الفصل الثاني من #أميرة_البلد
( العروس المناسبة )
بقلم #fatma_taha_sultan
________________
اذكروا الله
_______________
في بيت عائلة محمود
صعدت منار الي غرفة شقيقتها اسراء وجدتها تبكي
كالعادة تخشي ان تظهر دموعها أمامه، أردفت منار قائلة وهي تغلق الباب خلفها
- بتعيطي ليه دلوقتي
أردفت اسراء قائلة بانزعاج شديد
- بعيط علي اختي عرفتي بعيط علي ايه
قالتها منار بانزعاج شديد فهي تخشي أم تكن شقيقتها تفعل ذلك عمدًا حتي تجذب انتباه محمود حتي لو بتلك الطريقة
- علي فكره بقا، العرض اللي كل يوم بتعمليه والعند اللي بيشتغل مع محمود بالذات لفت نظر بطريقة متخلفة فاكره ان كده هيبصلك مثلا ؟!
نظرت لها إسراء بصدمة فهي لا تدري أي معتوهه أصبحت شقيقتها، أردفت اسراء بغضب شديد
- انتِ جبله ليه كده، امته هتكبري، الفت نظر مين يغور في داهيه والفت نظره ليه انا عايزه اطفش من البيت ده النهاردة قبل بكرا، تاكدي ان ده لو اخر راجل في العالم مش هفكر فيه حتي لو علي موتي
اقول ايه غير حسبي الله ونعم الوكيل فيكي وفي ظنونك
________________
في صباح اليوم التالي بالفعل ذهبوا لزيارة لبني زوجة محمود المتوفاه، الجميع ذهب فتلك هي السنة الاولي التي مرت علي وفاتها
بعد أن عادوا الي المنزل كان محمود يجلس في غرفته، دخلت ابتهال وهي تحمل فنجان القهوة التي تصنعه لاجله دائما
وضعت الفنجان علي المنضدة الصغيرة المتواجدة في الغرفة، لتجلس علي الأريكة بجانبه، وأردفت قائلة
- قولت اجي اشوف ايه اخبارك بما ان الكل في اوضته
- عادي قاعد هعمل ايه
تنهدت ابتهال ثم حاولت أن تتحدث معه بحرية بما انهما علي انفراد
- الحي ابقي من الميت يابني ممكن تفتكر اني جاحدة او انها مش فارقه معايا بس هي اتخطفت في عز شبابها وواجعه قلبي برضو، بس انتَ لازم تتجوز وتخلف كمان، اللي قدك عنده عيل واتنين وتلاتة
