ဒဏ္ဍာရီထဲက ဖူရှင်း အပိုင်း(အပိုင်း၉၆၀ မှအပိုင်း ၁၁၆၀ထိ)

အပိုင်း (၉၆၆): အပြုံးနှင့်ထွက်ခွာခြင်း

ဒဏ္ဍာရီထဲက ဖူရှင်း
စာစဉ်(၆၆)
အပိုင်း (၉၆၆): အပြုံးနှင့်ထွက်ခွာခြင်း
ရှားရှင်းယွန်ကား ရီဖူရှင်း၏ရင့်သီးမှုများကို အသားကျနေပြီးဖြစ်ဟန်ရသည်။ သူမရှေ့တွင် ရီဖူရှင်း မလုပ်ရဲသော အရာ ဘာမှမရှိပေ။
သို့သော်လည်း သည်တစ်ကြိမ်တွင် ရီဖူရှင်းကား ပိုမို၍ပင် မာနကြီးသည်။
သို့သော်လည်း သူမ စိတ်ထဲ ထားဟန်မရပေ။ ရီဖူရှင်း၏ရင့်သီးမှုများမှာ အလွန်အကျူး မာနကြီးခြင်းဟု သူမက ယူဆခဲ့သည်။ သို့သော်လည်း ယခုကား ရီဖူရှင်းသည် ထိုသို့ ရင့်သီးနိုင်သော ခွန်အားရှိကြောင်း သူမကို အနိုင်ယူလျှက် သက်သေပြခဲ့ပြီးဖြစ်သည်။ ပုံမှန်အားဖြင့် သူကား မာနကြီးရန် အခွင့်အရေးရှိပေသည်။
သည်တိုက်ပွဲတွင် ရီဖူရှင်း၏စွမ်းရည်သည် အထက်ဘုံနှင့်အောက်ဘုံ၌ ပြိုင်ဘက်ကင်းဖြစ်ကြောင်း ဖော်ထုတ်ပြသခဲ့၏။ သူမ၏စွမ်းအားကုန်ဖြင့် ရီဖူရှင်းအား အနိုင်ရနိုင်မည်ဟု သူမတွေးထားခဲ့သော်လည်း တစ်ဘက်လူတွင်လည်း ဝှက်ဖဲများ မရှိဟု မပြောနိုင်ပေ။
ပြည်နယ်ကိုးခု၌ ဤသို့သောလူမျိုးပေါ်လာကာ သူမအား မောက်မာရင့်သီးသော စကားများ ပြောကြားသောအခါ သူမ သည်းခံနိုင်ပေ၏။
တခြားလူတစ်ယောက်ယောက်က သူမရှေ့တွင် စနောက်ရဲသော စကားတစ်ခွန်းခွန်း ပြောကြားရဲပါသည်ဆိုလျှင်...
