"كانت الهزيمة قد أصبحت يوميّة: كانت هي الشمس والشجر وهيئة الزمن وهذه الرغبة الخفيّه بأن يموت.."
يقوله أحدهم*
.....
خفض فنجان قهوته وهو يلتفت لنايف الصامت طوال حديثه، لم يقاطعه/أنا قلت اللي عندي يا نايف و هذي أسبابي، أما أختك على الراس و العين.
تحدث أخيراً وهو يلتفت إليه/أنا بصراحه ما كنت منتظر تزكيتك لأختي لأني عارفها و عارف قدرها زين، لكن أنت رجل قررت تنفصل و ماتكمل زواج و طلقت و ارسلت ورقة طلاقك لها، وش الهدف من زيارتك و تبريرك؟! أنت بهالطريقه جالس تسيء لنفسك! كان جيت انت بنفسك بالورقه بدال ترسلها إذا كنت ناوي تطلق، اما أنك تحوس الدنيا بعدين تجي تبرر، هالطريقه ماهي لك يا وليد.
تحدث وليد بضيق وهو يفتح زر ثوبه من أعلى/يجوز اني تأخرت و يجوز أني ظلمتها معي، كل الأمور وارده، انا...
دخل ابو عزام وهو يسمع رد نايف الذي وقف معترضاً/دامك بعد تقول انك تأخرت في طلاق اختي، فما أظن ان لوجودك اليوم ببيتي أي معنى، انت جالس تحرج نفسك عالفاضي،
رفع صوته معترضاً/لا يا نايف و انا ابوك، الرجال ما يطرد ضيوفه من بيته ولوكان بينه وبينه مشاكل، اجلس يا وليد و خلوني افهم وش اللي حاصل بينك وبين نسيبك؟!
نايف بانفلات اعصاب/يعقب و يخسى لا عاده نسيبي و لاهو كفو ،و إذا ماهو بطالع يا عمي عبدالله أنا اللي بطلع.. سلام عليك
استغرب وهو يلتفت لوليد الذي رآه يجلس وهو يسند رأسه على يديه المتكئه على ركبتيه/يا رجال ماتعلمني علامك ووش اللي صاير؟! لا يكون مزعل أخته؟! ترى والله ما يغضب الرجال من نسيبه ألا زعل أخته و ضيقها.
شعر أنه يختنق أكثر هو ضعيف إمامها لدرجة أن يبعدها عنه بأبشع الطرق حتى تنفر منه لو حاول التقرب منها، و ذلك لن يفهمه أحد/انا بقولك يا عم، هو ما حصل تفاهم وانت عارف النصيب، لذلك طلقتها
لم يصدق ما سمعه/يا ولدي مهما كان، تشوفها زينه بحق البنت و اهلها تطلقها بالملكه؟ أنت حتى ما عشت معها علشان تقول هالكلام، ترى التفاهم يجي بالعشره يا ولدي
يعرف كل ما قاله جيداً و يعرف جيداً رد ليال/علشان كذا يا عمي بو عزام انا جاي أبي استردها و زواجي منها
لو بغيته هالأسبوع ماعندي مانع، علشان القيل و القال، يا عمي انت كبيرهم و تمون عليهم كلهم، شور عليهم،
فهم مقصده جيداً/يعني بتصلح اللي صار بلحظه؟! و الله ياللي يطلق ليال مادري عنه!!!
برجاء/يا عم الزواج لازم يتم و انا على وعد هالمره و مددت إجازتي علشانها اسبوعين. و هذا أنا شهدت اخوها و شهدتك برجعتها
