ဒဏ္ဍာရီထဲက ဖူရှင်း အပိုင်း(အပိုင်း၉၆၀ မှအပိုင်း ၁၁၆၀ထိ)

အပိုင်း (၉၈၉): တိုက်ပွဲဆုံမှတ်

ဒဏ္ဍာရီထဲက ဖူရှင်း
စာစဉ်(၆၈)
အပိုင်း (၉၈၉): တိုက်ပွဲဆုံမှတ်
ရှီဟွာတောင်ရှန့်ထိုက လျူကျောင်း၏ သေဆုံးခြင်းအား မြင်တွေ့လျှင် သူ၏ကိုယ်ရောင်ကိုယ်ဝါမှာ ရုန့်ရင်းကြမ်းတမ်းလာပြီး သူ့မျက်လုံးများမှလည်း သတ်ဖြတ်လိုသော အငွေ့အသက်များ ပြင်းထန်စွာ ဖြစ်ပေါ်လာသည်။ သို့သော်လည်း ပြည်နယ်ကိုးခုလုံးက တော်ဝင်စစ်ပွဲအား ကြည့်ရှုနေကြရာ သူ့အနေဖြင့် ရှီအဆင့်များ၏ တိုက်ပွဲကို ဝင်စွတ်ဖက်၍ မရပေ။
လျူကျောင်းသည် ဗုဒ္ဓလမ်းစဉ်၌ ပါရမီ လွန်စွာမြင့်မားကာ ပညာရပ်မျိုးစုံအား အလွယ်တကူ နားလည်နိုင်စွမ်းရှိသည်။ သူက ရှန့်ထိုသုံးပါး၏ တပည့်ဖြစ်သော်လည်း သူ၏စွမ်းရည် အတော်များများမှာ သူကိုယ်တိုင် လေ့လာသင်ယူထားခြင်း ဖြစ်သည်။ ထို့ကြောင့် ရှီဟွာတောင်ရှန့်ထိုက လျူကျောင်းအပေါ် ကြီးမားသော မျှော်မှန်းချက်များရှိသည်။
“ တော်ဝင်ကျဲနန်းတော်က ဂူတုံးလျိုနှင့် ရန်ရှောင်... ကျိရှားတော်ဝင်နန်းတော်က ပိုင်လွေလီ...” ရှီဟွာတောင်ရှန့်ထို၏ အမူအရာက လွန်စွာ အေးစက်နေသည်။ ရန်ရှောင်က နှစ်ပေါင်းများစွာ ထမ်းပိုးထားသော အငြိုးအတေးများအား ဖြေဖျောက်ရန် လျူကျောင်းအား သတ်ဖြတ်ခဲ့သော်လည်း သူတို့အကြား အမုန်းတရားက ဤမျှဖြင့် မပြီးဆုံးပေ။ ရန်ရှောင်က ရှီဟွာတောင် ပျက်စီးသည်ကို သေချာပေါက် လိုလားပေသည်။
“ နန်းဆောင်သခင်ရန်... ခင်ဗျား ဆက်ပြီးတိုက်ခိုက်နိုင်သေးလား။” ဂူတုံးလျိုက ရန်ရှောင်အားမေးသည်။
“ ကျုပ်အဆင်ပြေတယ်။” ရန်ရှောင်က ခေါင်းညိတ်ကာ ရှီဟွာတောင်မှ တန်ခိုးရှင်များရှိနေရာသို့ ဦးတည်လိုက်သည်။
ဂူတုံးလျိုနှင့် ပိုင်လွေလီတို့ကလည်း အချင်းချင်း တစ်ချက်ကြည့်လိုက်ကြတာ ဆန့်ကျင်ဘက်အရပ်ဆီသို့ ဦးတည်လျက် ကိုယ်စီကိုယ်ငှ တိုက်ခိုက်ကြသည်။ ထိုမြင်ကွင်းက အနီးအနားမှ လူများအား ထူးဆန်းသလို ခံစားရစေသည်။
တိုက်ပွဲမှာ ပိုမိုပြင်းထန်လာခဲ့သည်။ လောကဓာတ်များသည် စစ်မြေပြင်အနှံ့၌ ပေါက်ကွဲဖြစ်ပေါ်နေပြီး ရီဖူရှင်းရှိနေသော နေရာမှာ အပြင်းထန်ဆုံးဖြစ်သည်။
