معاذ ومنار °° باللهجة الجزائرية °°

°•° الحلقة 05 •°•

منار: وش حكايتكم مع التصياد كي نتي كي ماريا واقيل تشوفو فيا بايرة راني 24سنة برك 

ريمة: اسكتي برك وش رايك نشوفلك ولد عمي سمعت بلي حابين يزوجوه 

منار: اووو ديه نتي هذاك .. انا درت كروا روج على الرجال .. لي يجي لبابا نقبل بيه 

ريمة *خبطتها*: 

منار: اححح نندب 

ريمة : هاذي باه تفطني وتشوفي مع روحك شوي يا بنتي مازلتي صغيرة وواحد مايستاهل تهدمي حياتك على جالو هو خطب وشاف حياتو ونتي 

منار: ووواش عاودي ؟؟ خطب ؟ 

ريمة: *حطت يدها على فمها* اواه بصح اكيد رح يخطب 

منار: لا نتي قلتي خطب سما صايي 

ريمة: او مايستاهلكش والله مايستاهلك قولي ؟ 

منار: اااه ايه ربي يهنيه وناضت 

ريمة بقات تشوف معاها تستناها دير اي ردت فعل تبكي تعيط ماشي برود ... *حبستها* ماتبكيش ؟

منار: علاه نبكي  على الاقل هذا خرج راجل مع وحدة وخطبها .. *وخرجت* 

تبعتها ريمة لقاتها في الكوزينة 

منار: توحشتك يا العميتة حضنتها وباستها 

رشيدة: حتى انا توحشتك عندك مدة ماجيتيش 

منار: ليوم نبات هنا مدامك توحشتيني 

رشيدة: ايه اقعدي ماذا بيا 

منار: اكيد نعرف بلي العميتة تحبني .. مواااح وباستها على خدها 

دخلت عمة ريمة شافت منار مع رشيدة وقالتها 

العمة: باينة تحبك 

رشيدة: عندي خويا واحد وبناتو كامل يحبوني وهاذي اكثر وحدة وباستها 

العمة: كيفاه اسمها 

رشيدة: منار 

منار حشمت وحمارو خدودها 

العمة: الله يبارك زينة 

منار: يبارك فيك خالتي 

ريمة قربت من منار: راح ديري لافار بلا ما ندخل انا اصبري حتى تخلاص السهرة 

منار: واش راكي تقولي 

رشيدة: طبطيب فل باب 

ريمة: اسكتي اسكتي وروحي افتحي لباب هاذا باين وليدك 

رشيدة: خوك عندو المفتاح .. وروحي افتحي نتي 

منار: خلي عمتي نروح انا تعرفي هاذي فنيانة ... خبطتها على راسها وراحت 

ريمة: ايي راسي 

العمة: رشيدة قوليلي شحال عمرها عجبتني نخطبها لأيمن