💔 وجعي_انت
#dodywehbe
حلقة43
خشيت لعمليه ساعه 7 مش عارفه كم قعدت بس وعيت ساعه 11 صبح فتحت عيوني بشويش القيت ماما قدامي
نا: بصوت مبحوح ماما
ماما: الحمدالله شن يا بنيتي شن تحسي طولتي وانتي راقدة حتي دكتور جا كم مرة عليك
نا: وين مروان
ايه: بضحكه شوفو تسأل عليا اول واحد
ماما: عدة بيغير دبشه قال ويجي وحتي انتي يا ويه عدي لولدك وراجلك
ايه: اي بنمشي توا ميته نعس اصلا قالي دكتور تتطلع بكرا توا نردلك في ليل جبتلك دبشك ، تبي شي يا ماما
ماما: سلامتك مع سلامه
ايه: سلام وطلعت
ماما:تعبت اختك من صبح تجري عليك
نا: ماما حاسه روحي بنرجع
ماما: جت تجري ومعها كيس ،ايوه طلعي طلعي هذا كله من بنج
نا: تميت نبكي حسيت روحي تتطلع، بنغير دبشي
ماما: ليش يا بنيتي اهي مناديل معطرة مسحي
نا: لا بنغير ساعديني بس
وصبيت تسندت على ماما خشتني لحمام غسلتلي وجي وايديا غيرت ولابست بجامه
ونا طلعه متسندة على ماما جا مروان
مروان: يحكي مع ماما امته وعت
ماما: من قبل شوي
مروان: جا بيمسكني
نا: مسكت في ماما اكثر وقلبت وجي عليه قعمزتني على سرير
ماما: تبي ترقدي
نا: هزيت راسي ،،، وخشو خالو ودعاء
ماما: ها جيتو ايه من قبل شوي مشت وين مهند
يأسر: تلقينا في طريق وعطينا لها
دعاء: جت جنبي لاباس حبيبتي شن احسن توا
نا: الحمدالله
يأسر:باس رأسي متوجعه
نا: اها شوي
ياسر: شن الأخبار وين الغيبه ومد يدة
مروان: الحمدالله حال الشغل
يأسر: هزله راسه وطلعو برا
ماما : اكيدة بيحكو عليك
دعاء : هذا اللي لازم يصير مانكش مقطوعه من شجرة انتي
نا: ديرو اللي تبيو نا ماعش يهمني
يأسر: شن يا مروان تشوف الصح انك تجيها طول هكي ماعندهش رجاله هي !
مروان: رفع حاجبه ليش نا ومرتي مافي بينا شي كنت في شغل برا ورديت ليش تكبير المواضيع
يأسر: تي ي راجل شن اللي مافي شي 8 شهور امسيبها وفهمت من هلي انك مزعلها وحرجانه تبي تردها تجيب بوك وسيدك وخوتك ونقعدو نتفهمو امه قصه كل شوي عند هلها بنحطلها حد ماتبش تكبير المواضيع على قولتك خليها عند هلها خير وعدة سيبه متعقد
يأسر: ها يا دعاء نمشو
نا: نبحت في الباب ماخشش مروان
دعاء: هي به تبي حاجه
نا: وصلو ماما خلاص روحي تريحي ارقدي كم ساعه وتعالي
ماما: ونسيبك وانتي تعبانه لا والله ما نمشي
نا: نا كويسه وحاسه روحي مدروخه بنرد نرقد
ياسر: تريحي ساعه بس ونرد نجيبك
ماما: كان حسيتي روحك بترجعي اهي اكياس ومناديل
نا: لا احسن
ماما: يا بنيتي والله ماعندي قلب نسيبك
دعاء: وشوشت ماما تعالي افهمي من يأسر شن قاله
ماما: اه معاك حق ،، خلاص ي بيسو ساعه ونردلك
نا: نا به جبتولي موبايلي
ماما: اهو امسكني صار حاجه تكلميني طول
وعدو
نا: تمددت ونبربش في موبايل، خش مروان وقعمز جنبي مابحتش فيه بكل
مروان: كر مني الموبايل،،،، كنك
نا: قعمزت مع على اساس اول ماتفتحي عيونك تلقيني جنبك
مروان: زح عديت نغير دبشي وجيتك
نا: شن حكيت انت وخالو
مروان: شي كلام عادي
نا: مديت يدي على خدة شكلك نعسان عدي ارقد
مروان: مسك يدي وباسها وصبا سكر الباب بالمفتاح ،،لنقنه يفهم عمر حطك بأحسن دار
نا: هههه وسطات
مروان: رفعلي حواجبه وسعي
نا: هااا كيف
مروان: بعدني ورقد جنبي مش قلتيلي ارقد