တော်ဝင်စစ်ပွဲ၌ အများစု၏ ပစ်မှတ်မှာ ဟောင်ကျူဂီနှင့် ရီဖူရှင်းတို့ ဖြစ်ကြကာ သူတို့နှစ်ယောက်လုံးသည် တစ်နေရာတည်း၌ ရှိကြ၏။ ထို့ကြောင့် သူတို့အား ဝိုင်းရံထားသော သူများမှာ မည်မျှ များပြားမည်ကို ခန့်မှန်း၍ ရသည်။ တိုက်ပွဲဝင်္ကပါအတားအဆီးများစွာက ရီဖူရှင်းနှင့် တန်ခိုးရှင်လေးယောက်အား ဗဟိုထား၍ ဝိုင်းထားကြ၏။
ကျန်ကျောင်း၊ ယွန်ရှင်းနှင့် တခြားလူများမှာလည်း ပိတ်ဆို့ခံထားရကာ အခြေအနေ သိပ်မကောင်းပေ။ ကျန်ကျောင်းနှင့် ဓားသမားရှစ်ယောက်တို့က ဦးဆောင် တိုက်ခိုက်နေကြကာ သူတို့သည် အာကာသလောကဓာတ်အား ကျွမ်းကျင်ရာ တိုက်ခိုက်ရေးစွမ်းရည်၌ ပြိုင်ဘက်ကင်းပေသည်။ သို့သော်လည်း ယွန်ရှင်းနှင့် တခြားလူများသည် မှော်ပညာရှင်များ ဖြစ်ကြရာ ရန်သူများဝိုင်းရံထားသော အခြေအနေ၌ အောက်စည်းသို့ ရောက်ရှိနေခဲ့သည်။ ကျန်ကျောင်းနှင့် သူ့လူများက အဆက်မပြတ် ပိတ်ဆို့တိုက်ခိုက်ကာ သူတို့အား ကာကွယ်ပေးနေရသည်။
သို့တိုင်အောင် ယွန်ရှင်းနှင့် တခြားလူများသည် ကြီးမားသော အန္တရာယ်နှင့် ရင်ဆိုင်နေရဆဲဖြစ်သည်။ သူမသည် ရေခဲနန်းတော်သခင်ဖြစ်ကာ ကောင်းကင်မြေရိုင်းအဆင့်၌ နံပါတ်နှစ်ဖြစ်သော်လည်း လက်ရှိ တိုက်ပွဲတွင် ထောက်ပံ့ကူညီသူ၏ အခန်းကဏ္ဍကိုသာ ဆောင်ရွက်နိုင်သည်။ အဆုံးမဲ့ပင်လယ်မှ တော်ဝင်မြေသုံးခု၏ ပိတ်ဆို့တိုက်ခိုက်ခြင်းက သူမအား အခြေအနေဆိုးရွားစေကာ သူမ၏ တိုက်ခိုက်ရေးဝင်္ကပါအတွင်း၌ လူအများအပြားမှာလည်း သတ်ဖြတ်ခံခဲ့ရသည်။
“ ယူချင်း... အစ်ကိုကြီး… သခင်မယွန်ကို သွားပြီးတော့ ကာကွယ်ကြ။” ရီဖူရှင်းက ယူချင်းနှင့် ဓားသခင်တို့အား ပြောသည်။ သူတို့နှစ်ယောက်လုံးက ရီဖူရှင်းအား တွန့်ဆုတ်စွာကြည့်ကြသည်။ ရီဖူရှင်းသည်လည်း ရန်သူများအဝိုင်းခံထားရ၏။ အဆုံးမဲ့ပင်လယ်မှ ရန်သူများမှာ မရေမတွက်နိုင်အောင် များပြားပြီး အကယ်၍ သူတို့သာ အဆက်မပြတ် ဖိအားပေး တိုက်ခိုက်လာလျှင် ရီဖူရှင်းက မည်သို့တောင့်ခံနိုင်မည်နည်း။
“ သွားပါ... ” ယွန်ရှင်း၏ အခြေအနေ အလွန်ဆိုးရွားလာသည်ကို မြင်လျှင် ရီဖူရှင်းက နောက်တစ်ခေါက် တိုက်တွန်းပြောဆိုသည်။
“ ကိုယ့်ကိုယ်ကိုယ်ဂရုစိုက်...” ဓားသခင်က ခေါင်းညိတ်ကာ လျှပ်စီးအလား လမ်းရှင်းလျှက် ဖောက်ထွက်ရန်ကြိုးစားသည်။
