ဒဏ္ဍာရီထဲက ဖူရှင်း အပိုင်း(အပိုင်း၉၆၀ မှအပိုင်း ၁၁၆၀ထိ)

အပိုင်း (၉၇၄): ဖယ်ရှားခံခဲ့ရသော နယ်ရုပ်

ဏ္ဍာရီထဲက ဖူရှင်း
စာစဉ်(၆၇)
အပိုင်း (၉၇၄): ဖယ်ရှားခံခဲ့ရသော နယ်ရုပ်
တော်ဝင်ကျဲနန်းတော်သည် ကျုံးကျိုးမြို့၌ တည်ရှိရာ ကျေးရွာခေါင်းဆောင်သည် နန်းတော်သို့ တိုတောင်းသော အချိန်အတွင်း ပျံသန်းလာနိုင်ခဲ့သည်။ ဧရာမဓားကြီးသည် တော်ဝင်ရှီနန်းဆောင်သို့ ပြန်ရောက်ပြီး မကြာမီ နန်းတော်တစ်ခုလုံးကို ရိုက်ခတ်လာသော အသံတစ်သံအား ကြားကြရသည်။
“ နန်းတော်တပည့်တွေအကုန်လုံး… စစ်ပွဲအတွက် ပြင်ဆင်ကြ။”
အလွန်တရာ တည်ကြည်လေးနက်သော အသံကြောင့် ကြားရသူတိုင်းမှာ စိတ်နှလုံး တုန်ယင်ကြသည်။ ရှေးနန်းတော်ရာသို့ ခရီး၌ ဘာတွေဖြစ်ပျက်ခဲ့သနည်း။ 
ရန်ရှောင်နှင့် တခြားလူများက လိုအပ်သည်များအား စီစဉ်ရန် ထွက်သွားကြသည်။ များမကြာမီ နန်းတော်တစ်ခုလုံး အခြေအနေအရပ်ရပ်အား သိလိုက်ကြရသည်။
နန်းတော်သခင်ရီသည် ကျောက်ပြည်ထောင်ဘုရင်၏သား ကျောက်ဟောင်အပါအဝင် ပြည်နယ်ကိုးခုရှီအဆင့်ဝင် လေးဦးအား သတ်ဖြတ်ခဲ့သည်။ ပြည်နယ်ကိုးခု၏ စွမ်းပကားအကြီးဆုံးလက်နက်တစ်ခုဖြစ်သော အချိန်နှင့် လေဟာနယ်လှံမှာ သူ၏လက်ထဲတွင် ရှိသည်။ သူက ဟောင်ကျူဂီအား ဘိုးဘွားအမွေအနှစ်ကို ဆက်ခံနိုင်စေရန် ကူညီပေးခဲ့၏။ ဟောင်စီမှာ တိုက်ပွဲအတွင်း ကျဆုံးခဲ့သည်။
သတင်းတစ်ခုစီတိုင်းက ထိတ်လန့်ဖွယ်ကောင်းသည်။ ရှေးနန်းတော်ရာ၌ ပြည်နယ်ကိုးခုလုံးမှာ သူတို့၏ ရန်သူဖြစ်ခဲ့သော်လည်း ရီဖူရှင်းက နန်းတော်မှ လူများကို ဦးဆောင်ကာ ရဲဝံ့စွာ တိုက်ခိုက်ခဲ့သည်။ လူတိုင်းက ထိုမြင်ကွင်းအား ကိုယ်တိုင်မကြည့်လိုက်ရသည့်အပေါ် မချင့်မရဲ ဖြစ်ကြသည်။
ရီဖူရှင်းနှင့် တခြားသော ဒဏ်ရာရသူများမှာ တော်ဝင်ရှီနန်းဆောင်၌ ပြန်လည်ကုစားနေကြသည်။ ထာဝရအဘိုးအိုက သူတို့ထံသို့ လာရောက်ကုသပေးရာ ဒဏ်ရာများမှာ မြန်ဆန်စွာ သက်သာလာခဲ့သည်။
