معاذ ومنار °° باللهجة الجزائرية °°

💪 الحلقة 24 💪

معاذ وصل ريمة للدار هي دخلت وهو عيط لمنار ماهزتش عليه

معاذ: ر**** هاذي كون ماتكفرنيش ماتحلالهاش هزي يهزوك منعرف وين هزي .. زاد عيط شحال من مرة ماهزتش .. معليش تفوت الخطبة ونتفاهم مع ر** مليح

ڨارا طوموبيلو جيهة الطريق خاطر عندو في راسو حاجة بعد الخطبة يديرها ودخل للدار

ريمة دخلت للصالون سلمت على عماتها

عمتها1: الله يبارك جيتي تهبلي

عمتها2: وش رايحة تلبسي

ريمة: قفطان شراهولي معاذ

رشيدة: روحي تلبسي باه تكملي في الوقت

ريمة: ايه راهم في الطريق

رشيدة: ايه خفي روحك هيا

عمتها: مراهمش غراب راهم خوالها علاه الشي هذا كامل كون مشطت في الدار ولبست عادي لاه هاذا كامل مكلفين رواحكم اكثر من اللازم

رشيدة: عندي طفلة وحدة وكلش يكون كيما حابة هي واذا كان ولد خويا لي خطبها كلش يكون مصاوب وكلاس

عمتها: 😏😏😏

رشيدة: اسمحولي نبدل ونرجع .. وخرجت تمتم لقات معاذ داخل

معاذ: شبيك

رشيدة: والو خلي برك نوصيك مرة خلاف مرتك مداصرش زويجة هاذوك واذا كانت بنتها كلمتها لي تمشي عليها

معاذ: خير وش كاين ثاني

رشيدة: انا قتلك بعد من وجهي ضك وراحت

معاذ بقى واقف يشوف مع امو عرفهم عماتو قالولها حاجة خاطر مايصدقو بلقاولها سبة  ويبداو يسمعولها لكلام .. كمل دخل قعد معاهم في الصالون

رشيدة دخلت بدلت حوايجها ومشطت شعرها وبعدها راحت شافت ريمة

رشيدة: ااا الله يبارك على بنتي خموس على الزينة تاعي الحمد لله شفت النهار هاذا قبل ما نموت

ريمة: بعيد الشر عليك يا ماما ربي يديمك فوق راسي *وحضنتها*

رشيدة: كي يجيو شوي واخرجي وراني نبعث منار عندك

ريمة: منار ماهيش جاية قاتلي مريضة

رشيدة: ااا وباه مريضة

ريمة: مقالتش

رشيدة: المهم متخافيش راهم دار خالك وموالفة بيهم ومرت خالك تحبك وما تتقلقيش اوكي

ريمة: اوكي اااا راهم وصلوا يا ماما صون الكلاكسون

رشيدة: انا نروح نستقبلهم ومتخافيش اني نجي عندك وديلهم القهوة اوكي

ريمة متوترة : ايه ماما

خرجت رشيدة ومعاذ فتحولهم الباب ورحبوا بيهم