وجعي_انت

35

#وجعي_انت
#dodywehbe
حلقه35
طلعنا وقعدنا نهدرزو ونا مرة مرة نبحت في مروان نلقا يبحت فيه نظرات جديدة مافهمنتش  وجا مراد
امل: حماتك ماتحبكش راحت عليك العصيدة
مراد: قعمز وغامتله صحيحه
سالمه: كنك يا ولدي ليش ناقص هكي وين مرتك تشوف سلفتها كانت في مستشفى
مراد : من بيسان وبحت فيه لاباس لاباس كنك جبلك الجلطه خوي ها
نا واسيا: ضحكنا،،،،، الله لا يوريك باس وبحتت في مروان القيته يفنص ومش عاجبه الوضع
سالمه: نسال فيك كنها من جت
مراد:  والله ماعندنش علم
سالمه: لا عندها امل كلمتها من بدري بس ماعندي ما نقول ع عموم توا  مازال اسبوعين على رمضان كل سنه وانتو طيبين
نحن ي بيسان كل رمضان متعودين مع بعضنا تعرفي تسوي
نا:  بلعت ريقي ااه يعني
سالمه: خلاص رمضان هذا تخشن معايا انتي ومروة لكوجينه اهي امل جتني ماتعرف ادير شي وعلمتها
امل: هههههه عليش الفضايح توا
سالمه: مافيها شي يا حنه ماحد يجي من بطن أمه متعلم ونا نحكي كلمه الحق اهم بناتي ليبيا ماشاءالله عليها بس هذي متعبتني
اسيا: ييياي علينا قتلك مانحبش الكوجينه ومانحبش نشتغل ربي خلقني هكي
سالمه: خليني نشوفك بعد ما تزوجي
اسيا: ماتخفش توا يجبلي خدامه وشيف
نا: وينها ليبيا خطرها
اسيا:قربت مني بصوت واطي استكي لها ساعه ترعش خوك لم جبلك حطامك فتحت الباب هي وعاكسها
نا: حطيت يدي ع فمي تكذبي
اسيا: هههههه وحقربي

قبل ساعتين يرن الجرس
ليبيا طلعت لجنان وفتحت: من ومدت راسها شوي نزل شعرها على جنب
ايمن: يااناعلي نا شن الشعر هذا
ليبيا:  بعصبيه من حضرتك شن تبي
ايمن: تعرفي الحق انسيت شن نبي
ليبيا: نا الفاضيه اللي نحكي معاك وجت بتسكر الباب مسكه في يده
ايمن:يا راه غير اصبري نا خوها لبيسان مرت خوك شن المعامله هذي زح
ليبيا: انحرجت وجها قعد حمر باه شن تبي
ايمن: امسكي هذين اعطيهن لبيسان ،،،،،،حطهن على ارض كرتهن وهذا موبايلها امسكي دارها قصدا😂 مدت يدها مدلها ولمس يدها
ليبيا: انتفضت تعرف انك مش محترم على اقل احترم راجل اختك
ايمن: تي شن العقدة هذي مش قصدي اعتبري روحك سلمتي خسارة فيك شعرك يا معقدة وعدة
ليبيا: سكرت الباب بالقوة حيوان ومسكت الشنطه وخشت

نا: عطا دا  عارفته مستحيل يشوف بنت ويسكت ماشيه نشوفها ،،،،،
ليبيا: مقعمزة على مرقد وتبحت في روشن
نا: طقيت الباب
ليبيا: خشي يا بيسو
نا: هههههه كيف عرفتيني
ليبيا: ماحد يطق الا انتي تعالي 
نا: سكتت شوي وبعدها معلش يا ليبيا امسحيها في وجي عارفته قليل الادب
لييبا: ام اسيا ماتعرفش تمسك لسانها،،،، لا عادي بس صدق نا معقدة زايدة
نا: قالك هكي واللهي يشوف
ليبيا:سكتت ونزلت دموعها وقعدت تحكي قصتها مع ولد خالتها اللي مات ايام ثورهه "