ရီဖူရှင်းတွင် ကမ္ဘာသစ်ပင် ရှိရာ ပြန်လည်ကုစားမှု၌ သူအမြန်ဆုံးဖြစ်သည်။
တော်ဝင်ကျဲနန်းတော် တစ်နေရာ၌ လူသုံးယောက်သည် တိတ်ဆိတ်စွာ လေ့ကျင့်နေကြသည်။ သူတို့ကား အဆုံးမဲ့ပင်လယ်မှ လျူစီရွှန်နှင့် နောက်နှစ်ယောက်ဖြစ်ကြသည်။ သူတို့သည်လည်း လတ်တလောဖြစ်ပေါ်လာသော သတင်းများအား ကြားသိကြသည်။
“မင်းတို့ ထွက်သွားလို့ရပြီ။ ”
ရီဖူရှင်းက သူတို့အား ပြောသည်။
လျူစီရွှန်က သူ့အားကြည့်သည်။ နန်းတော်၌ပင် သူမကား ထူးထူးခြားခြား ချောမော လှပသူဖြစ်သည်။ ပါရမီအရာ၌လည်း ရှန့်ထိုများပင် သူမအား ချီးကျူးကြရ၏။ 
“ကျွန်မ နန်းတော်မှာ ဆက်ပြီးတော့ လေ့ကျင့်လို့ရမလား။” သူမက နှုတ်ခမ်းများအား ကိုက်ကာ မေးမြန်းသည်။
သူတို့က ဤအချိန်အတောအတွင်း နန်းတော်မှ ထွက်သွားခွင့်မရှိသော်လည်း ဤနေရာတွင် လေ့ကျင့်ရသည်မှာ ကမ်းပါးမြို့ထက် များစွာ သာလွန်ပေသည်။
ရီဖူရှင်း၏မျက်နှာ၌ ထူးဆန်းသော အမူအရာ တစ်ခု ဖြစ်လာသည်။ သူက ပြောသည်...“ အခုလက်ရှိ နန်းတော်က သေရေးရှင်ရေး အခြေအနေ ဖြစ်နေတယ်။ မင်းတို့ သေမှာမကြောက်ဘူးလား။”
လျူစီရွှန်က ခေါင်းယမ်းသည်...“ တန်ခိုးရှင်တစ်ယောက်အတွက် လုံးဝဘေးကင်းတဲ့နေရာ ဘယ်ရှိပါ့မလဲ။ ကျွန်မက နန်းတော်နဲ့အတူ စစ်ပွဲမှာ ပါဝင်ချင်ပါတယ်။ ဒါပေမဲ့ ဒီစစ်ပွဲပြီးသွားရင် နန်းတော်မှာ အကျယ်ချုပ်သဘောမျိုး မဟုတ်တော့ဘဲ နန်းတော်ရဲ့ တပည့် အစစ်အမှန် ဖြစ်ချင်ပါတယ်။”
ရီဖူရှင်းက သူမအား အံ့အားသင့်စွာကြည့်သည်။ လျူစီရွှန်ကား ဆုံးဖြတ်ချက် ပြတ်သားသူဖြစ်သည်။ ဤသို့သော ထက်မြတ်သော မိန်းမအား မွေးထုတ်ပေးနိုင်သော ကမ်းပါးမြို့မှ လျူကလန်မှာ အလွန်အားကောင်းရပေမည်။
“ကောင်းပြီ...” သူကခေါင်းညိတ်သည်...“ လျူယွီနဲ့ လျူဟန်တို့ကရော...”