نا: باهي بس مش هنا توا يجي حد
مروان: من بيجيك توا ،،خلاص تريحي
نا: رقدت وجي مقابل وجه ونبحت فيه غمض عيون، مريت بيدي على شعرة لحيته حواجبه نزلت دموعي مش مصدقه ان راقد جنبي نتنفس نفسه مديت يدي على يدة وبستها وحطيتها على قلبي وكني حكيتله كل اللي في قلبي وبصوت واطي،،، نفكر واجد ي مروان نفكر وباستمرار م مروان نا موجعه
مروان: فتح عيونه بصعوبه لان من امس مش رقد،،، المشكله مش مصدقه شن دار حبك فيه لو نقعد نحكي من توا لسنه الجايه حبك واعر ويتعبني مستوعبه !!!! شن انديرلك باش تصدقي انك صرتي هوسي
نا: بغصه كل ما نسامحك ترد تجرحني ليش مكتوبلي الوجع والقهر
مروان: عقد حواجبه وتنهد جا بيصبي
نا: حطيت يدي على كتفه خلاص خلاص ماعش نحكي ارقد
وقربت بسته هي غمض عيونك
مروان: حضني ورقد
نا: قعدت واعيه نبحت فيه وماحسيتش على وقت الا لم طق الباب
نا: مروان مروان
مروان: هاا شوي بس
نا: ضحكت مروان رانا في مستشفى
مروان: فتح عيونه بصدمه وصبا بسرعه يسقم دبشه
نا: نضحك على شكله
مروان: كم ساعه رقدت
نا: ساعتين يا عمري نا نعسان هاا خلاص روح توا ارقد
مروان: قرب مني شن قلتي
نا: روح توا ارقد
مروان: اللي قبلها
نا: ابتسمت يا عمري
مروان: غمض عيونه وباس رأسي ما تتخيلش كيف طالعه سمحه منك
رد طق الباب بالقوة
مروان: ييياي زح بااااهي وعدة فتحه
سالمه: تفنص شن هذا تحسب روحك وين قاعدة ساعه نطق قدام الناس شندير ها
مروان: نحلف عليها ماني قاعدلكم ح ناخذها ونسافر كل شوي طلعلي واحد
نا: حطيت يدي على فمي
سالمه: حول من طريقي ونا شن نبي يا حنه ربي يسعدكم، شخبارك يا بنيتي لاباس عليك
نا: الله لا يوريك باس
سالمه: حاسه بوجع ولا لأ
نا: اول ما وعيت بس توا الحمدالله احسن
سالمه: شن نقولو مبروك شكلكم تمام
نا: قعد وجي حمر ابتسمت
مروان: بغير الموضوع، ،وانتي يا امي مش تبي اديرها المرارة
سالمه:اهاا يا ولدي لازم انديرها تعبتني مانقدرش ناكل كويس منها
مروان: باذن الله نحددو يوم من جابك
سالمه: مراد وعدة قالي روحي مع مروان والله مش مريحني هالمراد شايل هم حاسه بي قلبي مش مطمني عليه تربح شوفه واحكي معه
مروان: عارف ماتشغلش بالك عندي مشوار ونردلك
نا: سكتت وبحتت فيه
مروان: قرب مني وبصوت واطي ماتخفش مش ح تتطلعي الا عندي غير نحل موضوع بس مع الافندي
نا: اي افندي
مروان: ضحك خالك هي نا ماشي
وقعدنا نا وعمتي نحكو على فرح و روحت جت ماما مع علي
علي: الحمدالله على سلامتك
نا: ابتسمت باه اللي اذكرتني قريب نسكر السنه وما شفتك
علي: بعصبيه تشوفي فيه فاضيلك
نا: تعرف اكثر شي يحرقلي قلبي انك تشبه بابا واجد وياريت ربي كملها معاك وطلعت نفس طبعه وحنيته
علي: بعياط شن قصدك يا فرخه وصبا بيجيني
ماما: صبا ومسكاته يرحم بوك البنت طالعه من عمليه اطلع عدي خلاص
علي: تربيهاااااا ايوة واخرلك مرة تحكي معايا هكي وطلع
ماما : حطت يدها ع فمي هذا مايبش يسكت ديما مودرك
نا: بحتت فيها بنص عين اصلا لو نعرف نحكي وناخذ حقي راه مش هذا حالي
YOU ARE READING
وجعي_انت
Romanceرواية ليبية شروقايه واقعية ح تعيشو مع الابطال لحظه بلحظه واحداثها متجددة بأستمرار ❣ اكثر روايه عندي كتبتها بالتفاصيل ❤ بقلم Dareen
