سفاح العشق

البارت السابع عشر

ثم فرت هاربه الي المرحاض تختبأ به....

بلال وهو ينظر لسالي بخُبث: مش عارف لي حاسس بحاجه مش مظبوطه اليومين دول..

سالي بضحك: ياعم فكك....هو عشان قالت اسمه منغير لقب؟

بلال بنفي:لا مش عشان كده...اصلي كنت بكلم مازن وقالي انه شاف روجيدا وسلم عليها بس قالي انها كانت مع ادم ف استغربت لانها مقالتش حاجه لقيته بيقولي هي كانت تعبانه وهو وداها المستشفي...

سالي بخُبث: تصدق حسيت انا كمان ان في حاجه مش طبيعيه

بلال بضحك ومزاح: ياستي فكك كل ده عشان قالت اسمه منغير القاب

سالي بخفه: اي العسل اللي نزل عليك ده

بلال بفخر: انا طول عمري عسل....يلا روحي اللبسي وانا هنزل أأكد علي البدله والحاجات دي

روجيدا وهي تدخل الغرفه: لا يحبيبي استني انت هتوصلني

بلال بمشاكسه: لي متخلي ادم يوصلك زي ما وصلك المستشفي

نظرت إليه بأرتباك ملحوظ ثم تحدثت قائلة بصدق: والله لو كنت حكتلكو كنتو ممكن تفهمو الموضوع غلط...انا كنت تعبانه ومش قادره ار...آآ

قاطعها بلال بجديه حنونه قائلا: حبيبتي انا واثق فيكي بس بهزر معاكي...ثم امسك اذنها يقرصها قائلا: بس مافيش ركوب مع حد تاني ياحلوه..

ضحكت روجيدا ثم تأوهت بخفه: انا بتاعت الكلام ده برضو...سيب ودني بقي عشان اروح اللبس الكوتش...

ثم اكملت قائلة بتذكر....اه صح انت عرفت منين

سالي بضحك: استاذ مازن المخبر

ضحكت روجيدا ثم خرجت من الغرفه وصبحت علي والديها ثم نزلت بصُحبه بلال...

صعدت السيارة من الأمام بجانب بلال وانطلقا نحو الشركة دون ان ينتبها لتلك العيون التي كانت تراقبهم 
______________________________
داخل سياره بلال...

كان هاتف بلال يرن ...اخذته روجيدا من علي التابلوه ثم تحدثت وهي تنظر الي بلال : دي سلمي

بلال وهو ينظر الي الطريق: طيب كنسلي دلوقتي عشان سايق..

ابتسمت روجيدا ثم ضغطت علي زر الاجابه قائلا بإرياحيه: اهلا ياعروسه

سلمي بابتسامه: قلب العروسه وحشتيني

روجيدا بمزاح: اه مهو واضح تليفوني مش مخلص رن منك اهو

سلمي بضحك: يلا يابكاشه...اومال جوزي فين لو سمحتي

روجيدا: لسه مبقاش جوزك....خطيبك بيسوق ياستي

سلمي بضحك: ماشي يحبيبتي ....عاوزه حاجه

روجيدا بمحبه: لا يقلبي...سلام

عندما اغلقت الهاتف انفجر بلال ضاحكآ قائلا: خلصتي للبت الرصيد

روجيدا بغضب مصطتنع: تقصد اني رغايه صح؟