معاذ حط يدو على كتفو : بلعقل برك هيا نمشيو شوي
امين: ايه هيا
وفوتو وقت مع بعض وبعدها كل واحد رجع لدارو
امين دخل لقى يماه تتفرج شافت معاه
امين: راني قابل .. ومشا لبيتو نحى الفاست
دخلت يماه
الام: منك بصح نقول لباباك باش نروحو نشوفوها
امين: ايه قابل وحاب نرقد غدوة نخدم بكري
خرجت يماه راحت لابراهيم خبراتو بلي امين قابل باش يروحو يشوفو الطفلة
ابراهيم: ظهرلي بدا يدير عقلو في راسو .. المهم وجدي روحك الجمعة نروحو ليهم
الام: ايه بصح اذا شاف الطفلة ومعجباتوش ماتسيفهاش عليه ماقبلش ماقبلش عادي
ابراهيم: كي يشوفها يرحمها ربي
وصل اليوم الموعود وهو يوم الجمعة اللي فيه حكاية حب تكمل وتنتهي بالزواج وحكاية اخرى تبدا ....
معاذ من نهار ماهزتش عليه منار في الليل مزادش عيطلها وبطبيعة الحال هي ما عيطت ما سقسات عليه .. اما عصافير الحب ياسين وريمة فكانو يستناو النهار هذا بفارغ الصبر
وماريا دايتها غير تخمام في العريس هذا كيفاش رح يكون اما امين مكانش يخمم اصلا فيها خاطر دا قرارو قبل مايشوفها
( علابالي كنت حاطين منار لي رح يخطبها 😂😂)
منار ناضت جوايه 9 تسمع في هدرة قاوية وصوت بكاء طفل عرفتها بلي صفية جات .. جبدت تيليفونها من تحت المخدة ما لقات حتى آپال
منار: اوو وقيل نساني خلي هكذا خير .. ناضت راحت غسلت ومشطت شعرها لي كان طايح على وجها وخرجت سلمت على ختها وراجلها ورجعت لآدم تبوس وتعاود وتحكم فيه من خدودو
منار: هذا الوحيد لي نتوحشو ونموت عليه
آدم: ونا موت عليك حالتو
منار: كيفاش منوكلش انا ضك مووواااح 😍😍
فوزية: هيا تفطري ما تسرقيش دقايق معاه هيا ازربي يا ربي نوجدو ورا الجموعة نروحو
منار: لاه وين رايحين 😏😏 ودات ادم معاها وراحت للكوزينة
فوزية: انا هاذي الطفلة هي لي تشيبني
صفية: هذا الدلال تاعكم وين وصلها
فوزية: اسكتي نتي وامشي باش نكملو في الوقت ( بووووم 💣😂😂)
صفية: حنا ما عندنا ما نديرو نوجدو رواحنا برك
فوزية: انتوم ما تجيو توجدو رواحكم لغدوة
صفية: نوجدو ماما نوجدو .. وينو ياسين
دخلت عليهم منار وهازة ادم
منار: ايه صح ماما وين راه لعريس
فوزية: راح يجيب لاطارت والفاكية لي نديو في يدينا
صفية: مادينالهاش حوايج كيما اللبسة و ...
فوزية: لا قال ياسين نمدلها دراهم وهي دبر راسها
صفية: اوكي
منار راحت تدوش وجبدت شعرها وراحت تشوف وش تلبس وكيفاش تمشط .. اما صفية وامها كملو شغل الدار وبعدها كل وحدة راحت توجد روحها
STOOOOOOOOOOOP
ثاني نيو بارت لليوم ✌
علابالي قصير ايام سوري 😂✌ المرة الجاية نولي نكتب طويل 😊💪😂
رايكم + فوت + كومنت ❤
YOU ARE READING
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ
