وجعي_انت

29

#وجعي_انت
#dodywehbe
29
براحتك وخشيت لدار غيرت ولابست روب حوش ابيض لتحت الركبه وعليه ورد بالون الاصغر ومن لاورة نفس علامه الاكس رقدت وبعد ساعتين واول ما وعيت طفا الضي، ،،،،،نا ييياي عليا مش وقته بكل وصبيت قعدت نتلمس لعند ما وصلت لشنطتي فتحتها وطلعت فوني القيته طافي شحن طبعا لي يومين ماشحنته
نا: حي عليا شن بندير قعدت نتلمس لين طلعت لصاله وفتحت الروشن ظلام مافش الا ضي القمر  قعدت قريب ساعه بروحي ومازال ماجا ،،،  خفت مانحبش نقعد بروحي وفوقها الضي طافي،،،، ليش تزوجت نا شن نبي فيه الهم هذا لو توا مقعمزه مع ماما حسبي الله ونعم الوكيل واذكرت كلامي مع خالد

خالد :  يعني  تخافي من الظالم
نا:   نخاف ومانحبش نرقد الا وفي ضي خفيف في دار سببها من ايمن وايه
خالد: ليش شن دارو
نا: لم كنت صغيره ايه ضحكت عليا وقالتلي تعالي نعطيك شوكلاطه وخشتني لدار ووطفت الضي وايمن كان تحت السرير ومسكني من كراعي 
خالد : هههههههههه
نا: ما تضحكش بجد خفت وقعدت اسبوع نرقد مع بابا وماما وبابا اعطه طريحه سمحه لايه وايمن
خالد: رحمه الله عليه حبيبي من اليوم وطول ما انا معاك ماعش تبيك تخافي من حاجه

نا: من غير ما نحس القيتي دموعي نازاله وخفت اكثر لم سمعت صوت جنب الحوش
مراد: طلع من حوشه ورن على مروان ،،،،، ايوه
مروان : سلام شن مزلت ماعديت
مراد: توا ماشي كنت انشيك على شقه بس،،،،، نبي نعطيك المفتاح
مروان: نا مش في الحوش حطهن تحت الفرشه
مراد: ميه ميه اه خطرها الضي طافي راه
مروان: من امته
مراد: علمي علمك هي سلام توصي شي
مروان: سلامات.....  وسكت شوي وصبا لابس الجاكه
الشباب: وين وين
مروان: عندي ظرف خلاص نعوضوها
اصيل: طروح المتزوجين هههههههه
عبدو: قعمز يا راه توا غير بدت السهره
مروان: ماردش عليهم وطلع ركب في سيارة..... وصل
نازل يجري
نا: سمعت صوت الباب صبيت نمسح دموعي
مروان: بيسان وينك
نا: بخوف نا هنا
مروان: نا اسف بجد امته طفا
نا:بصوت يرعش مش عارفه حتي الساعه ماشفتها
مروان: مسكني من يدي كنك تبكي خلاص
نا: لم قال هكي زدت نبكي اخرة ،،، مانبكش
مروان: قرب مني وحضني خلاص اسف والله ماعد نسيبك
قعدنا على حال هذا شوي 
نا: بعدت عنه ،،من يوم وغادي كل ما تتطلع حطني عند هلي
مروان: امم يصير خير ،، تعالي نولعو شمعه ومسكني من يدي
نا: بعقلي كل يوم عقل يل ربي صبرني، ،،، وجا الضي  نا واخيرااا
مروان: اهو جا خربتي علينا السهرة
نا: كيف على اساس كلمتك نا يعني انت ماكنتش بترد توا
مروان: اه لا هذا موعد ترويحتي نا
نا: اهااا جعان ندير حاجه ناكلوها
مروان: توا نطلع نجيب من المطعم شن تحبي
نا: اممم بيتزا
مروان: تمام  وطلع  قدام الباب ،،،، لحقته مروان
مروان: برم ابتسم نعم
نا: انحرجت،،،،، بنسالك على شحنك وينه شحني انسيته في حوشي
مروان: بيحكي قطع عليه حد نازال من فوق ،،،فنص فيه خشي جو وسكر الباب
ورد جاب العشاء وجهزت الصفره في صاله وغير دبشه ولابس بجامه سودة وقعدنا نتعشو وماحد حكا مع الاخر
نا: بكرا بتمشي لجامعه
مروان: إن شاءالله وصبا تبي شحن ماه
نا: هزيت راسي
مروان:  طلع من جيبه مفتاح وفتح الدار وخش
نا: قعدت نبحت باستغراب ونشرب عصير
مروان: طلع وسكر الدار ومدلي شحن  خليه عندك
نا: شكرا ،، ليش مسكرها الدار
مروان:  قعمز  هذا مكتبي وديما مسكر ومانحبش حد يخشله
نا: اها انت مهندس مدني
مروان: تقدري تقولي الاثنين نرسم المخطط ونقعد فوق راس العمال وقت التنفيذ 
نا: اها وسكتت حسيت روحي نسحب الكلام منه سحب وصبيت لميت الصفره وخشيت لكوحينه درت الحوس وطلعت
مروان:تعالي هي كساد كساد خلينا نتفرجو على فلم
نا: باه فلم رعب
مروان: بحت فيه بطرف عينه لا فكينا را اديرلي عزا
نا: مانخفش من الأفلام الرعب نخاف من الاكشن
مروان: هههههههههه كيف هكي
نا: اول مره نشوفه يضحك كان يجنن،،،، بجد نتحملش الضرب والتكسير بس الرعب عادي
مروان: باه راجي وصبا حط الفلم وجا قعمز جنبي
نا: انسجمت وكل شوي نغمض عيوني
مروان: مقعمز وعقلي معها وحركاتها الطفوليه
نا: عيطت مروان غير غير
مروان: ههههههه مش على اساس ماتخفش تفرجي مالا هي نا نعست تصبحي على خير
نا: بلعت ريقي وين بتمشي
مروان: نعست بنرقد واعي من  10 وعندي شغل بكرا
نا: باه خليك شوي
مروان: مسح وجه لنقني يا ملاك نعسان  ،،، قبل ما يخش لدار
نا: استكيت من ملاك
مروان: برم كيف
نا: قلتلي ملاك توا من هذي
مروان: بحت فيه وسكت
نا: هذي اللي كانت خطيبتك
مروان: اسكتي خلاص
نا:  صبيت ليش نسكت عادي كان حكيتلي عليها
مروان: بعصبيه وجاني ومد اصبعه قتلك من قبل مالكش علاقه ومن انتي باش نحكيلك عليها
نا: رفعت حاجبي نا مرتك توا برضاك او لا ويكفي هلك ما قالوش لهلي على موضع هذا
مروان: ضحكه بهزوة لو حد من هلك سأل راه عرف قصه حبنا ما انتهتش لليوم والكل يعرفها 
نا: سكتت وبحتت فيه وربعت ايديه قدامي،،،،، وليش تزوجت مالا لو قصه حبك مازالها لليوم
مروان: سكت وبحت في عيوني والشر يطلع من عيونه لعند ما قعدن حمر