وجعي_انت

34

#وجعي_انت
#dodywehbe
34

مروان: هز راسه وابتسم وطلع فتحت الباب كانت راقدة نفس الملاك  ،،، كنت مرايف عليها ماحسيتش بقيمتها الا لم فقدتها وزدت تأكدت لم شفتها قدامي حطيت يدي على خدها كنها طفله
نا: ايمن بلا برادة واطلع
مروان:  ضحك نا مش ايمن افتحي عيونك يا فارتي
نا: فتحت عيوني بشويش وقعمزت منخلعه عقدت حواجبي مديت يدي بشويش لمسته بنتأكد اني مانحلمش ،، مروان
مروان: ابتسم اها مروان رايفت عليك ومد يدة على شعري يحطه لي وراء وذني
نا: عيوني دموعو ونبحت فيه وساكته،،،،،،،، وماقدرتش نمسك دموعي
مروان: مسحلي دموعي وتنهد وقرب وحضني وبصوت واطي  رايفت عليك وماعش نبيك تبعدي نبي تجي معايا وتوا
نا: حسيت روحي طلعت مني نحبه ليش الكذب اي وحده مكاني كانت حباته بس نخاف منه نخاف من مزاجه
مروان: بعد وبحت فيه وسكت بس عيونه يحكو
نا: بحتت في عيونه زين شفت كل شي واضح بعيونه مايقدرش يحكي ولا يعبر ،،،، صدقت كلامه وحسيته يحكي من قلبه بس لا مش بسهولة هذي جرحتني واجد يا مروان وماعندش ثقه فيك ،،،،،،، ،،،، بغصه شن تبي
مروان: نبيك ،،، نبيك تردي معايا
نا: صبيت من مكاني وضحكت بعد شن اسمع ناااا وخذيت نفس قوي وحطيت يدي على قلبي حسيت بنغزة،،، نا مش لعبه عندك تعزقني امته ماتبي وتوا تبي ترديني
مروان: صبا وساكت 
نا: كنك ساكت هاااا كنك ماعندكش حاجه تقولها مش حنرد معاك  ونبيك اطلق وماكملتش كلمتي الا وقطع عليا ب.... طويله رحنا في عالم ثاني ،،،،،،،،، حط جبينه على جبيني ويتنفس بالقوة ماعش تقوليها الكلمه هذي فاهمه انتي خشيتي لحياتي ومش بسهولة تتطلعي منها
نا: وجي حمر وفتحت عيوني وبصوت واطي،،،  بتردد ونحكي بغصه بكاء مش عارفه كيف حكيت عطيني كلمه بس وح نصبر عليك ومديت اصبعي على قلبه  هذا حيكون لي في يوم من الايام ولا لا
مروان: سكت
نا: حسيته ارتبك لهدرجه سؤالي صعب !! برمت ظهري ونزلت دموعي حرقتني حرق ،،،، اطلع اطلع يا مروان عدي شوف حياتك وخليني نشوف حياتي ماتعذبنش اكثر
مروان : بعصبيه مش على مزاجك وبتردي معايا
نا: ولا على مزاجك مااانبش افهم
مروان: تمام نشوفو وطلع من دار
نا: قعمزت على ارض ودموعي ماوقفتش وحسيت نفسي انقطع
مروان: نزل وهو غمتله بكل شاف ايمن و ماما ف صاله ابتسم سلم على ايمن وقعمز معاهم يشرب قهوهه  ،، ها ي عمتي توصي بحاجه
ماما: تغير وجها ،، وبيسان ماتبش تمشي معاك
مروان: انحرج زايدة على ان مايحبش يحكي  خليها كم يوم تريح نفسيتها وتوا نرد
ماما: لا والنبي خليك قعمز يا ولدي مانك طالع الا وهي معاك شكلي دلعتها واجد نا
مروان: ابتسم هذا اللي يبه اصلا،،،،، ماتغصبش عليها
ماما: ما عليك وطلعت
ايمن : سكت ومابش يدخل وغير الموضوع،،،،،،، صبو يجارو على صوت ماما
ماما: بنتي كنك يا بيسان كنك
مروان: صبا جنب الباب وانصدم
ايمن: بخوف حولي يا امي ما تغمش عليها وين دواها وينه
ماما: ببكاء مانش عارفه
مروان: ماصبرش عليهم جا يجري عطيني اي حاجه لبسيها بسرعه
ماما: صبت وهي ترعش وجابت عبايه وشاح
وقامني وحطني بسياره وما صبرش حد يركب معه وطلع بسرعه 
ام ايمن لحقه في سياره مع ماما بعد ما كملت لابسها
وخش لمستشفي ومشا بيه لدار لان ماكنش في حد
ممرض صغير اطلع لو سمحت
مروان: عدي من وجي خير ما نكسرك
وجا الدكتور يجري ومعه الممرضه ،،،، الممرضه اطلع لو سمحت
مروان: شاف الدكتور يحل العبايه ويقسلها في نبضات القلب جن جنونه ،، كيف مافش دكتورة هنا
دكتور: مابش يرد وبحت في ممرضه
ممرضه لو سمحت لثاني مرة انقولك اطلع ،،،
طلع ومسح وجه وفتح سوريته من فوق وبعد شوي جا ايمن وماما
الممرضه: ضغظها نازل
الدكتور: هذي المريضه جتنا من قبل وعندها الربو عطيها ابرة وحطيلها تنفس