ဒဏ္ဍာရီထဲက ဖူရှင်း အပိုင်း(အပိုင်း၉၆၀ မှအပိုင်း ၁၁၆၀ထိ)

အပိုင်း ( ၁၀၃၂ ): ထွက်ခွာခြင်း

ဒဏ္ဍာရီထဲက ဖူရှင်း

စာစဉ်(၇၁)

အပိုင်း ( ၁၀၃၂ ): ထွက်ခွာခြင်း

ရှားရှင်းယွန်နှင့် တွေ့ပြီးနောက် ရီဖူရှင်းက  တောင်ပေါ်သို့ ပြန်လာခဲ့သည်။ အင်ပါယာရှားက သူ့အား ထိုရာထူးကို ကိုယ်တိုင်ပေးအပ်ခဲ့ခြင်းဖြစ်သည်။ သူက မင်းသမီး၏ ကိုယ်ရံတော်သာဖြစ်သော်လည်း တစ်ဖက်တွင် ထိုရာထူးသည် သူ့အတွက် အကာအကွယ်ဖြစ်၏။ မည်သို့ဖြစ်‌စေ သူက သွားရောက်ကာ ကျေးဇူးတင်စကား ပြောရပေမည်။

သူက အင်ပါယာရှားအား မတွေ့ခဲ့ရသော်လည်း ထိုကိစ္စမှာ သိပ်အရေးမပါပေ။

ရှားရှင်းယွန်က သူ့အပေါ် လွန်စွာအေးစက်သော်လည်း ထိုအရာကပင် သူမ၏ပုံစံဖြစ်သည်။ သူမသည် အင်ပါယာရှားဘုံအတွင်း၌ အဆင့်အတန်း အမြင့်ဆုံးနေရာတွင် မွေးဖွားခဲ့ကာ အင်ပါယာရှားကိုယ်တိုင်၏ အချစ်ဆုံး မင်းသမီးဖြစ်သည်။ အမှန်တကယ်ပင် သူမသည် မာနကြီးသင့်ပေ၏၊ သို့သော် ရှားရှင်းယွန်သည် စကားပြောမာကြောအေးစက်သော်လည်း နူးညံ့သော နှလုံးသားရှိသည်ကို ရီဖူရှင်းသိသည်။ ရှေးနန်းတော်ရာ၌ ရီဖူရှင်းက သူမအား အနိုင်ယူပြီးနောက် သူ့အပေါ် သူမ၏ အပြုအမူ သဘောထားများမှာလည်း ပြောင်းလဲခဲ့သည်။ သူမက သူ့အား ပထမဦးဆုံး တွေ့စဉ်ကကဲ့သို့ အေးစက်ခြင်းလည်း မရှိတော့ပေ။ ထိုအစား သူမသည် သူ့အား အဆင့်အတန်းတူညီသော သဘောထားဖြင့် လေးစားစွာ ဆက်ဆံခဲ့သည်။

သူက မင်းသမီးအား ရှန့်ထိုရှား၏ မွေးနေ့ပွဲ၌ ပထမဦးဆုံးအကြိမ် တွေ့ဆုံခဲ့သည်။ သူမက သူ့အား ပြောခဲ့သော တစ်ခွန်းတည်းသောစကားမှာ သူမနောက်သို့ လိုက်ရန်ဖြစ်သည်။ သူက ငြင်းပယ်လိုက်သည်နှင့် သူမသည် ရီဖူရှင်းအား လုံးဝလျစ်လျူရှုထားခဲ့သည်။

ယခု သူမသည် သူနှင့် အပြန်အလှန် ခွန်းတုံ့ပြန်ကာ ပြောဆိုသည်။

ဟန်ဆောင်ခြင်းနှင့် ဒေါသတို့သည် သဘောထားနှစ်ခုအား ပြန်လည်ထင်ဟပ်စေသော အပြုအမူများ ဖြစ်သည်။

ရီဖူရှင်းကလည်း ထိုအချက်ကို နားလည်ကာ တစ်ဖက်တွင် အင်ပါယာရှားနှင့် ရှားရှင်းယွန်တို့အပေါ်တွင် များစွာ ကျေးဇူးတင်ပေသည်။ အနည်းဆုံး သူသည် သူတို့ထဲမှ တစ်ယောက်ဖြစ်သည်။