معاذ ومنار °° باللهجة الجزائرية °°

^••^ الحلقة 12 ^••^

معاذ: وين رايحيين الوقت هذا

منار: حابة نشري حوايج وقلت تروح معايا ريمة تخير

معاذ: ما كفاكمش النهار رايحيين في الليل

ياسين: انا نديهم ونجيبهم

معاذ: خلي عليك باين راك تاعب من الطريق خلي انا نوصلهم

ياسين: لا راني ريحت قبيل مانطولوش وهز مفتاحو وتيليفونو وخرج وهوما وراه

ريمة قربت لمنار: والله راني نمشي خطوة لقدام وخطوة للور في وجهو باين اليوم نهار

منار: اني معاك متخافيش

ريمة: زعما رح تقدري عليه يذبحني ويدفني وانتي فمك ماتحليهش

منار: اسكتي اسكتي

ركبو في الطوموبيل منار حذا خوها وريمة للور وديمارا الطوموبيل بأقصى سرعة ماتشوف غير الغبار

منار حاكمة فل الكوسالة حاكمة في قلبها وتشهد وريمة تتمايل المهم حالتها حالة وهي دوخ

اما ياسين مشافش معاهم ماهوش شايف الرعب لي مركبهولهم

ريمة تشجعت:  بعقلك حاب تقتلنا نقص شوي

ماردش عليها .. كملت كلامها : اذا حاب تموت انا حابة نعيش

ياسين شاف معاها في المرايا : خايفة تموتي يا لعروسة وتبسم نص تبسيمة 😏 مايكون غير خاطرك * وزاد للسرعة

ريمة ماقدرتش راسها بدا يدور الطوموبيل مغلوقين الكاروات : حبس حبس

ياسين: ماجيش بزة تعلمني وش ندير

ريمة بدات تكحكح

منار: ياسين اي داخت حبس

ياسين: سكري ر*** فمك انتي ماتدخليش بقاي بعيدة
كي لقى وجها اصفر كي القارص تخلطت عليها الخوف والخلعة وزيد الدوخة نقص شوي السرعة وحللها الكارو شوي دخل لهواء باه تتنفس ومدلها قرعة ماء : اغسلي وجهك  •• يحبها ووجعو قلبو عليها••

ريمة: حبسلي خير نغسل وجهي هكذا نشمخ حوايجي

ياسين: خايفة تمرضي نهار الخطبة

ريمة: خلاص خلاص قولي واش حاب بلا التمهبيل هذا كامل

ياسين: تمهبيل ضك تشوفي مالا طلع الكاروات ورجع يسوق كيما كان

منار حطت يدها على فمها

حتان وصل بلاصة خالية وحبس ثم .. منار تنفست واخيرا حبس شافت مع البلاصة

منار: هاذي جاردان

ياسين: اقفلي فمك

جات منار تهبط قالها: احكمي بلاصتك تهبطي نكسرلك رجليك  .. وانتي اهبطي فاه تستناي

ريمة تنفست وهبطت لقاتو واقف في البلاضة لي موالفين يتلاقاو فيها كي يجي بارميسيون

ياسين: اعطيني تبرير لواش رح ديري

ريمة تشجعت : انت رحت وخليتني

كملت هدرتها حست خدها مال ( طعع 😨)  حطت يدها على البلاصة لي توجع

ياسين: هاذي خاطر كذبتي انا ماخليتكش

منار بقات تشوف فيهم من الطوموبيل وماهي تسمع والو حتى تشوف ياسين ضرب ريمة بكف جات تهبط عندها لقاتها مغلوقة 

منار: اففف قافلها غير مايديرلها والو يخي راهي معاه علاه قبلت بهذا انا مافهمت والوو

ريمة: شافت معاه وهي غضبانة كي ضربها وهي عمرها حد ما ضربها لا امها لا معاذ ديما هي المدللة وليوم دات كف من عند شكون حبيبها مكفاهش بكاها قداه من ليلة وضك ولا يضرب فيها ... دزاتو بيدها

ريمة: رد بالك تمد يدك عليا وش تكوون ااه خليتني اييه خليتني مكذبتش عليك شحال من خطرة عيطتلك 3 شهور مسقسيتش عليا والفيس مبلوكيني

ياسين: قتلك مقلق منيش مليح حبيت نقعد وحدي حتى الدار ماهدتش معاهم

STOOOOOOOOOOOP

ثالث نيو بارت لليوم في خاطركم كااامل منقدرش نطاڨي حتى وحدة ونزعف الباقي

وشكرااا بزاااف على لي كومونتار تاعكم فرحوني بزااف  😍😍😍

رايكم + فوت + كومنت ❤

راح نحاول كل يوم نحطلكم 3 بارتات مانوعدكمش بصح نحاول نقدر نوعدكم بزوج ✌

نحبكووووم بالفرماااج ❤

هاذ البارت فيه 806 كلمة