وجعي_انت

36

#وجعي_انت
#dodywehbe
حلقه 36

مروان: سكت شوي ومن تحبي  اخرة
نا: اممم اول شي ماما وبعدها خالو وايمن ويه
مروان: وبس
نا: مسكت ضحكتي اها وبس
مروان: صبا اها باه
نا: وين
مروان: بنرقد وانتي تفرجي كان تبي، ،،، وخش غامتله بكل 
نا: ضحكت ايوة خليني نلعب بأعصابك شوي بس نجك لي يهبل وهو زعلان ،،،،وصبيت لميت حوسه العشاء حطيتهن في غساله المواعين ومسكت الكعب وخشيت القيت مروان مقعمز على سرير على لابتوب
نا: مزلت ما رقدت
مروان : رفع راسه اهااا كنك مضايقه مني
نا:  بحتت فيه لالا ليش تحكي هكي،،،،،،، وبرمت فتحت الدولاب وطلعت بجامه وخشيت لحمام ادوشت على سريع وطلعت القيته راقد طفيت الضي  ولعت الوناسه ورفعت الورغان ورقدت
مروان: بيسان
نا: برمت عندة نعم
مروان: الكلام اللي قلتيه في سيارة من قلبك
نا: بأستغراب اي كلام
مروان: سكت خلاص فوتي
نا: لالا قولي مش ح نعرف نرقد
مروان: انك تكرهيني
نا: ارتبكت ان  انا قلت هكي
مروان: بحت فيه وسكت وبرم ورقد
نا:  مروان انا مش قصدي اوووف وبرمت بغل وبعقلي(مستحيل يكمل حاجه لازم ينكد ) ،،،كرني عندة من ظهري واضبطني  
نا: مروان
مروان: خلاص اسكتي بنرقد ........

وعيت الصبح القيته راقدة ومضبطني قريب نتكسر حاولت نصبي ما قدرتش
نا: بصوت واطي  مروان  مروان
مروان: هاا
نا: حول شوي بنصبي
مروان: لالا خليك شوي
نا:  بنفطر جعانه
مروان: وهو مغمض عيونه شوي وتوا تاكلي ي مزعجه
نا: مديت شواربي وتميت نلعب بشعرة وقربت من خدة وبسته بوسه سريعه
مروان: فتحة عيونه بخبث شن هذا شن اديري
نا: قعد وجي حمر ها لا ما ندير شي كان في حاجه وحولتها
مروان: ضحك وقعمز يبحت فيه
نا: بزعل ونحرجت جيت بنصبي كرني 
مروان: غير تعالي نقولك
نا:  بنفترة نعم
مروان: لم يكون في حاجه هكي تحوليها وقرب باسني من راسي وعيوني وخدودي وخشمي  وفتح عيونه بحت فيه
وبصوت واطي بيسان خلاص عاد طولنا ماه
نا: نزلت راسي وقلبي قريب طلع
مروان: كرني ووو............🙊
مر اسبوع علينا عشت معه وكانن احلئ ايام حسيته متعلق فيه بشكل مش طبيعي ماعش زعلني ونا وصلت معه لمرحله بعد الحب ن ع ش ق ه ❤

يوم الخميس
مروان : خش ومعه اكياس حطهن على طاوله، ،، بيسان وينك
نا: ببكاء هنا في دار
مروان: جا  بخوف كنك شن فيه وقعمز جنبي ومسحلي دموعي قوليلي
نا:ببكاء علي باع حوشنا
مروان: باستغراب وليش مش عندة حوش وحالته الماديه كويسه
نا: هو يبي فلوس عشان يفتح مشروعه طول عمرة هكي مايفكرش الا بروحه
مروان: اضبطني خلاص اشش ماعش تبكي مانحبش نشوف دموعك نضايق راني،،،،،،، وايمن وامك شن صار فيهن
نا: ايمن له اسبوع يدور على شقه وحصلها ف شارع &&&& توا كلمته نبي نمشيلهن اكيدة ماما زعلانه وايه مش قاعدة
مروان : تمام حبيبي نتريح شوي ونمشو
