معاذ يرش ويقولها : ريمة افطني والله ما نديرلك حاجة افتحي عينيك برك اكي تسمعي فيا
جابت منار ريحة حطولها في نيفها والو كانت تسمع وش يهدرو بصح والو ماقدرت جاوب ولا تفتح عينيها
ياسين: هيا نديوها للسبيطار خير
معاذ: ايه *وهزوها*
فتحلو ياسين الباب خرجو وحطوها في الطوموبيل .. ياسين وهو يسوق بأقصى سرعة الطريق رحاها مسكين خايف تكون صراتلها حاجة بسبتو .. وصلو للسبيطار دخلوها للاستعجالات وبقاو يستناو برا
منار ورشيدة بدلو حوايجهم .. رشيدة حجابها كيما جا ومنار لبست لحوايج لي جات فيهم وخرجو حكمو طاكسي وصلهم للسبيطار دخلو لقاو ياسين ومعاذ كل واحد حاكم في جيهة
رشيدة: واش قالك الطبيب واش بيها اختك
معاذ: مزال ماخرجش الطبيب من عندها *وداها قعدت على كرسي* ريحي هنا حتى يجي الطبيب
منار قاعدة حذا ياسين
منار: شفت التهديد تاعك وين وصلها ااه راسك اليابس هاو وصلنا للسبيطار
ياسين: اقفلي فمك خصيتيني غير نتي
منار سكتت شوي .. خرج الطبيب راحو كامل ليه
الطبيب: مابيها والو درنالها شوي اوكسيجين وسيروم فطنت شوي وتقدرو تخرجوها
معاذ: علاه وصلت لهكذا وما فطنتش في الدار
الطبيب: عادي هاذا من الضغط المريضة تعرضت لضفط كبير الشي لي خلاها تفقد وعيها .. انا نروح وكي تكمل السيروم تاعها تقدرو تخرجوها
معاذ: اوكي ميرسي
دخلو كامل طمنو عليها كانت فاتحة عينيها ودايرينلها سيروم هي بقات تشوف معاهم
رشيدة: يابنتي خوفتيني عليك قريب مت من الخلعة
ريمة بصوت تاعب : مابيا والو ماتتقلقيش
معاذ بعد ما شافها بلي فاطنة خرج برا السبيطار ومنار تبعاتو
منار: شفت كون انت قبلت بياسين مايصرالهاش هكذا
معاذ: مابيها والو يامات وتهز صحتها
منار: اممم علاه ماقبلتش بياسين وش يخصو
معاذ شاف معاها : انتي لاه لابسة هكذا
منار: خويا راجل ما رح يخصها والو معاه
معاذ: مانيش قابل بيه انا عندك مشكل
منار: هي لي راح تعيش معاه مش انت وهي قابلة بيه
معاذ خزر معاها : قاتلك هي قابلة بيه
منار تلفتلها وش تقول مهيش حابة تزيد تصعبها على ريمة اكثر : هههي مقالت والو بصح ولد خالها وتعرفو وترتاح معاه اكيد تقبل
VOCÊ ESTÁ LENDO
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
