الفصل الثاني و العشرون من اميره البلد "" العروس المناسبه ""
_________________________________________
اذكروا الله
_________________________________________
غامض انت يا عزيزي
كل يوم بحال و مع ذالك احببتك
نعم احببتك و ما المشكله فانا اعترف لنفسي بذالك
و لكن لن اتحمل يوما ان اعلم اني كنت لعبه في يدك
اخاف منك كثيرا و لا اعلم لما كلما اقترب منك تبتعد
و اذا لم تبتعد عني يحدث اشياء تجلعني اشعر بالرهبه
هل اصبحت وسيله لتحقيق حلمك ؟!!
علي ما يبدو لن تكتمل فرحتنا ...او هكذا يصور لي شيطاني
_________________________________________
نسرين بدموع لم تستطع اخفائها رغم انها تحاول رسم الجمود علي ملامحها : انا جايه اشوفك علشان محمود قالي اني اجي اشوفك لكن انا بلعن اليوم اللي خلفتك فيه و لا حتي بشتاق اشوفك
اسامحك ازاي و بانهي وش
و انا بشوف و بفتكر كل يوم انا غلطت في ايه ؟!!
انا عملت ايه في حياتي !؟؟
ابوكي غلط في تربيتك في ايه قوليلي فهميني
وله انا قصرت في ايه معاكي
طول عمرنا انتي اكتر واحده احنا بنهتم بيهاا
اقول ايه مبقتش الاقي كلام الكلام مبقاش يفيد
عمري ما كنت اتخيل ان في حاجه في الدنيا هتكسرني زي ما بنتي كسرتني و قصرت رقبتي
لبني بوجع : علشان مرضي دايما كنت بحس بنقص
عن الكل ...
نسرين مقاطعه لها و بانفعال شديد : متحاوليش تبرري موقفك و انك حاسه بنقص و الكلام ده لانه مش هيعمل معايا حاجه و لانه مش هيفيد بحاجه
انتي غلطتي و خلاص و الموضوع مش هيتغير و لا هسامحك بالطريقه ديه
و لا عمري ما هسامحك لغايت ما اموووت هفضل غضبانه عليكي
لبني ببكاء شديد : اشمعنا موافقتيش ان محمود يقتلني كنتي سبتيه يقتلني و مدافعتيش عني علي الاقل مكنتش هشوف منك القسوه ديه
نفسي احس بايدك تاني و هي علي شعري و بتدعيلي
نفسي احس انك يتواسيني ساعات كتيره كنت بتمني اني اتعب يمكن تحسي و تيجي تشوفيني و تطبطي عليا و تقوليلي انك معايا مهما غلطت
ارجوكي ارحميني و لو لمره واحده
نسرين بجمود : يمكن ده اكبر عقاب ليكي
انك تعيشي و انتي ميته في نظري
لبني ببكاء يتعبها حقا و الندم مسيطر عليها