نا: نمسح دموعي شن قلت
مروان: عقد حواحبي وقرصني من خدودي كنها فارتي ماعش تسمع
نا: صبيت وقعمزت في حضنه  قلتلي حبيبي
مروان: ابتسم عارف روحي شن قلت
نا: اول مرة تقولها لي
مروان: باس يدي ومش اخر مرة
نا: مديت اصبعي على قلبه، ،،، طلعت من هذا بجد ولا لاني نبكي تبي تسكتني
مروان: شكلك تبيني نتغدا عليك
نا: صبيت لالا خلاص غير دبشك يكون الغداء واتي وعديت نجري
مروان: ضحك ما غلطش لم سميتها فارة ناعلي منها😂😍  تغدينا وخش رقد ونا درت الحوسه بعد ساعه القيت مكالمه من اصيل رنيت عليه
اصيل: اوو خير عاش من سمع صوتك ولا تعرفيني وقت المصلحة بس
نا: هههههه حرام عليك ماعندي غيرك باش يسعدني وتجبلي اخبارة اليوم اكيدة ح تسهرو عينك منه
اصيل: واللهي اسمعي له فترة راه ماعش حطه بفمه ولم سالته قالي اني عطيتها وعد
نا: عيوني قلوب اها
اصيل: خلاص مالا وانتي درتيني جاسوس
نا: تمام يعني تبي تستقيل
اصيل: اسمحيلي
نا:  ههههههه بس بجد اي جديد قولي تمام
اصيل: ما تخفش اوكي سلام
نا: سلام
مروان: مع من تحكي
نا: ارتبكت (شن بنقوله مع ولد سيدك وهو اللي يساعد فيه عشان بطلت شرب وحكيت معه من لم كنت عند هلي )ها مع صاحبتي،،،، درتلك قهوة
مروان: مرفع حاجبه هي خشي البسي باش نوصلك
نا: تمام بس بنرقد غادي
مروان: لا نوم مافش
نا: حبيبي وراسك
مروان: بيسان نوم مااافش نجيبك في لليل بس ترقدي لا
نا: خشيت من غير ما نحكي معه لابست ودرت ميك اب خفيف وطلعت القيته يدخن في صاله 
مروان: تعالي قعمزي
نا: نعم هكي متريحه
مروان: بعصبيه تعالي
نا: جيت وقعمزت
مروان: مرة أخرة لم نحكي معاك ردي بالك تسيبيني وتمشي باهي
نا:سكتت
مروان: صبا هي ونزلنا وصلنا لعنون نزلت ونزل معايا
فتح ايمن
عديت عند ماما القيتها مقعمزة وتبكي والحوش فاضي مافي شي وايمن يخلط وبادي يبي يزوق
اضبطتها وقعدت نبكي
نا: الله لا يسامحه اللي دار فينا هكي
ماما: لا يا بنيتي ماتحكش هكي على خوك وخصوصي قدام راجلك
نا: لا بنحكي وقدام الناس كلها له وين ماعش جنا رمضان خلاص الاسبوع الجاي و هو يدير فيك هكي قبله
ماما: ربي يهديه ويردة لعقله، ، شفتي خالك بيطلع فرحه بعد العيد
نا: صااح وكيف اخر من يعلم توا تشوف القردة دعاء وخش ايمن ومروان سلم على ماما 
ايمن: جايبك عشان تسهري نا صبي هي يدي في يدك خلينا انظفو ونكملو بدري
نا: باهي حاضر بس نا نبي نزوق
ايمن: توا تقعدلي يوم كامل
نا: لالا نا نبي وحطيت يدي في وسطي وين داري نا
مروان: بحت فيه طول ورفع حاحبه
ايمن: الله تبي دار اخرة مروان بالله عليك ردها ماعش نبيها تساعدني
مروان: ضحك مشيها على عقلها
وعدة مروان وغيرت دبشي لابست من ايمن تشيرت ابيض وبرمودة اسود شكلي يضحك وقعدنا نزوقو ونلعب ونخمس على ساس و ماما وايمن يهزبو فيه
بعد 4ساعات
نا : وووواو عليا تعبت
ايمن: قعمز هذا كله مازال الكوجينه والحمام نبي نجيب حد يديرهن بس بعد رمضان مش وقتهن توا
نا: اها احسن يكون بس كويسه الشقه مش صغيره واجد كانت( 3 غرف وصاله كبيره وحمام وكوجينه فيها بلكوني وصاله صغيرة )
ماما:  قاعدة حمل على خوك بدل ما يتزوج ونطمن عليه
نا: ماما ماتحكش هكي
ايمن: يا حويجه فكيني منه الكلام هذا بعدين من قالك بنتزوج
نا: بحتت فيه لا عاد حي عليك حتخش على 30 راه
ايمن : زح حر وحط يدة على شعرة بيسو
نا: شن تبي ما ادلعيني الا وفي حاجه
ايمن: حركلي راسه طلعت معه لصاله
نا: شن تبي
ايمن:مش نا خوك حبيبك
نا: ضحكت باهي
ايمن: رقمها وراسك
نا: صغرت عيوني من
ايمن: لم جبتلك حطامك وفي وحدة من خوات راجلك فتحتلي هيتي رقمها
نا: شهقت ليبيا
ايمن: زح شن دخل ليبيا توا هيتي رقم البنت
نا: يا غبي اسمها ليبيا
ايمن: ضحك بهزوة ونا نقول كنها معقدة مش منها المسكينه
نا: ضربته على كتفه حرام عليك خزي خليتها تبكي هذك اليوم وبعدين مش صاح معقدة شن تبي فيها
ايمن: بصدمه تحكي جد بكت ززف ما قالتلها شي
نا: البنت حساسه وتبكي من اي شي ومش نفس جوك بكل خطها ايوه
ايمن: حط يده على لحيته امممم وطق الباب
ايمن: خش يا راجل ليش متعب روحك
مروان: خش وجايب معه عشاء من المطعم
نا: جيت في وقتك جعانه
مروان: بحت فيه من فوق لوطه وضحك بدموعه شن دايرة في روحك
نا: باهي به تهز مش حنرد عليك ناكل قبل وخذيت منه الاكياس وخشيت لكوجينه
وتعشينا
نا: مروان بنرقد هنا مازال ما كملنا
مروان: بحت فيه بنظرة نظام توا تشوفي
ماما: حست صبي يا بنيه مع راجلك أصلا فش مكان ترقدي
نا: وكيف بترقدو انتو
ايمن: بتقعد تحكي ساعه توا على فكرة دارك بنبيعها
نا: عينك يا ماما قوليله
صبا مروان نرجاك لوطه  وطلع معه ايمن
ماما: ضربتني على راسي بشويش اسلوبك مع راجلك تغيريه
نا: يا ماما بنعودة من توا اني بنقعد كل خميس نرقد عندكم
ماما: في اللي ما يحبش اقرب مثال بوك الله يرحمه ماكنش يخليني نرقد برا بكل
نا: توا يعزقيني في الحوش ويعدي يسهر ونكسد بروحي
ماما: صبي بلا كلام
صبيت وغيرت دبشي ونزلت القيت في سيارة و شكله مفلم بلعت ريقي وركبت
مروان: طلع في سياره طول نزلت وخشيت لدار طول لحقني
مروان : متكي على باب ويبحت فيه وياخذ نفس بقوه يبش يفقد اعصابه
نا: قاعدة نحوس سلحت السوريه والوشاح وطلعت روب ومانبش نبحت فيه
مروان:نا شن قلت لم قلتيلي بترقدي يعني تحكي قدام هلك باش تسكتيني ونرضا
نا: مابيتش نرد
مروان: بعصبيه تي نحكي نااا كنك ساكته اخرلك مرة ي بيسان الحركات هذين مش عليا تمااام
نا: كنك تصرخ قاعدة قدامك راني وما تقدرش تقولي لا  ديرلي يوم في الاسبوع بنمشي نرقد عند هلي
مروان: مافش نوم برا الحوش ماتحلمش
