دخلت منار راحت طول لبيت ريمة
منار: ريمة كون نقولك شكون شفت كي عدت جاية عندكم
ريمة: قولي مانيش قادرة نخمم
منار: وليد
هي ذكرت اشمو والباب تحل شافو في زوج معاه لقاوه معاذ دخل
معاذ: اهييه وين تعرفيه
منار: انااا ككان يقرا معايا
معاذ: كيفاش يقرا معاك وهو كبير عليك
منار: واشبيك جاي تستجوب فيا انت خلعتني من الدخلة تاعك وزيد هو راه ولد عم راجل ختي
معاذ: العبي راكي طيحي في يدي *وخرج*
منار تنفست : اففف خلعني
ريمة: واش صرا ما فهمت والو
منار: كي هدر معايا وليد معاذ شافني معاه
ريمة: ااا وش قالك وليد
منار تبسمت : حابنا نوليو مع بعض
ريمة: معاذ سمع وش هدرتو ؟
منار: لالا غير شفتو نفذت بجلدي
ريمة: هكذا خير كون سمع وش هدرتو كون ليوم نهارك
منار: لاه وش دخلو
ريمة: مايحبش هاذ لحوايج ومن هاذي انا خايفة كون يسمع يقتلني نورمال
منار: ماتخافيش مايصرا والو
~•~•~•~•~•~•~•~•~•~
ياسين بدل حوايجو خرج ركب طوموبيلتو دار شوي مبعد جبد تيليفونو كتب ميساج بعثو وديمارا الطوموبيل ودا قرار بلي لازم اليوم يحط النقاط على الحروف ويبدا ينفذ كلش واش حاط في بالو
ريمة كانت في بيتها هي ومنار حتان وصلها ميساج فتحاتو وندمت لي فتحاتو كان من عند ياسين بقات تشوف معاه معقول ياسين اللي تحبو راح يأذيها هو لي بكات على جالو يهدد فيها مستحيل يكون نفس الشخص اللي حباتو
شافتها منار كيفاش تشوف مع التيليفون
منار: مرووم وين تايهة .. اني معاك كوكو 👋 كي ماردتش عليها قربت منها وشافت واش راهي تشوف في ميساج قراتو
" خلاصت المهلة اللي عطيتك راني جاي "
ريمة: او جاي ومعاذ معاذ راه هنا كيفاه ندير كيفاه نواجهو 😭😭😭
منار: ماتتقلقيش نلقاو حل
ريمة: واش من حل اذا مامتش على يديه يقتلني معاذ قوليلي وش درتلو باه يديرلي هكذا 😭😭😭
منار ما لقات ما تقول بعد واش هدرت معاه رح يدير واش في راسو خرجت منار من البيت راح للباب برا لقلتو وصل
منار: ياسين العن الشيطان وروح الطفلة راهي في حالة يكفي الرعب اللي وكلتهولها
ياسين: مانروحش انا حذرتها وهي عفست على كلامي
YOU ARE READING
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