ထိုလူအား သူမက လက်တစ်ချက်ဝှေ့ယမ်းကာ ခေါင်းဖြတ်သုတ်သင်လိုက်ပေမည်။
မှန်သည်... သည်အချင်းအရာက သူမသည် ရီဖူရှင်းအပေါ် အကောင်းမြင်သည်ဟု မဆိုလို။ သူမက ရီဖူရှင်း၏ပါရမီကို အသိအမှတ်ပြုခြင်းသာ။ စိတ်နေသဘောထားတွင်ကား ရီဖူရှင်းသည် အလွန်မောက်မာရင့်သီးကာ ရိုင်းစိုင်းသည်ဟု တွေးထင်ထားသည်။
“မင်းသမီး... ဒီအကောင်က မင်းသမီးကို မောက်မာပြီးတော့ မလေးမစားလုပ်ပါတယ်... ကျုပ်က မင်းသမီးကို ခစားလိုပါတယ်...။ ” ထိုအခိုက်တွင် ကျောက်ပြည်ထောင်ဘုရင်မင်းမြတ်ကလည်း အေးစက်စွာ ကြည့်သည်။ သူ၏မျက်လုံးများက သတ်ဖြတ်လိုသော အငွေ့အသက်များဖြင့် ပြည့်နှက်နေ၏။
ထိုအခိုက်တွင် ဟောင်ကျူဂီကား အမွေအနှစ်အား ဆက်ခံနေသော အချိန်အခါဖြစ်သည်။ နန်းတော်ရာမှာလည်း ပြင်းထန်စွာ တုန်ခါနေပြီး ရန်ဟောင်စွမ်းအားများမှာ တဖြည်းဖြည်း လျော့ပါးသွားပြီဖြစ်သည်။ ကျောက်ပြည်ထောင်ဘုရင်နှင့် မှန်နန်းတော်သခင်မတို့မှာ ဖိအားများကို မခံစားရတော့ဘဲ သူတို့၏ဒဏ်ရာများမှာလည်း သက်သာကောင်းမွန်လာပြီဖြစ်သည်။ ရီဖူရှင်း၏ပါရမီ မည်မျှ ကောင်းမွန်သည်ဖြစ်စေ သူကား ရှန့်ထိုအဆင့်ကို ရင်ဆိုင်ရပါက သေချာပေါက် သေရပေမည်။
ရီဖူရှင်း မျက်မှောင်ကြုတ်လိုက်သည်။ သူ၏မျက်လုံးများ ရှားရှင်းယွန်ထံသို့ ရောက်သွား၏။ ရှားရှင်းယွန်သာ လက်ခံခဲ့ပါက ကျောက်ပြည်ထောင်ဘုရင်အား မည်သည့်အရာကိုမှ စိတ်ပူစရာမလိုတော့ပေ။
ရှားရှင်းယွန်က ကျောက်ပြည်ထောင်ဘုရင်အား ဘာမှ မပြောဘဲ ရီဖူရှင်းကိုသာ ကြည့်သည်။
ရီဖူရှင်း၏အမူအရာက ပြောင်းလဲသွား၏။ သည်မိန်းမက ရှုံးရမ်းရမ်းကာ သူ့အား သည်အခွင့်အရေးကို အသုံးချလျှက် သတ်ဖြတ်ရန် ကြိုးစားမည်လော။
“ အစ်မတော် သခင်မ... ကျောက်ကျိမင် ကျုပ်ကို သတ်တာ ခင်ဗျား တကယ် ကြည့်နိုင်တာလား...။ ” ရီဖူရှင်းက မှန်နန်းတော်သခင်မအား စိတ်ဖြင့် ပြောသည်။
ထိုအခိုက်တွင် စွမ်းအားများ တဖြည်းဖြည်း ပြည့်လာနေသော မှန်နန်းတော်သခင်မကလည်း ရီဖူရှင်းအား သတ်ဖြတ်လိုသော အငွေ့အသက်များဖြင့် ကြည့်လျှင် ရီဖူရှင်းမှာ တုန်လှုပ်ရသည်။
