معاذ ومنار °° باللهجة الجزائرية °°

^°•°^ الحلقة 14 ^•°•^

ريمة: ايه نعرفو وعلابالي كون نقبل تخلى عليا بصح اذا ماقبلتش معاذ يقولي طيحتيلي كلمتي وش ندير انا ضك

منار: والخطاب هذا تعرفيه

ريمة: جامي شفتو من جيهة معاذ

منار: معاذ قالك لازم تقبلي

ريمة: لالا هو حنين يبانلك برك عصبي هو احن واحد شفتو ماشي كيما شي ناس

منار: راكي تشريلي على ياسين ؟ هو ثاني حنين ونتي راكي معاه في عام وتعرفيه ونتي ثاني ڨعرتيها كيفاه هي مفراتش معاه ورايحة تقبلي بلي جاي يخطب بلا ما يكون علابالو

ريمة: خوك وتعرفيه وحتى انا كون جيتي مع معاذ نقولك نفس الكلام

منار: بعيد الشر لا نكوم انت مع هذاك ديجا وش جاب لجاب ( قريب الشر بب 😏✌)

ريمة: نخاف ياسين يديرلي تبهديل نهار الشوفة كيفاه ندير قالي غدوة تبطلي وانا السيد ما نعرفو ما حكيت معاه ما والو

منار: نتي تحبي ياسين ولا لالا

ريمة: ايه نحبو بصح خاني وزاد ضربني من فوق

منار: او عاد مايشوفش قداموا وانتي ثاني كي مادفنكش حية راكي مليحة بصح يحبك صح يا الفارة شكون قال ياسين مع ريمة 😂😂😂

ريمة: انا نندب وانتي اضحكي 😒

منار: اححم نولي للصح شوفي نتي خلس للامور تمشي عادي ونهار الشوفة قولهم ماعجبنيش ومانيش قابلة هكذا خير ياخي قلتي معاذ ماهوش مسيفو عليك اذا قالك عجبك وقبلتي صحا اذا معجبكش وما قبلتيش نورمال  كلشي بالمكتوب

ريمة: ايه قالي هكذا مي المشكل في ياسين قالي غدوة تبطلي وهاذ السيد جاي بالجمعة هو وامو واختو بففف علابالي ما تتحلش

منار: ياسين خلي انا نتفاهم معاه خويا ونعرفو اذا ديت كاش ضربة بسبتك معليش مبعد تخلصيها

ريمة: اييييه ياسين يخلي واحد خلاف يشوفني منظنش والله يبهدل بيا علابالي

منار: محسوب انتي متخرجيش برا وما يشوفكش

ريمة: نخرج بصح هذا جاي للدار يخبط يعني نمشط ندير ماكياج باه يشوفني اواه ماتفراش علابالي وش داني رايي الكلب وين وصلني 😭😭

منار: نشف ريڨي معاك وما وصلت لوالو لي نقولك عليها تغلقيها في وجهي مافهمتش كيفاش حبك ياسين حابسة يا بنتي انا نروح نشرب ونجي

ريمة: علاه مشي حق عليك تقولي هكذا * ورجعت غطات راسها

معاذ رجع من السهرة كانت 11:30 تاع الليل دخل لقى الضو طافي في كل بلاصة غير بيت ريمة الضو شاعل عرفهن مزالو ساهرين .. تكى على الفوتاي لي في الصالون حتى شاف باب بيتها تحل وخرجت منار هازة تيليفونها تضوي بيه بقى يتبع فيها بعينيه حتى دخلت للكوزينة وما نتابهتلوش هي كانت لابسة بيجامة واصلة للركبة ناض تبعها للكوزينة .. هي هزت كاس وقرعة مديتهم معاها للبيا والتيليفون في يدها تضوي بيه شعل عليها الضو تخطفت شافت

منار: اففف خلعتني كي تمشي دير الصوت

معاذ: وانتي لاه داخلة للظلمة

منار: منحبش نشعل الضو

معاذ: علاه خايفة تخلصي بزاف

منار شنفت عليه وجات خارجة

معاذ سبقها: شفتي الجاست لي درتيه نكرهو وكون جيتي وحدة خلاف راني لصقتك في الحيط

منار: ااا سعدي بيك فحل مسني قالك يلصقني في الحيط

معاذ خزر فيها مبعد قالها : سخنيلي نتعشا

منار: سخنك وحدك ايه هذا ما بقالي *وجات ماشية*

حكمها من يدها شافت معاه

منار: ااو مانسخنش اطلقني

معاذ: اللبسة لي جيتي بيها موالفة تخرجي بيها

منار: واش دخلك ثاني في اللبسة

معاذ: قتلك جاوبي

منار: ايه انا هكذاك نلبس

معاذ: ماتزيديش تلبسيها مفهمتش كيفاه ياسين خلاك تخرجي هكذا معاه وانتي بهاذيك اللبسة

منار: بابا وخويا خلاوني انت واش تكون باه تمنعني

معاذ: امم كون جيتي مرتي نكسرلك رجليك كون تخرجي هكذاك

منار: هيه مالا مرتك اتحكم فيها انا في احلامك تمشي عليا كلامك راك ولد عمتي وبس عندي بابا وخويا يحكمو فيا وضك خليني نفوت

معاذ: لسانك هذا لازم يتقص

منار: وش دخلك فيا ماحطيتكش صامط هكذا

معاذ شاف معاها من الفوق للتحت : مالا نتي لي حلوة

منار: باينة ناس كامل يقولوهالي

معاذ: هيا طيري من قدامي سينون نعوقك *وطلقلها يدها* هي مشات وهو كمل هدرتو : غدوة ردي بالك نشوفك لابسة هكذا فهمتي

منلر بعدت عليه: اني في دار عمتي ماشي في دارك

غير خزر فيها عطات الريح لرجليها تجري للبيت وماشي شايفة وراها دخلت تنهج وغلقت الباب

ريمة ناضت مخلوعة من الدخلة لي دخلتها منار

ريمة: وشبيك علاه جيتي تجري شكون وراك مناش خفتي

منار قعدت على فراشها : كيفك كي خوك

ريمة: واش قلتي ماسمعتكش

منار: والو *وشربت الماء* كملي رقادك غدوة ونحكيو عييت تصبحي بخير *ورقدت*

STOOOOOOOOOOOOP

هاي صباحو نيو بارت

اسفة محطيتش البارح كنت مشغولة شوي اليوم ان شاء الله لا قدرت نحطلكم زوج اخرين

رايكم + فوت + كومنت ❤

حبكوووووم 😍❤

بارت ليوم ماشي طويل بزاف للاسف فيه غير 703 كلمة ❤