Whirlwind Chain (Eclipse Series #1)

Chapter 18

"Hangin ako'y iyong pakinggan

Kausapin ako at bigyang kasagutan

Tama ba ang aking naging desisyon?

Na magpunta sa paaralang ito?

Hagkan mo ang aking balat

Dumaloy ka saaking ugat

Ikaw ang aking kasama sa'twina

Palisin ang luhang dumaloy sa mga mata

Hindi ko nais magulo

Ayoko ng nalilito

Batid kong sobra ang aking gusto

Ngunit hindi ko nais masadlak sa sitwasyong ito."

"Bakit hindi mo ako pakinggan?

Ituro saakin ang daan

Lagyan ng liwanag ang aking daraanan

Alisin ako sa daang hindi ko nais mamulatan

Bigyan ako ng kasagutan

Tangayin ang aking agam-agam

Muling ibalik ang dati kong buhay

Hindi na nais pang maglakbay

Dalhin ako ng taimtim

Damhin ang aking hinagpis

Nais ko lamang makaalis

Bakit kailangan akong itali?"

"Hindi na ba maaari?

Hindi ko na ba maiaalis?

Habang buhay na ba akong itatali?

Sa kadenang hindi ko ninais?

Napakalamig, napakahapdi

Kailan ba mahihinto ang sakit?

Hindi ko naman ito--"

"Cleo!!" Napaigtad ako at napamulat.

"Ano ba ang ginagawa mo!?" Singhal ni Ruairi saakin.

"Pasensya na, hindi ko talaga makontrol."

"Cleo, kung ipagpapatuloy mo iyan, mas lalo mo lamang hindi makokontrol ang iyong sarili." Lumapit ito saakin.

"Cleo, ang isang mapagpanggap na tao kayang magtago sa likod ng maskara. Isang huwad na katauhan kung saan ay kaya niyang kontrolin ang kanyang emosyon, palabasin ang huwad na nararamdaman." Kumunot ang noo ko.