~~~~~~ عند ريمة ~~~~~~
ناضت بكري توجد كملت الشغل وزعت القاطو الحاصول عاونت يماها مخلاتهاش وحدها بعدها دوشت راحت عند معاذ لي كان يتفرج باش يديها للحفافة
ريمة: هيا توصلني للحفافة
معاذ: وبلاك تروحي وحدك راني عيان
ريمة: ااا * وبقات تشوف معاه*
معاذ: خلاص ماتخننيش عليا هيا
وناض هز مفتاحو ومشى
رشيدة: اسمعي ماتخليهاش تطليلك وجهك والمشطة ديريها سامبل
ريمة: ايه وباستها وخرجت
ركبت حذا معاذ هو ديمارا وهي جبدت تيليفونها عيطت لمنار ماهزتش
ريمة: اففف منعرف وين حاطة تيليفونها هاذي
معاذ: شكون
ريمة: منار
معاذ: هي ديمة هكذا
ريمة: واش قتلي
معاذ: وصلنا اهبطي غير تخلصي عيطيلي
ريمة: اوكي *وهبطت*
~~~~~~ عند ماريا ~~~~~~
ماريا ناضت كارهة ماهيش قابلة هاذ الخطبة خلاص .. جات عندها امها
الام: هذا وين نضتي صحا النوم
ماريا: مممم
الام: نوضي نوضي
ماريا: اني نايضة
راحت غسلت وجها وراحت للكوزينة لقاتهم مجمعين
الاب: ارواحي تفطري
ماريا: شبعانة * وجات رايحة لبيتها*
الاب: اسمعي هدرتي مانعاودهاش
ماريا: ايه
ورجعت لبيتها وهي كارهة تصرف باباها معاها اللي جابرها تقبل بشخص ماتعرفوش
~~~~~~ عند منار ~~~~~~
منار دارت ماكياج خفيف ولبست روبة فل موڥ طويلة وطلقت شعرها الطويل جات سامپل 😍
الروبة 👇 (بلا تاج 😂)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلت صفية ومعاها ادم : يا عمري على منورة جيتي تهبلي ليوم نجيبولك عريس من عندهم ونجيو
أنت تقرأ
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