“ အစ်မတော် သခင်မ... ခင်ဗျားက ကျုပ်တို့အကြား ဖြစ်ခဲ့တာကို ဂရုမစိုက်ခဲ့ဘူးဆိုရင်တောင်မှ ကျုပ်သေရင် ကျောက်ကျိမင်ရဲ့ နောက်ထပ် ပြစ်မှတ် ဘယ်သူဖြစ်မလဲ။ ” ရီဖူရှင်း ဆက်လက်၍ ပြောသည်။
မှန်နန်းတော်သခင်မက သံယောစဉ်မဲ့ဓားအား တင်းတင်းဆုပ်ကိုင်ကာ  ကျောက်ပြည်ထောင်ဘုရင်ရှေ့၌ ရပ်သည်။ သူမက ရီဖူရှင်းအား အလွန်အမင်းသတ်လိုသော်လည်း လက်ရှိအခြေအနေတွင် ဘာလုပ်ရမည်ကိုတော့ နားလည်ပေသည်။ တော်ဝင်ကျဲနန်းတော်သာ ပျက်စီးပါက ရှီဟွာတောင်ရှန့်ထိုနှင့် ကျောက်ပြည်ထောင်ဘုရင်တို့သည် မှန်နန်းတော်အား ပြစ်မှတ်ထားကြပေလိမ့်မည်။
သူမနှင့် ကျောက်ပြည်ထောင်တို့အကြား ရန်ငြိုးကား ပင်လယ်ထက် နက်ရှိုင်းပေသည်။
မှန်နန်းတော်သခင်မ၏အပြုအမူကိုမြင်လျှင် မည်သို့ဆိုစေ သူမတွင် ဆင်ခြင်တုံတရားရှိသေးသည်ကို သူမသိသည်။
“ ကျောက်ကျိမင် သေပြီးတာနဲ့ မင်းကိုငါ သတ်မယ်...။ ” မှန်နန်းတော်သခင်မက ရီဖူရှင်းအား အေးစက်စွာ ပြောသည်။
“ မှန်နန်းတော်သခင်မ... ကျုပ်တို့က ခန္ဓာချင်း စပ်ယှက်ခဲ့ကြပြီးပြီ။ ခင်ဗျား ဘာမှ မခံစားမိတာ မဖြစ်နိုင်ဘူး။ ဟုတ်တယ်မလား...။ ” ရီဖူရှင်းက စိတ်ဖြင့် ပြန်ပြောသည်။ သူမက အမှန်တကယ် သူ့ကို လာရောက်ခြိမ်းခြောက်သည်လား။
မှန်နန်းတော်သခင်မက နှုတ်ခမ်းများအား ကိုက်လိုက်သည်။ သူမ၏မျက်နှာမှာ ရေခဲတမျှ အေးစက်နေပြီး သတ်ဖြတ်လိုသော အငွေ့အသက်များ ပြင်းထန်နေသော်လည်း ထိုအချင်းအရာကပင် နောက်တစ်မျိုးသော အလှတရားကို ပေးသည်။ အရှေ့ဘက်ပြည်နယ်၏ပြိုင်စံရှားမိန်းမလှဖြစ်သည့်အလျောက် သူမက မည်သို့သော အမူအရာလုပ်ပါစေ… ချစ်စဖွယ် ကောင်းနေသည်သာ။
သူမက ရီဖူရှင်းအား ထပ်မံ၍ မခြိမ်းခြောက်တော့။ ရှားရှင်းယွန်အား ခုနကမှ အနိုင်ယူခဲ့သည့် ထူးခြားဆန်းကျယ်သော ပါရမီရှင်ကား အမှန်တကယ်အားဖြင့် အရှက်သိက္ခာမဲ့သူတစ်ဦးဖြစ်ကြောင်း သူမသိလိုက်သည်။
