الفصل الرابع من اميره البلد
(العروس المناسبة)
__________________________
اذكروا الله
_______
محمود : هو انت عندك بنت اخ غيرها .. علي حد علمي التانيه متوفيه
طلعت بصدمه : تقصد عائشه
حمدان حاول ان يتحدث هو بدلا من اخيه
- اه هي طبعا انتم عارفين بنت خالي لبني الله يرحمها كانت مرات محممود و هي متوفيه من سنة الله يرحمها بقا يعني مخلفتش فمن حق اي راجل انه يتجوز .. واكيد احنا مش هنلاقي
احسن من عائشه انها تدخل عيلتنا
كان محمود لا يبالي بمقدمات اخيه وحديثه الهاديء، يرمق ياسر بنظرات ثاقبة
حمدان بابتسامه : قولت ايه يا طلعت
طلعت كان مصدوم يعلم ان عائشة اذا تزوجت محمود اذا احد قال لها كلمة واحدة، سيحرق محمود العائلة باكملها دون أن يشفق علي اي احد فهو يعلم كل العلم طباع هذا الرجل وما يقلقه هي نظراته لياسر
فحاول ان يتحدث بأي كلمات تجدي نفعا وحاول ان يبتسم ابتسامى خلفها الكثير من التوتر والقلق والخوف
طلعت : طبعا ده شرف لينا يا حضره العمده بس الاول لازم نعرف راي العروسة وطبعا انت عارف ان عائشة
مش بتفكر في الموضوع ده و اتقدم ليها كتير
وهي مكنتش بتوافق ....
- بعد مرور وقت-
حمدان بتوتر : اللي في الخير يقدمه ربنا .. نمشي احنا بقا وهستني منك تليفون .. اسمع فيه رد العروسة
وقف حمدان وصافح طلعت وعلي الرجال جميعها
ومحمود نهض هو الآخر وامسك يد ياسر بقوة
محمود بابتسامه باردة : مش عارف ليه بنسي اسمك
ياسر بتوتر لا يقل عن ابيه : ياسر
محمود ابتسم له ابتسامة مُبهمة وترك يده
____
-بعد ذهاب محمود وحمدان-
في بيت عائشه
نزلت عائشه و اخلاص
وجلسوا معهم
