ဒဏ္ဍာရီထဲက ဖူရှင်း အပိုင်း(အပိုင်း၉၆၀ မှအပိုင်း ၁၁၆၀ထိ)

အပိုင်း (၁၀၀၃): သူတို့ ပြန်တွေ့ကြသောအခါ သူ့ဆံပင်များမှာ အနက်ရောင်မဟုတ်တော့...

ဒဏ္ဍာရီထဲက ဖူရှင်း

စာစဉ်(၆၉)

အပိုင်း (၁၀၀၃): သူတို့ ပြန်တွေ့ကြသောအခါ သူ့ဆံပင်များမှာ အနက်ရောင်မဟုတ်တော့…

ရေကန်ထဲတွင် လှေကလေးများ လှုပ်လီလှုပ်လဲ့ မျောနေကြသည်။ လှေကလေးများပေါ်တွင် မိန်းကလေးများမှာ ကောင်းကင်မှ မီးပန်းများကို ကြည့်နေကြသည်။ သူတို့က ရေကန်ဘေးမှ လူတစ်ယောက်အား မြင်ကြ၏။ သူ၏တဖျတ်ဖျတ်လူးလွင့်နေသော ဆံပင်များမှာ ဆွတ်ဆွတ်ဖြူလာခဲ့သည်။ ထိုယောက်ျားကား သွယ်သောခန္ဓာရှိပြီး အလွန်တရာထူးခြားကာ ကြည့်ကောင်းသော ရုပ်သွင်အား ပိုင်ဆိုင်၏။ သူက ဘာမှ မလုပ်ဘဲ ထိုနေရာတွင် ရပ်နေရင်းကပင် ပတ်ဝန်းကျင်နှင့် တသားတည်းဖြစ်နေသည်ဟု ခံစားကြရ၏။ သို့သော်လည်း ထိုနေရာတွင် ရပ်နေသော သူ့ထံမှ အထီးကျန်သော ခံစားချက်အား သူတို့ရသည်။

“ တော်တော် ကြည့်ကောင်းတဲ့လူပဲ… ” လှေကလေးများပေါ်မှ လူအများအပြားက ကမ်းဘေးတွင် ရှိနေသော ထိုသူအား သတိထားမိကြသည်။ ဆံပင်များ ဖြူဆွတ်လာခြင်းက လှည့်စားခြင်းနည်းစနစ်တစ်ခုများလား…။

“ မင်း ဘာကို ကြည့်နေတာလဲ… ” လှေကလေးထဲမှ လူငယ်တစ်ယောက်သည် မိန်းကလေးများ ကြည့်နေရာသို့ လှမ်း၍ ကြည့်သည်။ သူကလည်း ရီဖူရှင်းအား မြင်၏။ ထိုလူ၏ရုပ်သွင်မှာ ယောက်ျားချင်းပင် အားကျရလောက်ပေသည်။

“ သူက မျက်ရည်ကျပြီးတော့ သူ့ဆံပင်တွေက ရုတ်တရက်ကြီး ဖြူသွားတယ်… အဲဒီ မျက်ရည်တွေက ဘယ်သူ့အတွက်လဲ မသိဘူး။ ” မိန်းကလေးတစ်ယောက်က ပြောသည်။

“ လည့်စားတဲ့ အတတ်တစ်ခုခု ဖြစ်မှာပဲ… ” လူတစ်ယောက်က ပြုံးလျှက်ပြောသည်။ ထို့နောက် ထိုလူက ဝတ်ရုံတစ်ခုအား ထုတ်ယူကာ မိန်းကလေးအား ခြုံပေးပြီး ပြောသည်… “ အပြင်မှာ လေက အေးတယ်… အထဲကို ဝင်ရအောင်… ”

“ အင်း… ” မိန်းကလေးက ခေါင်းညိတ်ကာ လည်ပြန်တစ်ချက် စောင်းကြည့်ပြီးမှ လှေကလေးထဲသို့ ဝင်သွားသည်။

ရီဖူရှင်းအား လှမ်းကြည့်ကြသော လူအများအပြားလည်း ရှိကြပေသည်။ ရဲတင်းဟန်ရသော မိန်းကလေးတစ်ယောက်က ပြုံးလျှက် ထိုလူအား မေးမြန်းသည်… “ ရှင် လှေပေါ်ကို တက်လာမလား… ” သို့သော်လည်း ထိုသူသည် မိန်းမရွယ်၏ဖိတ်ကြားမှုကို မကြားသည့်အလား ရပ်နေခဲ့ရာ မိန်းကလေးက စိတ်ပျက်ဟန်ဖြင့် ထွက်သွားခဲ့သည်။