ماحبيتش حد نفسه يا بيسو كنت نحبه اكثر من روحي نراقب فيه نعرف عنه كل حاجه نمشي نرقد عند خالتي باش يشوفني وهو كان يقهرني على اساس اني اسيا ويلخبط ،،، ماكنتش هكي ضحكتي ماتحولش من وجي نلعب ونضحك وفرحتي كملت لم جا وقالي نحبك يخاف عليا اكثر من روحه مرة كان عندي امتحان وكنت مريضه انفلونزا عاديه عدة معايا لمدرسه وقعد لين طلعت،،،، ومرة كنت زعلانه لاني ما حليتش جا وطلعني لبوسكو فى لليل عرفتي الروشن هذي مرة خشلي منه فجعني لم كنت زعلانه منه
نا: نسمع فيها وساكته ومتأثره
ليبيا: كلمني في لليل وقالي نموت فيك ونحبك وسامحيني وخليك قويه وماتسيبش امي بروحه قتله كان تحبني تردلي وما اديرش فيا هكي قالي حتي هي لييبا يا لييبا سكرت في وجه كلمني بعدها ومارديش  رقدت وعيت على عياط وصريخ عرفته عرفت اني فقدت قلبي تعرفي أني مانزلتش مني دمعه لشهر تعرفي أني عندي عقدة من اسمي تعرفي ان كرهت روحي ولعند يومنا هذا ماقدرتش نغير روحي 
نا: جيت واضبطتها وقعدت تبكي لين هدت ومسحتلها دموعها،، انتي سمحه نفس ما انتي مش لازم تغيري من روحك  يكفي قلبك الابيض وجمالك وتربيتك مش لازم ترضي حد وخشت اسيا
اسيا: تي كنكم
نا: مافي شي قاعدين انفسو شوي
اسيا: ناعلي مانحبش البكاء بكل باهي اللي جيت توا
نا: رفعت حاجبي صدقت ومن اللي نشفت دموعها ع بحر ولا تبكي لناس وناس
اسيا: ضحكت ربي يعن اللي يعلق في لسانك تعالي مروان يبيك
نا: به طلعت وعديت لمدخل الحوش القيته امصبي ويدخن ،،، نعم
مروان: بنروح هي
نا: وروح من ماسكك ،،،، انا جيت معاك هنا غصب وبكرا بنروح لهلي ام نرد معاك لحوشك احلم
مروان: بهدوء ومسك  أعصابه تمام خليك بس جربي اطلعي من هنا وشوفي شن يصيرك وطلع خبط الباب
نا: اوووف شن ندير مع الحاله هذي
وخشيت رقدت وعينا ثاني يوم حسيت روحي بين هلي اطيب ناس شفتهن في حياتي تمنيت لو كانت حياتي مع مروان طبيعيه وجت مروة
سالمه: تشرب الشاهي نحن نرمضنو مع بعضنا يا مرويه الحاج يحبنا نجتمعو
مروة: حرقت لسانها في شاهي ووواو عليا
سالمه: فنصت كنك مش عاجبك
مروة: لا ي عمتي بالعكس بس انتي عارفه شغلي ونا حنشتغل
سالمه: اتقي ربك تبي اديري حواجب وترسمي وتحني شعر الصبايا في رمضان
مروة: ي عمتي  هذا شغلي ومانقدرش انسيبه
سالمه: ومن يبي يسو لراجلك يا حنه
مروة: نقعدو نجو هنا قبل المغرب
سالمه: لا يا حنه والنبي مايصير الكلام تجي على واتي نفسك نفس الباقي نا ما قلتش لحد يقعد هنا بس تجني من الخمسه وديرو في حوشكم وحدة اديرة الحلو وحدة المالح قسمنا بين بعضكم انتن والحاجه الرئسيه علياا
مروة: قلبت وجها ان شاءالله وكلمت مراد وروحت
وقعدنا نهدرزو ونقرمو ونضحكو وانسيت همي مع اسيا لعند ما جت الساعه 8 وجا مروان
مروان : قدام أمه وخواته البسي هي
نا: بحتت فيه وصبيت خشيت لدار ماشي يعني تحطني تحت الامر الواقع باهي توا تشوف لابست وطلعت ومسكت  الشنطه وسلمت عليهن وركبنا في سيارة

