معاذ ومنار °° باللهجة الجزائرية °°

~•~ الحلقة 09 •~•

رجع معاذ للدار لقى امو قاعدة وباينة زعفانة

معاذ: وشبيها لميمة

رشيدة: والو

معاذ: مي قلتي والو سما كاينة حاجة قولي ريمة غششاتك ؟

رشيدة: ماشي ريمة انت لي غششتني

معاذ: انا 😮 لاه وش درتلك

رشيدة: راك غميتني اذا معلابالكش

معاذ: لاه وش درت انا حتان نغمك

رشيدة: ولد عمتك قل منك وراه قريب يتزوج وانت كل ما نقولك تتهرب ومتحبش انا حابة نشوف ولادك قبل ما نموت علاه هكذا يا وليدي

معاذ: اا رجعنا للزواج مزال الحال يا يما وزيد الخدمة مزالت

رشيدة: الخدمة راك هنا قريب كي كنت بعيد كنت تقولي راني خدام بعيد كنت نقول عندو الحق بصح ضك راك هنا قدام عينيا وقدام عينيك

معاذ: ماقلتيليش شكون ولد عمتي لي راح يخطب

رشيدة: ايمن وحاب يخطب بنت خالك الصغيرة

معاذ كان متكي راسو عل فوتاي ويهدر معاها غير قاتلو بنت خالك سڨم قعدتو : شكون بنت خالي ؟

رشيدة: بقات وحدة بلا زواج لخالك وهي منار

معاذ: منااار تبان صغيرة

رشيدة: عندها 24سنة ونا قلت لعمتك بلي خويا مايمدش بناتو صغار يقولك حتى تكبر باه تقدر على المسؤولية بصح هي لاصقة فيها قاتلي لا بغات غير هدرة برك والعام الجاي يخطبها رسمي

معاذ: ااا هيه بالبراكة عليهم

رشيدة: دمك بارد قل منك ويحوس يكون عايلة وانت هنا تتلككلي كلما نهدر على الزواج

معاذ: بصح واش عجبهم فيها حتان رح تخطبها عمتي لبنها

رشيدة: انا كون جيت علابالي بخويا مايمدش كون راني خطبتهالك وش يخصها الطفلة زينة ومتربية وفحلة واي وحدة تتمناها كنتها

معاذ: وانتي يما تتمنايها كنة ؟ ( احححم اشم رائحة غريبة 😂😂)

رشيدة: انت مخليتني نتمناها لا هي لا غيرها كل ما نهدر معاك ترجعها في وجهي

معاذ: ماتتقلقيش يا يما كلشي بالمكتوب نهار يكتب ربي نتزوج راني نتزوج .. انا نروح نرقد شوي الصباح نضت بكري ايا منبعد *وناض*

رشيدة: هاذا فاه فحل انت

دخل معاذ لبيتو نحى الفاست تاعو وتكى على فراشو غمض عينييه ويخمم

معاذ: سما ضك انا معنديش فرصة نسقسي عليها ونجيب اخبارها كامل واذا ستنيت شوي طير من يديا اففف يعني وش فيها مليح حتان تجبدني انا ليها  ممم زينة وعلى حساب ماقالت يما متربية وفحلة .. اييي بصح ماما وش تعرف عليها ... ايه صح اسرارها كامل عند ريمة .. *حل عينيه وناض من بلاصتو رايح * ... بصح اذا سقسيت ريمة عليها نكشف روحي قدامها .. اوااه كيما ندير منسلكش انا نرقد ضك خير * ورجع رمى روحو على فراشو ورقد*