.
لا توجد معاني أو أسباب كثيره لكل مايحدث، هنالك أشخاص يساهمون في حياة أشخاص آخرين بخلق الأحداث بحياتهم، هنالك تفاعلات.. و كأن لكل فرد روايته الخاصه به..!
.
.
°°°°°°°°
خرجت من غرفتها وهي ترفع شعرها للأعلى بشكل مهمل و مبعثر و تلتف بروبها الشتوي، نامت كثيراً و كأنها لم تنم منذ مدة طويله ما حدث مؤخراً كان مرهقاً لها، ..، دخلت المطبخ لا شيء تريده الآن سوى فنجان قهوه، استغربت وهي تنظر لساعة الحائط، لم تستيقظ غريبه حتى الآن!!.. لاحظت نافذة المطبخ مفتوحه و يمر من خلالها الهواء البارد بهدوء مرافقاً لأصوات العصافير،إقتربت ناحيتها لإغلاقها في وجه البرد و لكنها تفاجأت بخروج غريبه من الملحق بيدها صحن يحمل قهوه عربيه و تمر وضيافه تقليديه، استغربت من هنا؟!
دخلت المطبخ و هي ترى مريم تقف بهيئتها الفوضويه تنظر إليها بإستفهام/صح النوم، اخيراً صحيتي!
نطقت بفضول/من هاللي مقهويته مع هالصبح عندنا؟
إلتفتت إليها بإبتسامه بعدما وضعت القهوه على الطاوله/ انا موزيه حبيبي عنك فالملحق، مابيك تشوفينه،
رفعت حاجبها/لا والله!! لا يكووون جالسه تتقهوين مع سيف!
بنفس ابتسامتها/تستهبلين انتي؟ كنت حاطه قهوه برا عند باب الملحق، الفجر على اساس يتقهوى قبل يطلع و مااش ما ذاق القهوه
ميلت فمها و بنظرات ناقده/تظنين انك بتستردينه بقهوه؟!
بفقدان أمل/ماظنتي بسترده لو وش ماصار، الرجال معاد يبي لي شوفه، وااضح من اللي صار كله انه اقتنع من ناحيتي خلاص و بطّل حتى يفكر بي.
سحبت كرسي و جلست و هي تتبسم بخبث/لأنه رجال عاقل، يلا مكتوب انك ترفضينه بالبدايه علشان يتزوج وحده احسن منك
رفعت حاجبها مستنكره/نعم؟!
هزت رأسها بنفس تلك الإبتسامه/لازم تقتنعين انك خسرتيه، حطي لي فطور احسن من هالحديث اللي بلا فايده
صغّرت عينيها وهي تتخصر/لا والله؟
ضحكت/لا تعصبين والله تقلب عيونك عيون بسّه تلمع
هزت رأسها وهي تهم بترك المطبخ/عيون بسّه هاه، اجل سويلك فطور انا طالعه
لحقت بها وهي مازالت تضحك/غريبه تعااالي لحظه.
.
.
.
.
.
.
.
الساعه العاشره..،
انتهت من تحضير كوب قهوتها وهي ترى أم رواد تقف هناك محتاره أمام الفرن وكأنها تفكر بشيء ما أو تحاول ان تتذكر/ام رواد جاسر جاء يزورك بعد!
ألتفتت إليها متردده/لا.. أصلاً عنده شغل بالشرقيه هالأيام،
استغربت/اشوفك شارده منتي عارفه وش تسووين لك دقايق عند الفرن ماتسوين شيء، وش صاير ؟
