اميرة البلد ( العروس المناسبة )

الخاتمه الاخيره ♥

عائشه بهدوء : ممكن تكون متوتره و كده انا نازله تحت روحي نادي ادهم هو اللي يعرف يتصرف معاها بما انها مش قابله الكلام مننا و لانها اتاخرت عليه

منار بتفكير و وجدت ان ادهم هو الوحيد التي يستطيع ان يعلم ما بها او بمعني اصح من يردها الي عقلها التي فقدته علي الاغلب : مش عارفه هو ده الحل الوحيد اكيد هو في القاعه او قاعد في الرسيبشن بتاع الفندق مستني اننا نناديه

عائشه بموافقه : تمام و انا هنزل اقولهم ان لسه مخلصتش

نزلت منار مُسرعه و حاولت الا تلفت انتباه احد و نادت ادهم و كان يقف مع مجموعه من اصدقائه و حينما انتبه لها ظن ان اسراء انتهت من التجهيزات

ادهم بابتسامة صادقه يرسمها و مرح : ايه يا منار كل ده انتم بتخترعوا في وشها انا عارفها من زمان مش لازم تفتوا و ترسموها خلصونا بقا

منار بصوت منخفض : تعالي معايا يا ادهم ثواني

خرج ادهم خلفها و هو مستغرب حتي خرجوا من القاعه و كانوا بمفردهم يُعتبر

ادهم باستغراب : في ايه منار هي اسراء خلصت وله لسه ما تنطقي

منار بتوتر : معرفش يا ادهم دي اتجننت و اتخانقت مع البت

ادهم باستغراب شديد : بت مين .. ما تقولي كلمه مفيده هلقط منك الكلام انا

منار بتفسير و صوت منخفض : الميكب ارتست و قالت ان الميكب مش عاجبها دي غسلت وشها تاني و طردتها يعتبر من الاوضه و مش طايقه كلمه من حد

ادهم و هي يسب و يلعن بداخله تلك المتمرده و كانها تتعمد ان تفسد فرحته : يا نهارها اسود و هي بتعمل كدا ليه ... يعني مكنتوا خلتوها تدهن ليها اي حاجه تانيه لو مش عاجبها

منار باستغراب من كلامته العجيبه و مصطلحاته : تدهن ؟!! مش هعلق علي كلامك دلوقتي بس هي لوحدها في الاوضه اطلع اتكلم معاها و اقنعها و انا هحاول اعتذر للبنت انها تدخلها تاني

ادهم بغضب شديد : ده اختك دي يومها اسود معايا ده انا هخرشم وشها مش هخلي النيله بتاعتك دي تعرف تحطلها حاجه في وشها لانها مش هتلاقي ملامح

ثم ترك منار و هو يتوعد لها و كانه يستطيع ان يُقسي علي من امتلكت قلبه و عقله و جننته

دخل الغرفه و وجدها جالسه علي احد الكراسي الموجوده في الغرفه و كانت تجفف وجهها

ادهم بسخريه و غضب فقد سئم من تلك التصرفات خصوصا في يوم كهذا : جرا يا ست المجنونه انتِ اتهبلتي وله ايه انا عايز افهم والله ناويه نتخانق شكلك ناويه ...

قاطعته اسراء بغضب : ادهم متنرفزنيش انا علي اخري و مش طايقه كلمه من حد

ادهم و هو اصبح لا يفهم حالتها المتقلبه و الغريبه و الذي لم يفهمه حتي الان ان زوجته ليست غليظه و ليست لسان حاد فقط بل انها اكثر شخص يهتم بمن حوله و يهتم بالتفاصيل و اقل شي رقيق و بسيط يؤذي مشاعرها
تحدث ادهم بنبره مرتفعه: لا بقولك ايه متعصبنيش علشان متغباش عليكي هو ده وقت تصرفات عيال و بعدين ايه علي اخرك دي ليه نازله تحاربي