وجعي_انت

38

💔   وجعي_انت

#dodywehbe

حلقه 38

عدينا عند عميمه فاطمه وفطرنا ولمينا الحوسه وقعدنا نشربو قهوة
عزيز: تي كنكم انت وياه كل واحد وجه يجيب خمسين يوم قبلي
مروان: لا مافي شي منغير خوك مكملها لي طروحات وزعل
اصيل: ساكت وما ردش
نا مقعمزة مع البنات ونسهرو
اسيا: جها مسج صبت
ليبيا: فنصت فيها وين ماشيه ارتزعي
اسيا: وراسك شوي بس نشوفه شن يبي بيسو قوليلها
نا: مش شوري راه تتطلع في راسي
اسيا: زعلت وقعمزت باه وحقربي نوريكن
نا: ضحكت خلاص صبي بس خمس دقايق بدن من توا
اسيا: نجك لي دقيقه بس
لييبا: تعرفي كان شافها مروان واللهي يقتلها
نا: ما عليك في شوي حركات مني يهدا
ليبيا: هههههههه ناعلي نا بس بجد يحبك ومتعلق فيك واجد كنا نقولو مراد اللي ياما يطلع منه طلع العكس
نا:  ضحكت غير مرات يفصل بس ماعش نقدر نحكي معه
وجت ناهد ومعها الحلو
اسيا: طلعت كرتها يد وخشتها لمخزن
اسيا: حي عليا شن ادير بالك حد شافنا حول
عزيز: اس مافي حد رايفت عليك وكنك ماتردي عليا لي يومين ما سمعت صوتك راه
اسيا: بصراحه مازال ماعندش ثقه فيك اخطبني قبل وحاضر من عيوني تسمع صوتي كل يوم
عزيز: صار هكي
اسيا : اها شن تبي نكذب عليك
عزيز: يعني انتي في راسك اني نضحك عليك وعيل مش قد كلمتي
اسيا:  سكتت وبحتت فيه لا مش قصدي هكي
عزيز: خلاص خشي
اسيا: عزيز
عزيز: طلع وسيبها
جت وهي مفلمه
ناهد: كنك الستر
اسيا : شي ما حد يحكي معايا
فاطمه: من الصاله تعالن يا بنات قعمزن معانا كنكم قاعدين في دار
صبينا وقعدنا نسهرو كلنا واسيا تبحت في عزيز وهو مش معبرها واصيل و مروان مايحكوش كلنا حسينا عليهم 
مروان: صبا نا ماشي ساعه ونردلكم
سالمه: تمام يا ولدي اربح 
طلع مروان
نا: شرقت في ريقي
سلامه: صحه صحه كنك
نا: مش عارفه يا عمتي لي يومين نشرق ونحس بضيق نفس
فاطمه: ديري صورة يا بنيتي تتطمني
ناهد: نجبلك ميه
نا: لا خليك توا نصبي نا،،،، صبيت وخشيت لكوجينه القيت اصيل في وجي
نا: ابتسمت شخبارك
اصيل: الحمدالله بخير وانتي
نا: صبيت ميه الحمدالله شن مزلت تحلم
اصيل: ههههههه لا لي فترة ماعش حلمت وانتي شن امورك  مع مروان ماكنتش نتوقع يتغير بسهوله هذي 
نا: بعفويه الحمدالله بس تعرف كان يعرف انك كنت تقولي شن يدير ايام يسهرو يقتلني
اصيل: ضحك ويقتلني معاك
نا: ههههههه فش داعي يعرف اصلا وطلعت القيت مروان في صاله
نا:  بحتت فيه ليش رديت
مروان: انسيت الدخان وسكت
القيته يبحت لاورة برمت القيت اصيل طالع من كوجينه
مروان: مش على اساس طالع
اصيل: توا بنطلع
وقعدنا لساعه 10 وروحنا، ،، طول الطريق ساكت وصلنا لحوش
نزلت وغيرت دبشي وقعدت على تليفزيون
مروان: جا وقعمز جنبي وتمه يلعب بشعري ، ،،، تبش تحكي حاجه
نا:  منسجمه وعيوني على تليفزيون ،شن
مروان : بعصبيه بيسان بحتي فيه نحكي نا
نا: بحتت فيه دغري شن في كنك
مروان: رديت والقيتك طالعه من كوجينه وبعدها طلع اصيل
نا: سقمت قعميزتي ،،،، ويعني
مروان: نا اللي نسأل فيك
نا: عادي شرقت وصببيت نشرب ميه القيته قدامي وبس
مروان: بحت فيه بنظرات غريبه نظام مش مقتنع
نا: اوووف ،،،،،،وجيت بنصبي كرني من يدي
مروان: وين ماشيه
نا: بنخش نرقد خير من كلامك اللي يحرقلي دمي
مروان: قرصني من خدودي بالقوة  اووف هذي تقوليها لصحباتك مش لي تمام وفش نوم توا 
نا: حطيت ايديا على خدودي وبرمت وجي على تليفزيون
مروان: مسك يدي وباسها ولف وجي عندة بأصبعه ،   يا بنت الناس افهميني نغار عليك حتي من روحي لو نقدر نخليك هنا وماعش تتطلعي بكل راني درتها حتي خوك خالك امك نغار عليك منهم
نا: ابتسمت بعدها فطنت لروحي، ،، اصلا انت هكي اقهرني كل مرة وبعدها تتضحك عليا بكم كلمه
مروان: قرب مني عارف عندكش روح معايا
نا: يا سلام علك ثقه
مروان: نحبك 
نا: ضحكت باه حول خليني نتفرج
مروان: عينك تعالي هنا وووو....