“ သူတို့ကိုသွားခွင့်ပေးလိုက်...” ရန်သူများက ဓားသခင်နှင့် ယူချင်းတို့အား ထိုနေရာမှာ သွားခွင့်ပေးကြသည်။
ဤမိစ္ဆာပညာရှင် နှစ်ယောက်သည် အလွန်အန္တရာယ်များပြီး သူတို့၏ လက်ထဲ၌ လူအများအပြား သေဆုံးခဲ့သည်။ ဤတိုက်ပွဲ၌ သူတို့၏ အဓိကပစ်မှတ်သည် ရီဖူရှင်းနှင့် ဟောင်ကျူဂီတို့ ဖြစ်ကြသည်။ ဓားသခင်နှင့် ယူချင်းတို့က ရီဖူရှင်း၏ အနီးမှ ထွက်သွားခြင်းသည် သူတို့အတွက် ရီဖူရှင်းအား သတ်ဖြတ်ရန် ပိုမိုလွယ်ကူစေသည်။ ယခုကား ရီဖူရှင်း၏အနီး၌ ဟောင်ကျူဂီနှင့် ဟွာဂျီယူတို့သာ ကျန်ခဲ့သည်။
ထိုစဉ် အဝေးမှ တန်ခိုးရှင်အုပ်စုတစ်ခုအား ဦးဆောင်လာသော ရှန့်ထိုတစ်ပါးကို မြင်ကြသည်။ တိုက်ပွဲအား ကြည့်နေသော လူများက သူတို့အားလှမ်းကြည့်လျှင် ဆင်တူဝတ်ဆင်ထားသော မိန်းမလှများကို မြင်ကြသည်။
“ မင်း...” ဦးဆောင်လာသော မိန်းမအားကြည့်ကာ ကျောက်ပြည်ထောင် ဘုရင်၏ မျက်လုံးများက အရောင်လက်သွားသည်။ သူမကား အရှေ့ဘက်ပြည်နယ်၏ နံပါတ်တစ်မိန်းမလှ ဖြစ်သော မှန်နန်းတော်သခင်မ ဖြစ်သည်။ သူတို့က ကျောက်ပြည်ထောင် မြို့တော်၌ ဖီးနစ်စစ်တပ်အား တားဆီးခဲ့ကာ ယခု မြေရိုင်းပြည်နယ်သို့ ရောက်ရှိလာခြင်းကြခြင်းဖြစ်သည်။
“ မှန်နန်းတော်သခင်မရောက်လာမယ်လို့ ငါမထင်ထားဘူး...” ရှန့်ထိုရှား၏ လက်ထဲမှ နယ်ရုပ်သည် လေထဲတွင် ရပ်တန့်နေကာ သူက မှန်နန်းတော်သခင်မဘက်သို့ ကြည့်သည်။ ယခု သူမ၏ အမူအရာမှာ အလွန်အမင်း အေးစက်နေပြီး မျက်လုံးများ၌ သတ်ဖြတ်ခြင်း အငွေ့အသက်များဖြင့် ပြည့်နေသည်။
မှန်နန်းတော်သခင်မက တိုက်ပွဲအား ကြည့်ကာ ရီဖူရှင်းဘက်သို့ လှည့်လျှက် ပြောသည်... “ သူ့ကိုသွားပြီးတော့ ကယ်ထုတ်လာခဲ့။”
“ ဟုတ်ကဲ့ပါ သခင်မ...” မှန်နန်းတော်မှ တန်ခိုးရှင်များက ရီဖူရှင်းရှိရာသို့ လှမ်းသွားလိုက်ကြသည်။
“ ဘာ...” ကျောက်ပြည်ထောင်ဘုရင်က ထိုမြင်ကွင်းအား ကြည့်ကာ အံ့အားသင့်သွားသည်။ သူမက ရီဖူရှင်းအား ကူညီမည်ဟု သူမထင်ထားပေ။
“ သိပ်ပြီး မစိုးရိမ်ပါနဲ့ ကျောက်ပြည်ထောင်ဘုရင်မင်းမြတ်... တိုက်ပွဲပြီးသွားတဲ့အခါ ခင်ဗျားက ဒီမိန်းမကို ရမှာပါ။” ရှီဟွာတောင်ရှန့်ထိုက မှန်နန်းတော်သခင်မအား ကြည့်ကာ အေးစက်စွာပြောသည်။