“အစ်ကိုရီ... ကျွန်မလည်း နန်းတော်မှာ ဆက်ပြီးလေ့ကျင့်ချင်ပါတယ်။ ” လျူယွီနဲ့ ရီဖူရှင်းတို့၏ ဆက်ဆံရေးမှာ အမှန်တကယ်အားဖြင့် အလွန်ကောင်းမွန်ပေသည်။
“ကျွန်တော်လည်း အစ်မရဲ့ ဆန္ဒအတိုင်းပါပဲ။”
“ပြန်သွားလိုက်...” လျူစီရွှန်က လျူဟန်အား ပြောသည်...“ ငါတို့မိသားစုက ငါတို့သေလား ရှင်လားမသိသေးဘူး။ တကယ်လို့ ငါသေခဲ့ရင် ငါဘယ်နေရမှာ သေခဲ့လဲဆိုတာ သူတို့သိသင့်တယ်။”
“အစ်မ...”လျူဟန်က သူမအားကြည့်သည်။
“ငါပြောသလိုလုပ်...” လျူစီရွှန်က သူ့အား စိုက်ကြည့်လျက် ပြောလျှင် လျူဟန်က အနည်းငယ်ခေါင်းညိတ်ကာ ပြောသည်...“ကောင်းပြီ...”
ရီဖူရှင်းက သူတို့သုံးယောက်အား ကြည့်ကာပြောသည်...“ ဒါက မင်းတို့ရဲ့ ကိုယ်ပိုင် ဆုံးဖြတ်ချက်ပဲ။”
ထိုသို့ပြောကာ ရီဖူရှင်းက တော်ဝင်ကျဲနန်းတော်အပေါ်လေထုသို့ ပျံတက်သွားသည်။
ကောင်းကင်ထက်၌ လူတစ်စုပေါ်လာသည်။ ရန်ရှောင်၊ ဓားမိစ္ဆာ၊ ယူစီနှင့် တခြားသော တန်ခိုးရှင်များ ရီဖူရှင်းဘေး၌ ပေါ်လာကြသည်။ ယူစီက ပြောသည်...“ ဖူရှင်း … မကြာခင် ပြင်းထန်တဲ့ တိုက်ခိုက်တစ်ခု ဖြစ်လာတော့မှာ။”
ရီဖူရှင်းက ခေါင်းညိတ်သည်။ ထိုအချက်ကို အားလုံးက ရှင်းရှင်းလင်းလင်း သိထားကြသည်။မကြာသေးခင်ကပဲ သူတို့က ရှေးနန်းတော်ရာ၌ ကနဦးတိုက်ပွဲတစ်ခုကို ဆင်နွှဲခဲ့ရသေးသည်။လက်ရှိတွင် မည်သည့်တော်ဝင်မြေတို့က စစ်ပွဲအတွင်း ပါဝင်လာမည်ကို အတိအကျမပြောနိုင်ပေ။ သူတို့၏ ရန်သူများဖြစ်သော တော်ဝင်အလင်းနန်းတော်၊ ရှီဟွာတောင်နှင့် ကျောက်ပြည်ထောင်တို့က သေချာပေါက် စစ်ခင်းပေမည်။
ရီဖူရှင်းက နန်းတော်အားလုံးကြည့်ကာ ပြောသည်...“ နန်းတော်အနီးက လျှို့ဝှက်နယ်မြေတွေ ငါတို့ဝင်္ကပါအစီအရင်တွေကို ထိခိုက်စေမှာလား။”
“ နည်းနည်း...”ရန်ရှောင်က ခေါင်းညိတ်သည်...“ငါတို့ဝင်္ကပါအစီအရင်တွေက တချို့သောနေရာတွေကို ကျော်ဖြတ်ဖို့လိုနေတယ်။”
ရီဖူရှင်းက ခေါင်းညိတ်ကာ ပြောသည်...“ နန်းတော်ကတပည့်တွေ အကုန်လုံး... ကျုပ်အမိန့်ကို နာခံပါ။ လက်ရှိလေ့ကျင့်နေတာတွေကို ရပ်တန့်ပြီးတော့ ဒီမှာလာစုဝေးကြပါ။  ”