مروان: كنك تبحتي هكي
نا:  مروان ماتخلينش نكرهك اكثر
مروان: سكت وطلع دخانه حط واحد بفمه دار بيده ولعها وقعد ساكت طول طريق لعند ما وصلنا لمكان مروان المفضل عرفتنا اكيدة
نا: كنك جبتني هنا وفي لليل اخرة روحني
مروان: نزل اتكى علي سيارة وقعد ساكت وينفخ ف دخان باحترافيه
نزلت صبيت جنبه نتفرج على بحر يجنن وخذيت نفس بالقوة
مروان: سمح المكان صاح
نا: سكتت ومارديتش
مروان: عرفته بصدفه من خمس سنين جيت هنا وكانت معايا ملاك
نا: هو قال هكي وحسيت قلبي بيطلع بحتت فيه
مروان:عزق الدخان وعفس عليه مسح وجه وبحت فيه بيسان خاطري نحكيلك كل حاجه في قلبي
نا: بصوت واطي احكي
مروان: مانقدرش نا انسان تخطيت مرحله الكلام من زمان مشوش مش عارف شن ندير الشعور اللي حسيته معاك ماحسيتش من قبل انسانه عايش معها وفي نفس الوقت خايف نخسرها عارف اني تعبتك واجد جرحتك مديت يدي عليك وعرفتيني ان نشرب وتستاهلي تعيشي مع حد نفس ماتقولي يكون قلبه لك بس صدقيني من اول ماخشيتي حياتي مافكرتش بحد غيرك،،،،،،
نا: نسمع فيه وقلبي يدق بالقوه وأطراف جسمي قعدت مثلجه
مسك ايديا وباسهن اسف على كل حاجه انتي فعلا تستاهلي اللي يقدرك ويحبك لأنك تنحبي طبعك شخصيتك طفولتك بس انا من امس مارقدش ونا نفكر بنسلم الامر لك انتي لك حريه الاختيار تبي تكملي معايا ح نكون اسعد انسان في دنيا  ونوعدك ح تشوفي مروان جديد تبي تسيبيني وتتطلقي ح نحترم قرارك بس ح نضايق لاني خسرتك وماصنتكش
نا: نزلت دموعي ماعرفتش شن ندير ولا شن نقول ليش نبكي مش هذا الكلام اللي نبيه سحبت ايديا منه وعديت ركبت في سيارة
مروان: ابتسم بقهرة ،،،،  عدة ركب لسياره وطلع لحوش نزلنا وفتح الشقه
واول ماخشيت ولع الضي القيت الورد الاحمر على الأرض فكل مكان والشموع،،،،،، وطاوله في صاله عليها شموع وعشاء
بحتت فيه
مروان: باسني من جبيني كل سنه وانتي طيبه
نا: بغصه كيف عرفت ان عيد ميلادي
مروان: ابتسم وماردش وخش لحمام
نا: بلعت ريقي وخشيت لدار القيت على سرير فستان احمر قصير كتافه نزلات وكندرة بيج كعب وعلبه فتحتها القيت طاقم ذهب نفس الاكسسوار بسيط
قعمزت نفكر شن ندير وصبيت
لابستهن وطلقت شعري اللي كان اطول من الفستان ومجعد لاني كنت دايرة جدله ودرت ايلانير ومسكرا ورسمت فمي بقلم وصبيت جنب المرايا ،،،،،،خلاص يا بيسو تبي تستلمي لقلبك وقف عقلك ماعش بتفكري وين كرامتك وين اللي تبي تتطلقي منه  بس نا مانقدرش نعيش بدونه وهو له اسبوعين ماشربش عشاني ونزلت دموعي رن موبايلي القيت اصيل درت سايلنت  