ရှားရှင်းယွန်ကား မှန်နန်းတော်သခင်မ၏အပြုအမူကို ရှင်းရှင်းလင်းလင်းမြင်ပေသည်။သို့သော်လည်း သူမကား သည်လူသုံးယောက်တို့အကြား ဘာဖြစ်ခဲ့သည်ကို သိပ်နားမလည်ပေ။ မည်သို့ဆိုစေ သူမသည် နောက်မှ ရောက်လာခြင်းဖြစ်၏။
“ အမွေအနှစ်က တစ်လောကလုံး သိတဲ့ကိစ္စပဲ... ။ တော်ဝင်မြေအားလုံးက ဒါကို ရယူဖို့ ကြိုးစားပိုင်ခွင့်ရှိတယ်။ ဒါပေမဲ့ တော်ဝင်စစ်ပွဲစည်းကမ်းကတော့ ရှိနေတုန်းပဲ။ ချိုးဖောက်သူ အသတ်ခံရမယ်။ ”
ရှားရှင်းယွန်က ပြောလျှင် ကျောက်ပြည်ထောင်ဘုရင်က ရီဖူရှင်းအား သတ်ဖြတ်မည်ဆိုသော အတွေးမှာ ပျက်ပြယ်ရသည်။ ထို့အပြင် ဟောင်ကျူဂီသည်လည်း အမွေအနှစ်ဆက်ခံသူဖြစ်ကြောင်း အသိအမှတ်ပြုသည်။
ပြည်နယ်ကိုးခုက တိုက်ခိုက်နိုင်သော်လည်း တော်ဝင်စစ်ပွဲစည်းကမ်းကို လိုက်နာရန် လိုပေသည်။
ရှားရှင်းယွန်၏စကားကိုကြားလျှင် ရီဖူရှင်းက သိပ်တော့ မအံ့သြပေ။ သည်မင်းသမီးလေးကား မိန်းကလေးလို ဝတ်ပါက အလွန်တရာ ချောမောလိမ့်မည်ဟုပင် တွေးမိသည်။ သူမအား ထည့်သွင်းစဉ်းစားသင့်သလော။
သူက ထိုအတွေး ဝင်လာစဉ်မှာပင် အေးစက်သော အကြည့်တစ်ခုအား ခံစားမိသည်။ ရှားရှင်းယွန်၏မျက်လုံးက သူ့ထံသို့ရောက်လာသည်။ သူက တုန်လှုပ်သွားကာ ခေါင်းထဲသို့ ဝင်လာသော အတွေးအား ပယ်ဖျက်လိုက်၏။
ရီဖူရှင်း၏ခေါင်းထဲသို့ ဝင်လာသော အတွေးများအား ရှားရှင်းယွန် မသိပေ။ မဟုတ်လျှင် သူမက ကျောက်ပြည်ထောင်ဘုရင်အား ရီဖူရှင်းကို သေချာပေါက် သတ်ခွင့်ပေးပေမည်။
သူမ တွေးနေသည်ကား သူမအား အနိုင်ယူခဲ့သော ရီဖူရှင်း၏စွမ်းရည်ဖြင့် တော်ဝင်စစ်ပွဲ၏စည်းမျဉ်းအောက်တွင် သူကား သေရန် ခက်ခဲမည်ဟုပင်။
ရန်ဟောင်အမွေအနှစ်ကို ဆက်လက်ထိန်းသိမ်းနိုင်မည်လား ဟူသော မေးခွန်းကိုမူကား စောင့်ကြည့်ရပေမည်။
စည်မျဉ်းကား သူမ၏အဖေ သတ်မှတ်ထားခြင်းဖြစ်ရာ သူမအနေဖြင် ဝင်စွက်ဖက်စရာ အကြောင်းမရှိပေ။
ရန်ဟောင်အမွေအနှစ်သည် ပြည်နယ်ကိုးခုတွင် ပေါ်ထွက်လာခဲ့၏။ သူမ မဟုတ်သောတစ်စုံတစ်ယောက်သာ အမွေအနှစ်အား ရသွားပါက ကောင်းသောကိစ္စမဟုတ်ပေ။
ရှေးဟောင်းအုတ်ဂူအတွင်းမှ နံရံများမှာ တဖြည်းဖြည်း ပြိုလဲလာနေပြီဖြစ်သည်။