သူ၏ အသံက တော်ဝင်ကျဲနန်းတော် တစ်ခုလုံးကို ရိုက်ခတ်သွားခဲ့သည်။ အားလုံးက အသံကိုကြားလျှင် လေ့ကျင့်နေသည်များရပ်တန့်ကာ ရီဖူရှင်းထံသို့ ပျံသန်းလာခဲ့ကြသည်။
“အဘ...” ရီဖူရှင်းက လှမ်းခေါ်လျှင် သူဘေး၌ ကျေးရွာခေါင်းဆောင် ပေါ်လာသည်။
“တပည့်တွေအကုန်လုံး ပင်မနန်းဆောင်သို့ ရောက်ရင် ကျန်တဲ့နေရာတွေ အကုန်လုံးကို ရှင်းလင်း ဖျက်ဆီးမယ်။”
သူ၏စကားများကို ကြားလျှင် အားလုံးက တုန်လှုပ်သွားကြသည်။ ရီဖူရှင်းက နန်းတော်၏ တခြားသော နေရာများအားလုံးကို အမှန်တကယ်ဖျက်ဆီးတော့မည်လား။
နန်းတော်တွင် များစွာသော ကျင့်ကြံခြင်း လျှို့ဝှက်နေရာများ၊ ဘိုးဘေးအမွေအနှစ်များနှင့် အပျက်အစီးနယ်မြေများ ရှိပေသည်။
ယခု ရီဖူရှင်းက ထိုနေရာများအားလုံးကို ဖျက်ဆီးရန် အမိန့်ပေးခဲ့သည်။အရာအားလုံး ပျောက်ကွယ်သွားပေတော့မည်။
မည်သူကမှ မငြင်းဆန်ကြပေ။ ယခုကား နန်းတော်၌ ရီဖူရှင်း၏ သြဇာအာဏာကို မည်သူကမှ သံသယမဝင်ကြတော့ပေ။
မူလက သူကား နိုဘယ်အဆင့်မျှဖြင့် နန်းတော်ခေါင်းဆောင် ဖြစ်လာခဲ့ရာ အားလုံးကလည်း သူ့အား ကူညီခဲ့ကြပြီး သူ့အပေါ် မျှော်လင့်ချက်ကြီးမားခဲ့ကြ၏။ ယခု သူက နန်းတော်မှ ရှန့်ထိုနှစ်ပါးအားခေါ်ဆောင်ကာ ကျိရှမ်းကမ်းပါးအား သွားရောက်ဖျက်ဆီးခဲ့သည်။ ယခု သူက ရှန့်ထိုအဆင့်အောက်တွင် အမြင့်ဆုံးသော အဆင့်အတန်းရှိပေသည်။
ရီဖူရှင်းက တော်ဝင်ကျဲနန်းတော်၏ အမှတ်သင်္ကေတတစ်ခုဖြစ်သည်။
သူကား မြေရိုင်းပြည်နယ်တစ်ခုလုံးအတွက်ပင် အမှတ်သင်္ကေတတစ်ခုဖြစ်သည်။
မြေရိုင်းပြည်နယ်ဟူသော စကားရပ်အား ထည့်သွင်းပြောကြားလျှင် နန်းတော်သခင်ရီဖူရှင်းကို ဦးဆုံး တွေးမိကြပေသည်။
နောက်ထပ်လူတစ်စု ရောက်ရှိလာကြသည်။ သူတို့က နန်းတော်၏အကြီးအကဲများ ဖြစ်ကြသည်။ အားလုံးက နန်းတော်အားကြည့်ကာ သက်ပြင်းချကြသည်။ မကြာမီ ဤနေရာကား ပျက်စီးပျောက်ကွယ်သွားပေတော့မည်။
သိပ်မကြာခင် နန်းတော်အပေါ်၌ ဓားစွမ်းအင် မုန်တိုင်းတစ်ခု ဖြစ်ပေါ်လာကာ အရာအားလုံးအား တိုက်စားပျောက်ကွယ်စေသည်။
နန်းတော်၏တပည့်များအားလုံးမှ ထိုမြင်ကွင်းအား စိတ်မသက်မသာ ကြည့်နေကြသည်။ ထို့နောက်တွင် ပင်မနန်းဆောင်မှ လွဲ၍ ကျန်သောနေရာများအားလုံး ပျောက်ကွယ်သွားတော့သည်။