“ သူတို့ကိုသွားတား...” အဆုံးမဲ့ပင်လယ်မှ ရှန့်ထိုများက အမိန့်ပေးသည်။ များစွာသော တန်ခိုးရှင်များက မှန်နန်းတော်မှ တန်ခိုးရှင်များကို သွားရောက် တားဆီးကြသည်။
“ ပင်လယ်နန်းတော်ရှန့်ထို၊ မြောက်ဘက်ချောက်နက်... ခင်ဗျားတို့လူတွေကို ပိုပြီးတော့ ဖိအားပေး တိုက်ခိုက်ခိုင်းလို့ မရဘူးလား။” ရှန့်ထိုကျိက ပြောသည်။
လက်ရှိတွင် ရီဖူရှင်း၊ ဟောင်ကျူဂီနှင့် ဟွာဂျီယူတို့သာ သီးသန့်ကွဲထွက်နေရာ သူတို့အနေဖြင့် သတ်ဖြတ်ရန် အကောင်းဆုံး အချိန်အခါ ဖြစ်သည်။
“ ကောင်းပြီ...” ပင်လယ်ရှန့်ထိုက ပြန်ပြောကာ သူ့လူများအား အချက်ပေးသည်။ မလှုပ်ရှားရသေးသော များစွာသော တန်ခိုးရှင်များက ရီဖူရှင်းထံသို့ ပျံသန်းသွားကြသည်။ ထိုအခိုက်တွင် ရီဖူရှင်းနှင့် သူ့လူများအား အလွန်သိပ်သည်းသော ကြယ်တာရာအရံအတားတစ်ခု ကာကွယ်ထားကာ ရန်သူများ၏ တိုက်ခိုက်မှုက အကာအကွယ်ကို ထွင်းဖောက်နိုင်ခြင်း မရှိသေးပေ။
လေထဲတွင် တိုက်ပွဲဝင်္ကပါသုံးခု ပေါ်လာသည်။ သူတို့၏ လူအရေအတွက်မှာ သိပ်မများသော်လည်း ဝင်္ကပါတစ်ခုစီက တော်ဝင်မြေတစ်ခုစီ၏ လက်ရွေးစင်များကို ရွေးထုတ်ထားခြင်းဖြစ်ရာ အလွန်အားကောင်းပေသည်။
ရီဖူရှင်း၏ ရှေ့၌ ရှိနေသော တန်ခိုးရှင်များသည် ပင်လယ်နန်းတော်မှ ဖြစ်ကြ၏။ သူတို့အား ဦးဆောင်သူမှာ ပြည်နယ်ကိုးခု ရှီအဆင့်၌ နံပါတ်ဆယ့်ခုနစ်ရှိသော အော့ဖန်ဖြစ်သည်။ ဘယ်ဘက်မှ ဝင်္ကပါကိုဦးဆောင်သူသည် မြောက်ဘက်ချောက်နက်၏ စွမ်းအားအမြင့်ဆုံး ရှီတန်ခိုးရှင်ဖြစ်သည်။ ညာဘက်မှ နတ်ဘုရားကမ်းပါး၏ တန်ခိုးရှင်များကို ဦးဆောင်သူသည် ပြည်နယ်ကိုးခု ရှီအဆင့်ဝင် ရန်ချီဖြစ်သည်။
တော်ဝင်မြေသုံးခုမှ စွမ်းအားအမြင့်ဆုံး ရှီတန်ခိုးရှင် သုံးဦးသည် ဝင်္ကပါများအား ဦးဆောင်ကာ ရီဖူရှင်းအား တားဆီးလျှင် သူတို့က ရီဖူရှင်းအား သတ်ဖြတ်ရန် မည်မျှစိတ်ပိုင်းဖြတ်ထားကြောင်း သိသာစေသည်။
အဆုံးမဲ့ပင်လယ်မှ မရေမတွက်နိုင်သော တန်ခိုးရှင်များ ရှိနေကြသည်။
အော့ဖန်က ဝင်္ကပါမှ စွမ်းအားများကို စုစည်းလျှင် သူ့ကိုယ်ရောင်ကိုယ်ဝါမှ ကြောက်မက်ဖွယ်ကောင်းလာသည်။ သူ၏ တိုက်ခိုက်ရေးပုံစံမှာ အလွန်မြင့်မားပြီး သူ၏ သက်စောင့်ဝိညာဉ်သည် ငွေနဂါးတစ်ကောင် ဖြစ်သည်။
