منار: تعرف بلي معاذ صعيب يخي
ياسين شاف معاها وهي كملت هدرتها
منار: ونفرضو بلي دارت وش في راسها وقبلت وانت رحت ضربتها ولا درتلها حاجة ولا فضحتها بلي كانت معاك وتحبك وش رح تكون ردت فعلو ياسين خمم شوي كون يصرا وش راه يدور في راسك ضك راح توكلها الضرب ومش بعيد رح تكون السبة في موتها معاذ راه كي يتغشش مايشوفش قدامو وهي تعرف وراهي تخاف منو مليار بصح هكذاك هي مشات معاك وما خممتش في العواقب خمم شوي فيها
ياسين راح قعد في بلاصتو ويخمم في كلامها ما نطق حتى كلمة .. تبسمت منار واخيرا كلامها اثر فيه راحت قعدت حذاه
منار: ياسين اذا صح تحبها ومش حابهم يديوها من يدك روح اهدر مع معاذ ما تخليش واحد خلاف يديها انت كون سند ليها وماتخليهاش هش تواجه خوها وحدها ماتستناهاش حتان هي توقف في وجهو وتقولو بطلت والسبة مكانش وتولي هي طيحت كلمتو مع الناس روح انت اهدر معاه وقولو غير نوجد روحي نخطبها واذا على ماما انا نهدر معاها .. هي قالت هكذا وامها دخلت
فوزية: وشبيكم من قبيل ونتوم تتغانو على واش
ياسين: والو كنا نحكيو برك
فوزية: وانتي وش كنتي رح تقوليلي انا امك ماتحسبنيش راقدة على وذنيا والتڨليبة لي تڨلبتها لبارح راني فاهمتها لماه
ياسين: اااا ** مكانش حاسبها فهمت يعني هو بانت عليه لبارح لدرجة كامل عارفين**
منار تبسمت تفهمها وهي طايرة
فوزية: احكيلي وش حاب وانا معاك
منار قربت منو: اضرب لحديد وهو سخون واذا حشمت انا نقولها ( الوجه الصحيح 😏😒)
ياسين: مكاين والو ماما وقولي لبنتك تخرج عليا هيا
منار: صار هكذا انت الخاسر *وناضت خارجة*
ياسين: اللبسة هاذي غير بدليها
منار خزرت فيه وخرجت
اما فوزية شافت معاه : هيا احكيلي واشبيك
ياسين: والو
فوزية: حاب ريمة
ياسين مارجعلهاش
فوزية: اذا كاين مكتوب راهي ليك واحد مايديهالك بصح كيما يقولو المكتوب ولي يهاودو ( هاذي مفهمتهاش فهموهالي بالييز 😐✌) انت ثاني دير حاجة ماتبقاش ساكت وتستناها هي تقولهم هي الطفلة عاقلة وانا يا وليدي ماعندي حتى اعتراض وكي تحب انا نهدر مع باباك
وناضت وخلاتو مبهوت او باينة عليه للدرجة هاذا
منار راحت لبيتها بدلت حوايجها جات عندها امها غلقت الباب
فوزية: هيا احكيلي وش كاين وش صرا وفهميني فل الحكاية
منار: واشمن حكاية
DU LÄSER
معاذ ومنار °° باللهجة الجزائرية °°
Övernaturligtكرونيك جديدة باللهجة الجزائرية الابطال : منار ومعاذ