မှန်သည်... ရှီနန်းတော်မှာ ကျန်ရစ်ပေသေးသည်။
“အစ်ကိုရန်... နန်းတော်တပည့်တွေကို ဦးဆောင်ပြီး ပိုကြိုးစားပြီးတော့ စီမံပါ။ ”ရီဖူရှင်းက ရန်ရှောင်ကို ပြောသည်။ ရှန်ရှောင်က ခေါင်းညိတ်ကာ သူ့လူများ ဦးဆောင်လျက် ဝင်္ကပါများအား ပြင်ဆင်ရန် ထွက်ခွာသွားသည်။
“မြေရိုင်းပြည်နယ်တစ်ခုလုံးသို့ အမိန့်ထုတ်ပြန်ပါ။ တော်ဝင်ကျဲနန်းတော်ရဲ့ သခင်တစ်ယောက်အနေနဲ့ ကျုပ်က မြေရိုင်းပြည်နယ်တစ်ခုလုံးမှာ ရှိတဲ့ ရှီအဆင့်ဓားတွေ အကုန်လုံးကို ဆင့်ခေါ်တယ်။”
“ငါတို့က ဒီလောက်ဓားတွေအများကြီးလိုအပ်လို့လား။”ယူစီက မေးသည်။ သူသည် အာခီမီမြို့မှ တော်ဝင်ကျဲနန်းတော်သို့ ပြောင်းရွှေ့လာသောအခါ မရေမတွက်နိုင်သော လက်နက်များအား သယ်ဆောင်ယူလာခဲ့၏။
“ဟုတ်တယ်... ဦးလေးလည်း နောက်ထပ်ဓားတွေ အများကြီး သွန်းလုပ်ပေးဖို့လိုလိမ့်မယ်။ လိုတဲ့သတ္တုတွေကို နန်းတော်ကလူတွေ စုဆောင်းပေးလိမ့်မယ်။ ကျွန်တော်က မရဏဓားဝင်္ကပါကို အသက်သွင်းခဲ့တယ်ဆိုပေမဲ့ ထိန်းချုပ်နိုင်စွမ်း မရှိဘူး။ ဒါပေမဲ့ ဝင်္ကပါနဲ့ပတ်သက်ပြီးတော့ အတော်များများကို ကျွန်တော်မှတ်မိတယ်။ ကျွန်တော်က ကိုယ်ပိုင် မရဏဓားဝင်္ကပါကို တည်ဆောက်နိုင်တယ်။”ရီဖူရှင်းက ပြောသည်။
ရီဖူရှင်းသည် စစ်တုရင်ကျေးရွာ၌ စစ်တုရင်ပညာကို လေ့လာခဲ့ကာ မရဏတောင်၌လည်း ဝင်္ကပါပညာနှင့် ပတ်သက်၍ များစွာ ထိုးထွင်း သိမြင်ခဲ့သည်။ ယခု သူက ကွန်းရှီအဆင့်သို့ တက်ရောက်နိုင်ခဲ့ပြီဖြစ်ရာ သူ၏ကိုယ်ပိုင် ဝင်္ကပါကို တည်ဆောက်နိုင်စွမ်း ရှိလာပြီဖြစ်သည်။
“ကောင်းပြီ... ငါတို့ လုပ်လိုက်မယ်။” ယူစီက ခေါင်းညိတ်သည်။ ဓားမိစ္ဆာ၊ စုရှမ်းနှင့် တခြားလူအချို့တို့ကလည်း ထိုကိစ္စအတွက် စီမံရန် ထွက်သွားကြသည်။
မကြာမီ သတင်းများ မြေရိုင်းပြည်နယ်အနှံ့သို့ ပျံ့နှံ့သွားခဲ့သည်။ရီဖူရှင်းက မြေရိုင်းပြည်နယ်မှ ဓားများအားလုံးကို ဆင့်ခေါ်သည်။သိပ်မကြာခင် မရေမတွက်နိုင်သော တန်ခိုးရှင်များ တော်ဝင်ကျဲနန်းတော်သို့ စတင်ခရီးနှင်ကြသည်။
……….