သူ့အား ဗဟိုပြု၍ ကြောက်မက်ဖွယ်အရှိန်အဝါများ ဖြစ်ပေါ်လာသည်။ သူ့လက်တွင် တော်ဝင်ရတနာဖြစ်သော သုံးခွမှိန်းအား ကိုင်ထား၏။ သူ၏လက်တစ်လျှောက်အရပ်တွင် ကြောက်မက်ဖွယ် ငွေရောင်လျှပ်စီးများနှင့်အတူ ကြယ်တာရာအရံအတားကို ပြင်းထန်စွာ တိုက်ခိုက်ကြသည်။ အရံအတားမှာလည်း တစ်တိတိပြိုပျက်လာ၏။
“ ရီဖူရှင်း... အချိန်နဲ့ လေဟာနယ်လှံနဲ့ ဟောင်ကျူဂီကို ပေးအပ်ပါ။ လက်နက်ချအညံ့ခံရင် မင်းမိန်းမအသက်ကို ချမ်းသာပေးလိုက်မယ်။” အော့ဖန်က မခိုးမခန့်ပြုံးကာ ပြောသည်။
ရီဖူရှင်း၏ မျက်နှာက တည်ကြည်လေးနက်သွား၏။ သူက အချိန်နဲ့လေဟာနယ်လှံကို ကိုင်စွဲကာ တိုက်ပွဲဝင်္ကပါ၏ စွမ်းအား အထောက်အပံ့ကိုယူသည်။ ယခု အော့ဖန်ထံမှ ရသော အရှိန်အဝါသည် ကျိရာတစ်ယောက်တည်း၏ စွမ်းအားထက် အားကောင်းသည်ဟု သူခံစားရသည်။
ရီဖူရှင်း၏ ကိုယ်ရောင်ကိုယ်ဝါကလည်း အားကောင်းလာခဲ့ပြီး သူက နတ်ငှက်၏ တိုက်ခိုက်ရေးပုံစံကိုယူသည်။ သွေးကြောမခုနစ်ခု အသက်ဝင်လာခဲ့လျှင် သူ့တစ်ကိုယ်လုံး ကြောက်မက်ဖွယ် ခွန်အားများဖြင့် ပြည့်နှက်လာခဲ့သည်။
ရှန့်ထိုကျဲက တိုက်ပွဲအပြင်တွင် ရပ်ကြည့်နေခဲ့ကာ သူ့နောက်တွင် ခွန်ယိုနှင့် တန်ခိုးရှင်တစ်စုတို့သည် ရီဖူရှင်းအား လှမ်းကြည့်နေကြ၏။ သူတို့က တခြားနေရာများတွင် သွားရောက် တိုက်ခိုက်ခြင်း မရှိဘဲ ရီဖူရှင်းကိုသာ မျက်တောင်မခတ်ကြည့်နေကြ၏။
“ ဒီနေ့တော့ ဒီလောက်ပဲ...” ရှန့်ထိုရှားက စစ်တုရင်ခုံပေါ်မှ နယ်ရုပ်များအား ဖရိုဖရဲ ဖျက်လိုက်ကာ ပြောသည်။ ရှန့်ထိုလီက ရှန့်ထိုရှားအား ကြည့်ကာ ဆွံ့အရသည်။ ခင်ဗျားက ရှုံးခါနီးမှ ဒီလိုဖျက်ဆီးလိုက်ရသလား။
ရှန့်ထိုရှားက ရှန့်ထိုလီ၏ အကြည့်ကို ခံစားမိဟန် မတူပါ။ သူက ရီဖူရှင်းရှိနေရာ စစ်မြေပြင်သို့ ကြည့်နေသည်။ ထို့အတူ တော်ဝင်ကျဲနန်းတော်မှ လူများသည်လည်း အချင်းချင်း၏ တည်နေရာနှင့် အခြေအနေကို ခံစားမိသည့်အလျှောက် ရီဖူရှင်းရှိနေရာသို့ သွားရောက်ရန် ကြိုးစားနေကြသည်။ ထို့ကြောင့် စစ်မြေပြင်တစ်ခုလုံးသည် ဆုံမှတ်တစ်ခုတည်း၌ ပေါက်ကွဲ ဖြစ်ပေါ်လာမည့်ပုံဟန် ရှိနေသည်။