بيسان جاني صوته برمت وماعرفتش هو من امته هنا
مروان: بحت فيه من فوق لوطه بصدمه وابتسم وجاني ومسكني من خصري وسكت وهو يبحت فيه ،،،،،، اسمعي نا مانبش نجبرك على شي
نا: نبحت فيه وعيوني معبيه دموع ورموشي ترقرق
مروان: قرب وباسني من عيوني بشويش، ،،،ليش الدموع توا
نا: بغصه وصوتي مبحوح،،،،، مش عارفه شن ندير
مروان: قوليلي شن تبي ونديرلك اللي تبيه
نا:  سكتت ،،،،،اوعدني انك ماعش تزعلني
مروان: وعد
نا: وماعش تمد يدك ابدا
مروان: باس يدي وعد
نا: وجي قعد حمر وماعش ت وبلعت ريقي ماعش تسكر
مروان: وعد   
نا: نزلت دموعي وفمي يرجف وانك تحبني في يوم من الايام
مروان: في عقله( تي ماتبش تفهمي يا فارتي ) وباسني من جبيني بوسه طويله وكنه يقول افهميني نا شكلي حبيتك من اول يوم شفتك فيه بس قاعد نتهرب من روحي ونقنع روحي انك تشبهي لملاك
نا: فهمت ان مايبش يحكي سكتت بس بنفس الوقت اطمنت
مروان: جعانه
نا: هزيت راسي لالا
مروان: بس ما كليتش شي اليوم تعالي ومسك ايدي وطلعنا لصاله تعشينا وكملها مروان يحكيلي على ايام جامعته ولم طلع كمل برا  ونا نبحت فيه ونبتسم ونشاركهه ف كلام
بعد ما كملنا عشاء وغسلنا ايدينا
مقعمزني جنبه ودفن راسه في شعري ورقبتي ونا يدي على شعرة ونحرك فيها
نا: مروان
مروان: هممم
نا: خلينا نتفرجو على مسلسلي توا يبدأ
مروان : رفع راسه وعقده حواجبه ،،،،،مسلسل
نا: اها سمحه الحلقه اليوم
مروان: مسك ضحكته باه قتلك
نا: نعم
مروان: تعالي نرقدو خير من المسلسل
نا:  لا مانبش مش نعسانه خش ارقد انت
مروان: قرب مني بس نبي من يرقدني نا
نا: قوست فمه كنك تحسب روحك عبودي
مروان: هيياي علينا كملتيها لي عبودي
نا: حرام عليك يجنن رايفت عليه
مروان: تخيلي طلع لجنان قدام بوه والحاج وقال نبي نتزوج بيسان
نا: ضحكت هههههههههه نجك لي ،سكتت القيت مروان يبحت فيه وعيونه يلمعن

‏انا مغرم و واقع بفخّ عيناك أراك تفعل بي ما لا يقدر فعله شخص آخر وادرك جيدًا ما يحصل ولا أُمانع.. لا أُمانع لا أمُاااااانع .

نا: كنك
مروان : ضحكتك هذي ماعش نبيك تتضحكي قدام حد ، اها وخالك هذا فكيني منه
نا: فنصت الا خالو ايوه هو ثاني واحد نحبه بعد ماما
مروان: رفع حاجبه وسكت بعد شوي ومن تحبي اخرة
نا: اممم اول شي ماما وبعدها خالو وايمن ويه
مروان: وبس
نا: مسكت ضحكتي اها وبس
مروان: صبا باه
نا: وين
مروان: بنرقد وانتي تفرجي
،،،،،،،،،،،،،،،

اللي يقرا من غير ما يعلق نشوف فيكن راه💔😐😂