وجعي_انت

21

#وجعي_انت
#
حلقه 21

نا: رفعت عيوني القيته مصدوم ف عقلي بسم الله كنه هذا شكله عنده حاله نفسيه
علي: حركلي ف راسه بمعنى خشي
نا: خشيت لكوجينه وميته ضحك
دعاء: الستر كنك خشيتي تبكي طلعتي تتضحكي
نا: ووواو علي كارثه اتقولي هو اللي عنده مقابله  متتتتت
دعاء: فضح بينا عطه كشفه دار اللي ف راسه  وما طلعش
نا: هههههههههه واقسم بالله لو تشوفي شكله والآخر ماسك ضحكته اكيدة مش حيوافق ح يقول عندها اخ مختل عقليا 😂
دعاء: شن رايك فيه باهي
نا: بحتت ف دعاء ورفعت كتوفي مش عارفه
دعاء: بيسسسان من اللي كان جوا توا نا ولا انتي
نا: صوتك هييي مش عارفه بس في حاجه غريبه فيه
دعاء: نفس
نا: بحت فيه ف نظرة نفس اللي بيذكر وين شافني
دعاء: باهي طرف ع طبيعه
نا: اه يعني حليوة بس خلاص متاكدة مش حيوافق تي ما قلت كلمه
دعاء: بيسان بنقولك
نا: شن
دعاء: خوي كان بيخطبك راه ولم علمها كسر داره كلها حتي ان جرح يده
نا: سكتت

‏انسانه تكتم وتكابر أكثر من أنها تتنفس.
‏
دعاء:  حتي كان بيجي عند علي بس بوي وقف في وجه يعني هذا لو رفض اكيدة ح يخطبك حمادي وعلي ح يوافق
نا: حسيت روحي بندوخ نا ومحمد مستحيل يارب وقف معايا  وطلعنا من كوجينه القيت ماما وخالتي وفريحه وعلي روحو
خالتي: شن ي بيسو عجبك شفته هو وطالع سخصيه وحتي امل مرت خوه الكييرة علك ذوق فيها
نا: تي اي شخصيه قاعدلي في المربوعه تقولي قابض الأرواح شكله جاي غصب قلتها وسكتت، ،،تي ليش قلت هكي نا
ماما: لا يا بنيتي ماشاءالله عليه بس انتي صلي استخارة وشوفي روحك
نا: ههه صليت ولا لأ ع اساس علي بياخذ رائي
دعاء: هي باي بيسو محمد جا
نا: تمام باي ي قلبي نصبيلك في خطبتك نبش نقول مقابلتك فش لها داعي وغمزتلها
دعاء: وجها انحمر وعيونها شر باي
نا: هههههههه راكي تموتي
طلعت لداري وصليت ودعيت ربي اللي ف خير يجيبه لي

‏حدث الله بسجودك عن كل شيء ثم أرفع رأسك للحياة بكامل قوتك.

ورقدت لعند توا مافتحت موبايلي الجديد اللي من خالو
مروان رن ع امه باش يطلعو طول الطريق ف سيارة ساكت
حميدة: توشوش سالمه غريبه كنه
سالمه: مش عارفه مصدوم العيل
امل: شن رايك فيها ي مروان شفتها ماشاءالله عليها بس صغير يا عمتي حتي اصغر من ليبيا واسيا
سالمه: لا ماصغيرة ي حنه الجيل هذا ماعش ف حد صغير
مروان: بصوت عالي تبو تسكرولي ع موضوع ولا نزلكم هنا 
سالمه: حطت يدها ع قلبها خلاص خلاص سكتنا

وصلهن وعدة لبحر قطع عليه تفكيرة رنه فونه
مروان: نعم
اصيل: وينك
مروان: شن تبي ي راجل
اصيل: غير قولي وينك
مروان: عطا المكان وسكر

بعد نص ساعه كان عنده
اصيل: حط يده ع كتفه شنجو وقعمز جنبه
مروان: يدخن وساكت
اصيل: شن الامور
مروان: شفتها ملاك
اصيل: شن
مروان: تخيلتها ملاك شفتها ملاك ضحكتها وعيونها
اصيل: ف عقله ايوه انهبل الراجل  ،،سكت
مروان: تي وأقسم بالله شفتها ملاك كنك ساكت مش مصدق
اصيل: مروان ملاك رحمه الله عليها خلاص طلعلها من عقلك وعيش حياتك ع حسب كلام امي انهم ناس كويسين ماقتلك حبها بس تزوج دير حل لروحك هي سقد باش نلحقك
مروان: صبا
اصيل: وين نقولو مبروك يعني
مروان: ماردش وعده لسيارته
اصيل: بصوت عالي فكني منه هذا اللي تشرب فيه فكننننني