မှန်နန်းတော်သခင်မနှင့် ကျောက်ပြည်ထောင်ဘုရင်တို့သည် ကမ္ဘာမြေတုန်ခါမှုကို ကောင်းကောင်း ခံစားမိကြ၏။
ရီဖူရှင်းနှင့် ရှားရှင်းယွန်တို့၏အာရုံမှာလည်း ဟောင်ကျူဂီထံသို့ ရောက်လာကြသည်။
ရီဖူရှင်းသည် မှန်နန်းတော်သခင်မနှင့် ကျောက်ပြည်ထောင်ဘုရင်တို့အား လှည့်စားနေစဉ်မှာ ရှားရှင်းယွန်ကိုလည်း တားဆီးထားရာ ဟောင်ကျူဂီမှာ အနှောင့်အယှက်ကင်းစွာဖြင့် ရန်ဟောင်အမွေအနှစ်အား ဆက်ခံရရှိစေ၏။
ယခု ဟောင်ကျူဂီအား ရောင်စဉ်များဖြာထွက်နေကာ သူ့ထံမှ သက်စောင့်ဝိညာဉ်သုံးခုမှာလည်း ပိုမိုသန့်စင်သွားဟန်ရပြီး ဟောင်ကျူဂီ၏မူလဝိညာဉ်ဖြင့် ပေါင်းစပ်သွား၏။ ယနေ့ ပြီးနောက်တွင် ဟောင်ကျူဂီအား လုံးဝ ပြောင်းလဲသွားပေလိမ့်မည်။
ကျောက်ပြည်ထောင်ဘုရင်၏နှလုံးသားကား သတ်ဖြတ်လိုသော အငွေ့အသက်များဖြင့်သာ ပြည့်နှက်နေဟန်ရသည်။ မှန်နန်းတော်သခင်မသည်လည်း ဟောင်ကျူဂီအား ကြည့်ကာ အတွေးများစွာ ဝင်လာသည်။ နှစ်အနည်းငယ်အတွင်းတွင်ပင် ရီဖူရှင်းကား ကျိရှမ်းကမ်းပါးကို ဖျက်ဆီးခဲ့သလို ယခု တော်ဝင်ကျဲနန်းတော်မှာလည်း ပါရမီရှင်များ တစ်ဦးပြီးတစ်ဦး ထွက်ပေါ်လာသည်။ နောက်နှစ်အနည်းငယ်တွင် အခြေအနေက မည်သို့ ဖြစ်မည်နည်း။
ရှားရှင်းယွန်၏အတွေးများကား သူတို့နှင့် ကွဲပြားခြားနားပေသည်။ ပြည်နယ်ကိုးခုကား သူမအဖေ အုပ်ချုပ်မှုအောက်တွင် ရှိပေသည်။ သူမအတွက် မည်သူတို့က အားနည်းပြီး မည်သူတို့က အားကောင်းခြင်းမှာ အရေးမကြီးပေ။
သို့သော်လည်း ရီဖူရှင်းကား အမွေအနှစ်ကို နောက်တစ်ယောက်အား ပေးအပ်ခဲ့၏။ သူသည် ရီဝူချင်းအတွက် ကျူးထန်နန်းတော်ကိုးလွှာသို့အထိ တက်လှမ်းတိုက်ခိုက်ခဲ့သေး၏။ သူက မည်သို့သောသူဖြစ်သနည်း။
သူသည် ရန်ဟောင်အမွေအနှစ်အား တန်ဖိုးမထားခြင်းလား... သို့မဟုတ် သွေးသောက်ရောင်းရင်းများအား ပိုမိုတန်ဖိုးထားသည်လား။
…
ယခု အုတ်ဂူအပြင်ဘက်တွင် ပြည်နယ်ကိုးခုမှ တန်ခိုးရှင်များနှင့် အထက်ဘုံမှ တန်ခိုးရှင်များအားလုံး ရှိနေကြဆဲဖြစ်သည်။ ကျောက်နံရံများတွင် အက်ကွဲကြောင်းများဖြစ်ပေါ်လာသောအခါ မင်းသမီးမှာ အမွေအနှစ်အား ဆက်ခံပြီးစီးသွားပြီဖြစ်ကြောင်း သိလိုက်ကြပြီးဖြစ်သည်။ အရာအားလုံးမှာ အဆုံးသတ်ပြီဖြစ်ကြောင်း သူတို့ သိကြ၏။
