منار طابست عندو : شبيه حبيبي
آدم: نوكل داتو
منار: انا نمدلك ماتبكيش هيا معايا *ودخلت للكوزينة* وقاتلو خير
هو خير مدلتو سكت وراح
جات امها قاتلها خالك وخالتك راحو بقات عمتك برك غدوة تروح ضك يجيب باباك القضيان باش نديرو لعشا
منار: ماما والله نسقسيك علاه تخافي من عمتي
فوزية: تغبري من وجهي ولا ليوم نهارك كي تزوجي وتولي عندك سلفتك كيما عمتك ارواحي رجعيلي لخبر
آدم: خاتو خاتو
منار: ااا واش
آدم: او يصوووووني
مع سمعت راه يصوني راحت تجري لتيليفونها حتى امها بقات تشوف معاها
فوزية: شبيها هاذي ( كون ماما تجري قبلي وتديه وتخلى على راسي 😒)
دخلت منار لبيتها هزت عليه وقفلت الباب
معاذ: cv
منار: cv
معاذ: واش سويتي مزال عندكم ولا روح
منار : 😂😂😂 شبيك
معاذ: جاوبي روحو ولا مزال
منار: مزالو يباتو غدوة يروحو ليوم نروبلوها بسهرة هايلة للصباح
معاذ: سهرة تاع ****
منار: شبيك تكفر عليا نسهرو في الدار كامل انا توحشت عمتي عندي بزاف ما شفتهاش علابالك بعيدة
معاذ: ياو فاقو
منار: فاقو بيك ...
معاذ: كمليها كون ما نكسرلكش فمك
منار: ماكنت رح نقول والو 😂😂😂
معاذ: اممم بصح لحبيبة تاعي جات زوينة ليوم
منار: ااا انا لاه انا حبيبتك
معاذ: اااه ياربي وش ندير انا معاك نخبط راسي في الحيط
منار: لاه تخبط راسك .. حقا عمتك كانت تخزر فيا بوحد الطريقة شككتني في روحي
معاذ: منعرف بلاك عجبتيها
منار: واش
معاذ: هيا اخطيني وش راكي ديري
منار: رح ندير لعشا
معاذ: ايه تعلمي باه تلقاي روحك كي نتزوجو
منار: اذا تزوجنا
معاذ كوبا عليها
منار: شبيه هذا كوبا وحدو
عاودتلو زاد كوبا عليها وبعدها عاودلها
منار: شبيك تكوبي في وجهي
معاذ: ما هدرتلك والو هيا روحي ديري لعشا ايا منبعد باي وزاد كوبا عليها
YOU ARE READING
معاذ ومنار °° باللهجة الجزائرية °°
Paranormalكرونيك جديدة باللهجة الجزائرية الابطال : منار ومعاذ