منار: اسكتي اسكتي برك
امين كان قدام الكار سمع صوت بانلو مالوف بصح شكون ماعرفش زاد طلع هو للكار وغير شاف ماريا تفاجأ وتغشش كي لقاها برا .. وهي تشوف مع امين
ماريا: صار جدارمي ياخي نهار اكحل عليا
معاذ: نهبط نلقاك ورايا هيا بلا تبهديل فاهمتني
منار غير تشوف بعينيها باسكو تعرفو كي يتغشش .. هبط معاذ وناضت منار لحقاتو اما ماريا تسمرت في بلاصتها
امين: تبعيها تشوفي
ماريا دارتلو بيدها انا
امين: اللي وراك
ماريا دارت لقات طفل وراها قاتلو : انت واش درت لا رح يديوك
الطفل: راه معاك او جا ليك
ماريا ما حست غير بيدها اللي قريب طارت هزت صاكها وهبطت تتكركر
مشات الكار هاذيك والناس يقولو وش دارو وكل واحد وش يهدر
معاذ: تبعيني بلا صوت
وهي مشات معاه ساكتة حتى وصلو قدام الطوموبيل تاع الجدارمية
معاذ: توقفي هنا كي نكمل خدمة نروحو كيف كيف ونتفاهمو على الخرجة هاذي
منار: لاه وش بيها الخرجة والو
معاذ سمطها مارجعلهاش وبقى واقف قريب منها ويشوف مع اللي يفوتو بقاو ربع ساعة وهوما واقفين
منار: عييت حابة نروح
معاذ: ماتتحركيش من ثم
منار: عياو رجليا من الوقوف
معاذ: كون جيتي دوري من حانوت لحانوت ماتعيايش لبغات ساعتين حكمي بلاصتك كيفك كي صاحبتك
منار: ايييه صح خليتها في الكار روحك ضك تقول لماما ااا ليوم نهاري خليني نروح .. وجات ماشية
معاذ: ارجعي وهاذيك غير تفك حريرتها برك
منار سكتت مبعد نطقت قاتلو
منار: حلم حياتي نركب في هاذي الطوموبيل تاعكم
معاذ شاف معاها : وش رايك نحققلك الحلم ونركبك في هاذي
منار شافت وين نعتلها لقاتها تاع لمحابيس
منار: اواه هاذي ما نركبهاش ماعندي علاه
معاذ: وبلاك
تبسم كي شاف امين اللي جاي عندو
معاذ: فريتها ؟
امين: ايه ومبعد نحكيو
معاذ: احكم بلاصتي ونوصلها ونجي
امين: اوكي
معاذ: امشي معايا
حبس الطوموبيل وقالها اطلعي وطلع هو وصلها قدام بيتزيريا
YOU ARE READING
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
