صفية: ايه لبارح جا عندنا للدار وقالي قوليلها نجي نهدر مع باباك ونخطبك منو وقالك علاه بدلتي نيميروك راني ديما نعيط ونلقاه مغلوق
منار: 😨😨😨😨 بصح قالولي خطب
صفية: ايه سقسيتو انا قالي معجبتنيش وحاسبة روحها ماشي زينة اصلا منار خير منها
منار: هههههه قولو قاتلك وين كنت يا السبع في وقت الصيادة
صفية: واشبيك منار يخي تحبيه عادي هو غلط واستعرف بغلطتو وحاب يخطبك مكانش لي ما يغلطش
منار: واش انا لعبة في عندو كي يحب نحبسو وكي يحب هو نوليو كي شغل ما صرا والو هو هذيك عجباتو خدمة كي عادت تخدم فارماسي اما منار قاعدة في الدار ومانخدمش .. كان يقولي منحبش لبنات لي يمشيو على المادة وفي الحقيقة هو اكبر مادي عرفتو في حياتي يهدر في البنات لي يحبو الماتريال والدراهم وفي الحقيقة هوما لي يموتو على الدراهم يجريو ورا المرفهة
صفية: منار المعنى
منار: معناها قولو غير ما يخممش يقرب من جيهتي وقولو منار لي كانت معمية بح وقولو لابيس كسرتها كيما كسر هو قلبي وكون يشوفني برا يدير روحو مايعرفنيش
صفية: درتي واحد خلاف ؟
منار: لا مدرتش ومنديرش ومحال نزيد نقرب من جنس ادم
صفية: منار خممي مليح وماتزربيش روحك راكي عشرة معاه
منار: انا نخمم وهو علاش ماخممش وراح يخطب اااه .. ما خممش قيا مقالش كي تسمع بلي خطبت وش راح تحس مقالش عندي عام معاها منخليهاش لا هو رمى كلش ورا ظهرو ومشى انا ثاني مالا ندير كيفو ونقلب الصفحة حياتي ماتوقفش عندو
صفية: الصراحة يا ختي ماتوقعتش الرد تاعك هكذا
منار: واش توقعتي نوض نشطح ونزغرت وااي واخيرا مسيو وليد جاي يخطبني ورضا عليا وظهر يحبني هاذيك كانت بكري
صفية: هاذي حياتك وكمليها مع الراجل لي يقدرك ويعرف قيمتك
منار: هاكي قلتيها بفمك يعرف قيمتي
ماشي اول وحدة تظهر في حياتي يخليني ويروح وراها ... واذا انتي خايفة من جيهة راجلك ورح يصراولك مشاكل بسبتي هذيك حاجة خلاف
صفية: لا مايصراو حتى مشاكل انا وصلتلك الميساج تاعو ونتي دبري راسك هاذي حياتك يا لحبيبة وكمليها مع لي تحبي * وحضنتها* ربي يعوضك بسيد سيدو لي يعرف قيمتك ويفرحك
منار: ان شاء الله .. هيا نرجعو للصالون ضك ماما تبدا تعيط
صفية: ايه هيا *وخرجو من البيت*
رجعو للصالون قعدو شوي وناضت منار توجد الطابلة باش يتغداو وراحت قالت لأمها كلش راه واجد وراحو يتغداو
****** نرجعو لمعاذ ******
وصلت الوحدة عيط معاذ لامين جاه خرج ليه لقى امين واقف حذا طوموبيلتو
YOU ARE READING
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
