها هي ام المشاكل ايام علاقتها مع يأسر ماحد فتح فمه وتوا تتدخل في حياه اختها
دعاء: لم تكون راجل نفس ياسر ساعتها مانحكش بس لم نشوفك تضحك عليها وتحكي مع عشره غيرها ولا وحقربي ماني ساكته
ايمن: بعصبيه راجل وغصب بنعنك دعاء ما تغلطش مزلت محترمك
نا: يبييياي عليا وعلى بختي وين مانمشي نلقا مشاكل احكو من يحكي مع من
دعاء: تعالي معايا توا نحكيلك
ايمن: كرني من يدي ،، وبحت في دعاء احكي هنا درعنك شن تبي تخرطي وتكذبي
دعاء: تمام نحكي مانش خايفه خوك دار علاقه مع اختي ويحكي مع غيرها وهي كل يوم تبكي منه وتقعد تراجي دورها باش يحكي معاها حتي قريتها ادهورت حالتها بكل نقصت خايفه عليها يا بيسو كلمت خوك وقتله سيبها توا تفهم انك ماتحبهش تبكي يوم يومين وترد نفس الاول سكر راسه
نا: بحتت فيه بصدمه معقوله يا ايمن
ايمن: نا قلتلها من الاول جو الحب هذا ماعندش وهي وافقت وكان تبن اسالنها
دعاء: تمام ليش ماتبش تخطها
ايمن: هي ماتبش ونا مانبش نزعلها
نا: لالا شن الكلام هذا ايمن تسيبها ح تبكي وتتعذب بس تتعود توا خير من بعدين
ايمن: يصير خير وطلع لداره
دعاء: شفتي خوك يقهر
نا: حرام عليك خايف على مشاعرها ونا وياك نعرفو من يومنا ان فيروز تحب ايمن وايمن لا
دعاء: ليش يحكي معاها مالا ويعلقها فيه
نا: مش عارفة الحق
دعاء: سكتت،،،،،، زودتها صاح
نا: واجد
دعاء: حي عليا زعل مني
نا: وكلمتك متاعت لم تكون راجل واعره راهي
دعاء: اسكتي خلاص توا نتاسف منه
نا: عدي هي ندير نسكافيه ونجيك وطلعت دعاء طقت الباب على ايمن
ايمن: خشي
دعاء: فتحت الباب نا راه
ايمن: من غير نيه نعم شن تبي
دعاء: بلعت ريقها اسفه عارفه روحي كبرت في الكلام
ايمن: حتي نا اسف ماكنش لازم نحكي معها من الاول
دعاء: اللي صار صار نحن في توا انت سيبها قطع عليها
ايمن: ان نكلمها ونقوللها ماعش بنكلمك لالا بس توا نخليها هي تتطلبها مني ماعش حنكلمها ونعملها ببرود
دعاء: هزت راسها تمام

أصيل: ليش تخليها تمشي
مروان: خليها تقرا وتكمل امتحاناتها وبعدها ساهل عندي ماش ح تقرا ح تكملها بكاء
اصيل: ناعلي من الحنون نا واسماء شن بدير معها
مروان: مش حندير شي خلاص تأدبت
اصيل: وبالك دارت شي لمرتك
مروان: تحلم،،، وقاعد يشرب
اصيل: سدك شرب خلااص

بدت امتحاناتي وكل يوم نروح يوم متنكدة يوم نبكي ماحليتش نفس مانبي ودعاء دارت تلبيستها وطلعت تجنن وخالو مش مصدق من الفرحه
عمر وايه ردو نفس الاول وأحسن وعمر بيطلع برا يبي ولده يجي في ألمانيا
ايمن ماعش كلم فيروز بكل وهي كملتها تبكي وزعلانه مني ودزله رسائل بس رضت في الأمر الواقع وقررت اطلعه من قلبها وتشوف حياتها 

روحت اخر يوم ونا نبكي
ماما: كنك يا بنيتي شن فيك
نا:  ببكاء خلاص السنه هذي ساقطه نا ماحليتش سيبت كم سؤال
ماما: خلاص خليها على الله درتي الي عليك تعالي كولي
نا: ماعندش نيه بنرقد
ماما: بيسان شن بيصير راجلك وينه لتوا
نا: ماما وقته توا خلاص ،،،،،،،وطلعت متنرفزة ادوشت ولابست شورت وردي وكت ابيض لان جو كان نار ومانقدرش نولع المكيف عندي حساسيه طفيت الضي وفتحت الروشن ورقدت
ساعه 4 ماما صبت تفتح الباب
ماما: خير يا ولدي تفضل تفضل
مروان: خير يا عمتي شخبارك
ماما: الحمدالله بخير ليش متعب روحك
مروان: لا ولو
ماما: هيت عنك
مروان: لا والله وين الكوجينه وكان جايب سقيطه كامله
ماما: اهي على يمين سلمت ،،، خش مروان وحط الحطام في كوجينه وطلع
مروان: وسكت شوي ،،،، وينهي بيسان
ماما: راقدة لها ساعتين بنقولك يا ولدي نا مانبش ندخل في مشاكلكم بس الله يربحك طول بالك عليها البنيه صغيرة ومش فاهمه الصح من الغلط
مروان: انحرج ان شاءالله
ماما: اطلع  يل ولدي شوفيها تلقها راقدة في دارها  كرعيا مانش قادرة نرقا نكلمها
مروان: صبا لا تريحي وينهي دارها
ماما: اول ما ترقا في اخر الممر تلقا عليها رسومات توا تعرفها
مروان: ابتسم وهز راسه وطلع