نا: بحتت فيه وجيت بنطلع مسكني من يدي قريب كسرها
مروان: قتلك لم نحكي معاك  تنزرعي لين نكمل
نا: عيوني دموع اااي يدي حول كنك شكلك حنيت تبي تضرب
مروان: فطن لروحه ونزل يدة
نا: خشيت لحمام وسكرته بالقوه ادوشت ولبست روب وردي قصير طلعت من القيتش
قعمزت على تليفزيون ماحسيتش لروحي الا وراقدة
سمعت صوت الباب بس تعبانه مش قادرة نفتح عيوني
مروان: خش ادوش  وطلع لصاله طفا التليفزيون، ،،بيسان بيسو خشي ارقدي جو ،، تنهد  وشالني حطني على سرير واضبطني ورقد
وعيت ثاني يوم صبيت  صليت درت الفطور ودرتله قهوته ونا متنرفزة لحظه خفت منه وحسيته بيرد نفس الاول
مروان: جا صبح الخير
نا: من غير ما نبحت فيه صباح النور
مروان: وتي روحك بنطلعو لمزرعه هلي غادي من الصبح
نا: ماعندش نيه
مروان: بحت فيه وصبا مسك فنجان القهوة ساعه وتكوني جاهزة
نا: اوووف وفطرنا عديت لابست وعدينا لمزرعه القيتهن كلهم
اسيا: ساعه 2 وينكم
نا: سلمي قبل،،،، وسلمت على عمتي وعمي وكانو اصيل وعزيز وفاطمه وحميدة
مروة: بصوت واطي يا عميمه راني حامل
سالمه: تبارك الله مبروك يا بنيتي مبروك
مروة: متحشمه الله يبارك فيكي بس قالتلي الدكتورة حملي ضعيف ولازم نريح روحي
سالمه: اها ي بنيتي ما عليك مش حنخليك اديري شي
اسيا: توشوش ليببا حبكت قبل رمضان
ليبيا: اسكتي انتي وتعالي هنا كنه هذك يبحت فيك هكي
اسيا: رفعت عيونها ألقت عزيز يبحت فيها ابتسمت
سالمه: وانتي يا بيسان مافش حاجه هك ولا هك
نا: وجي قعد حمر وهزيت راسي لااا
حميدة: هههههههه اسكتي حشمتيها
ودرنا قعدة كلنا بعد الغداء
مروان: مقعمز ساكت ويدخن  واصيل وعزيز لهم ساعه يعزقو لبعض كلام
عزيز: غير خليك مع احلامك انت واسكت
اصيل: فنص فيه سكر فمك
اسيا: شن في احكو
عزيز: اصيل له سنتين يحلم في بنت انها تبكي وماعمرش شافها
ليبيا: كيف يعني قصدك نفس الحلم لك سنتين تحلم فيه
اصيل: هز راسه
اسيا: احكيلنا شن الحلم
اصيل: حلم مكان ابيض مانشوف فيه شي الا بنت تبكي وتقولي ساعدني
نا: وانت ماعمرك شفتها
اصيل: ولا عمري بس ملامحها حفظهن حفظ
نا: شهقت وبعفويه صبيت قعمزت جنبه بس فيه مسافه تعرف هذا شن يعني
اصيل: شن
نا: يعني حتي هي تحلم بيك وطايحه في مشكله وانت الوحيدة اللي اطلعها منها
اصيل: ضحك زعما
نا: واللهي ياما سمعت قصص هكي وفي اسطورة ايام زمان قريتها مرة نفس الجو
مروان: بعصبيه بيسااان
جاني صوته بحتت فيه وياريت ما بحتت ماعمري شفت عيونه هكي
صبا: هي
نا: من الإحراج تمنيت نموت صبيت ونا ساكته
عمي عوض: مقعمز تحت  الشجرة كنك ي ولد ين ماشي
مروان: بنروح
سالمه: كنك توا غير جيت
مروان: ماعدلش ومسك يدي وعدينا لسيارة وسيبناا وعزيز وليببا واسيا مستغربين
بس اصيل فهم : وصبا وهو غامتله.........

نبي تعليقات حلوة ❤