အမွေအနှစ်ကို ဆက်ခံခဲ့သူမှာ မင်းသမီး ရှားရှင်းယွန်ဖြစ်ပေမည်။
နေရာအနှံ့ရွှေရောင်အလင်းတန်းများဖြစ်လာကာ နန်းတော်ရာတစ်ခုလုံးအား ဖြတ်သန်းစီးဆင်းသွားသည်။ ချက်ချင်းပင် ရုပ်သေးများအားလုံးမှာ ရွှေရောင်သဲမှုန်များအဖြစ် ပြောင်းလဲကာ ပျယ်လွင့်ကုန်ကြ၏။ ကောင်းကင်ထက်တွင် အရာအားလုံးကို ဖုံအုပ်ထားသော ရောင်စဉ်များမှာလည်း တဖြည်းဖြည်းပြယ်လွင့်ကြသည်။ ထိုအခိုက်တွင် တန်ခိုးရှင်များမှာ တဖြည်းဖြည်း လျော့ပါးပျောက်ကွယ်လာသော ဖိအားများအား ခံစားမိကြ၏။
သို့သော်လည်း သည်တစ်ခေါက်တွင် ကောင်းကင်ထက်၌ ကြောက်မက်ဖွယ်ကောင်းသော မဟာလမ်းစဉ်၏လောကဓာတ်များစုစည်းလာကာ ကောင်းကင်သည်လည်း အရောင်များပြောင်းလဲလာပြီး လူအများအပြားမှာ ထူးဆန်းသော အမူအရာများဖြစ်လာကြသည်။
သည်အရာသည် နတ်ဘုရားပြစ်ဒဏ်လား။
သည်နေရာတွင် အမှန်တကယ် နတ်ဘုရားပြစ်ဒဏ်ကို ဆင့်ခေါ်နိုင်သူ ရှိနေသည်လား။
ရုတ်တရက် ရယ်မောသံတစ်ခု ထွက်ပေါ်လာကာ မျက်လုံးပေါင်းများစွာက တစ်နေရာသို့ ရောက်သွားကြသည်။ သူတို့မြင်သည်ကား ရုပ်ထုနှင့် ပေါင်းစပ်သွားဟန်ရသော ဟောင်စီကား ကျယ်လောင်စွာ ရယ်မောနေသည်... “ ငါက ထောင်ကျန်းလိုပဲ တွေ့ကြုံရမယ်လို့ မထင်ထားခဲ့ဘူး။ ထောင်ကျန်းက ငါ့ထက် ကံကောင်းခဲ့တယ်။ ဒါပေမဲ့ ငါမသေခင် နတ်ဘုရားပြစ်ဒဏ်ကို ကြုံဆုံခဲ့ရပြီဆိုတော့ ဒါက တန်သွားပြီပဲ...။”
နတ်ဘုရားပြစ်ဒဏ်အား ဆင့်ခေါ်နိုင်ခြင်းမှာ သူ၏ကိုယ်ပိုင်စွမ်းရည်မဟုတ်ကြောင်း သူနားလည်သည်။ သူသည် ရှေးဘိုးဘေး၏စွမ်းရည်များအား ငှားယမ်းသုံးပြုခဲ့သလို စိတ်နှလုံးမှာလည်း ပြီးပြည့်စုံခြင်းဖြင့်တိုက်ဆိုင်ခဲ့ရာ နတ်ဘုရားပြစ်ဒဏ်က တိုက်ဆိုင်စွာ ရောက်လာခဲ့၏။သို့သော်လည်း သူကား ကံမကောင်းစွာပင် အသက်ဓာတ်များ လောင်ကျွမ်းထားခဲ့ပြီးဖြစ်ကာ နောက်ဆုံးအချိန်အခါသို့ ရောက်နေပြီးဖြစ်သည်။
ဘန်း... ဘန်း... ဘန်း...
