الفصل الرابع و الثلاثون من اميره البلد "" العروس المناسبه ""
_________________________________________
بقلمي #fatma_taha_sultan
________________________________________
اذكروا الله
_________________________________________
كانت عائشه قاعده منتظره محمود علشان تبلغه بقرارها
جاء محمود من عمله و صعد الي غرفته و لم تغلقها عائشه بالمفتاح مثلما كانت تفعل في الايام السابقه فليس له داعي اذا كان يمتلك مفتاح اخر !
كانت جالسه علي طرف الفراش
محمود : ياتري قررتي ايه
عائشه بتردد : انا مش هرجع معاك يا محمود
اخذت نفس طويل شعرت بتعب و
وجع في بطنها و لكنها تجاهلته
- بمعني اصح مش هرجع معاك ابدا و ياريت انته ترجع بيتك علي الاقل لما اقدر افهمك و استوعبك و اقعد مع نفسي و افكر ..... انا كل حاجه قدامي بقت سودا و اي قرار هقرره دلوقتي مش هينفعني و لا هينفعك و في حاجات كتير انا مفهمتهاش و مقدرش اتاجهلها او حتي اني افهمها دلوقتي
حاول محمود ان يهدا و لا ينفعل فهو يعلم ان معها كل الحق في الانفعال و حاول ان يطول باله باقصي ما يستطيع
- شوفي انتي عايزه تفهمي ايه يا عائشه و انا هفهمهولك ده اللي اقدر اقولهولك دلوقتي .. لكن متنتظريش اني هسيبك لوحدك
غضبت عائشه من تجاهله الدائم لكلامها و قراراتها و كانه لا يتغير رغم انه هو المخطي هذه المره و يجب ان يخضع لطلبها هي تريد ان تبعد عن كل تلك الضغوط التي اصبحت فيها مره واحده و قذفت بها امواج القدر الي هنا فانفجرت به للاسف
-انا مباخدش رايك علي فكره انا ببلغك بقراري و ده شي هيحصل و انا هعمل اللي انا عيزاه و بس من النهارده ... هو ايه محصلش حاجه علشان عايزني اروح معاك البيت و كان مفيش اي حاجه حصلت اروح من بعد لما عرفت اني زوجه تانيه مثلا لواحد مراته الاولي لسه حيه ترزق علي وجه الدنيا و له اروح بانهي وش ياتري ؟! مش لاقيه بصراحه تفسير اروح علشانه .. تخيل اتفاجي ان جوزي مراته الاولي عايشه !!
ثم تنفست نفس طويل لتهدا من انفعالها
- مراته الاولي اللي سبحان الله كانت عايشه معاه لمده تلت سنين و نصف تقريبا من غير ما يلمسها و بيقنعني انه كان خايف علي صحتها
و اللي انا اتفاجي بكل ده و ان جوزي مهتم و كان بيروحلها شقتها في القاهرة و انا علي ذمته و بيقولي انه عند واحد صاحبه ... وله مراته اللي خايف عليها و كان بيوديلها حاجاتها بنفسه ... وله مراته اللي كاتبلها و عاملها شهاده وفاه مزوره تحبسه في دقيقه ... المفروض اني بعد كل ده ابطل جنان و اروح مع جوزي حبيي و قلبي و ازعل منه يومين و هسامحه في اليوم الثالث ليه علشان انا بحبه المفروض ان الغلطه ديه و لا تهمني لانها حاجه عاديه جدا جدا انه يخبي عليا حاجه من قبل ما اكون في حياته .. فلازم مبقاش ست مفتريه و ارجع و احافظ علي حياتي و علي عيلتي الجديده قد ايه بقا انا بعمل مشكله انته لسه مش واخذ بالك ان المشكله موجوده استهوانك باللي عملته بيخليني بحد اتشل منك