ကျောက်နံရံကား အစိတ်စိတ်အမွှာမွှာကွဲအက်သွားကာ အတွင်းမှ မြင်ကွင်းများအား ဝိုးတဝါးပေါ်လာသည်။ အားလုံးက အုတ်ဂူအတွင်းသို့ လှမ်းကြည့်ကြ၏။
အတွင်းတွင် မှန်နန်းတော်သခင်မနှင့် ကျောက်ပြည်ထောင်ဘုရင်တို့မှာ မျက်နှာချင်းဆိုင်ရပ်နေကြသည်။
ရီဖူရှင်းနှင့် ရှားရှင်းယွန်တို့မှာလည်း မျက်နှာချင်းဆိုင်ရပ်နေကြ၏။ ရီဖူရှင်းသည် မင်းသမီးအား တားဆီးထားသည့်ပုံဟန်ဖြစ်၏။
အဝေးတစ်နေရာတွင် ရောင်စဉ်များ ထွန်းလင်းနေသော လူတစ်ယောက်ရှိနေပြီး သူကား ဟောင်ကျူဂီဖြစ်သည်။
ထိုအခိုက်တွင် အားလုံး၏မျက်လုံးများက သူ့ထံသို့ ရောက်သွားကြ၏။
ရန်ဟောင်အမွေအနှစ်အား လက်ခံရရှိခဲ့သူမှာ မှန်နန်းတော်သခင်မလည်းမဟုတ်သလို ကျောက်ပြည်ထောင်ဘုရင်လည်းခဲ့။ ထိုနည်းတူ ရှားရှင်းယွန်နှင့် ရီဖူရှင်းလည်း မဟုတ်ခဲ့။
ထိုသူကား တော်ဝင်ကျဲနန်းတော်မှ ဟောင်ကျူဂီဖြစ်နေသည်။
ဟား...ဟား...ဟား...
ကျယ်လောင်သောအသံတစ်ခု ထွက်လာလျှင် ဟောင်ကျူဂီက ရုပ်တုတွင် ပေါင်းစပ်နေဟန်ရသောလူကြီးအား ကြည့်သည်။ သူ၏မျက်လုံးများမှ မျက်ရည်များ စီးကျလာ၏။
ဟောင်စီ၏မျက်လုံးများတွင်လည်း မျက်ရည်များရှိနေသည်။ သို့သော် သူကား ပြုံးနေ၏။
“ ကျုပ်ဟောင်စီ... ဘဝမှာ ပြည့်စုံခဲ့ပြီ... ။ ” ဟောင်စီက ကောင်းကင်ထက်မှ နတ်ဘုရားပြစ်ဒဏ်အား ကြည့်ကာ ကြည်လင်ပြတ်သားစွာ ပြောသည်... “ နန်းတော်သခင်ရီ... ကျူဂီကို ကျုပ်အတွက် ဂရုစိုက်ပေးပါ...။ ”
နောက်ဆုံးစကားတွင် သူက ရီဖူရှင်းအား နာမည်တပ်မခေါ်တော့ဘဲ နန်းတော်သခင်ဟု ရည်ညွန်းခဲ့၏။
သူ၏အသံနှင့်အတူ နတ်ဘုရားပြစ်ဒဏ်ကျဆင်းလာသောအခါ စိတ်စွမ်းအားများအားလုံး လောင်ကျွမ်းထားပြီးဖြစ်သော ဟောင်စီကား နောက်ထပ် ခံနိုင်ရည်မရှိတော့ပေ။
နတ်ဘုရားပြစ်ဒဏ်ကျဆင်းလာသောအခါ မြေရိုင်းပြည်နယ်၌ ဟောင်စီကား ကွယ်ပျောက်ခဲ့ရ၏။ သူကား အပြုံးမျက်နှာဖြင့်ပင် ထွက်သွားခဲ့သည်။