(Unicode)
ဝေ့ဝဲကျလာသောသစ်ရွက်ခြောက်များကိုစိုက်ကြည့်နေမိရင်း လက်ထဲကစာအုပ်ကိုအာရုံမရောက်မိတော့။
စာကျက်မည်ဟုဆုံးဖြတ်ပြီးလာထိုင်နေသော်လည်း စာထဲအာရုံမရောက်ဘဲ နွေဦး၏ လေရူးနှင့်အတူ သူ့စိတ်တွေသည်လည်း ပျံ့လွင့်နေပါ၏။
First semester စာမေးပွဲဖြေရတော့မည်ဖြစ်သဖြင့် private study ပေးထားသောကာလ။
အပူဒဏ်ကိုမခံနိုင်သော အအေးပိုင်းဒေသ တောင်ပေါ်သူလေး တစ်ယောက် မိုင်ပေါင်းများစွာအဝေးက အပူပိုင်းဒေသ မှာ နေနိုင်သွားပြီလား။
စာကျက်နေတဲ့အချိန်မှာ ယပ်ခတ်ပေးနေမယ့်သူရှိပါ့လား ဒါမှမဟုတ် ရှိနေပြီလား။
”ငါစာတွေမရတော့ဘူးဟာ re ထိတော့မယ်ထင်တယ်”
"ငါစိတ်ညစ်လာပြီဟာ ရူးချင်လာပြီ စာမကျက်ချင်တော့ဘူး ”
လို့ပြောပြီး ငိုဖို့ရာ တိုးဝင်စရာရင်ခွင်ရော ရှိပါ့မလား၊ ရှိနေပြီလား။
သက်ဆိုင်ခဲ့သည်လားဆိုလျှင်တော့ မသက်ဆိုင်ခဲ့ပါ ဟုရိုးသားစွာ ဖြေရပါလိမ့်မည်။
တနည်းပြောရရင် တစ်ဖက်က သက်ဆိုင်ဖို့မဝံ့ရဲခဲ့သောကြောင့်။
သက်ပြင်းချလိုက်ပြီး လက်ထဲကစာအုပ်ကိုသာ စိတ်မပါလက်မပါကြည့်လိုက်မိတော့သည်။
စာကျက်ရင်းအိပ်ပျော်သွားသည်မှာ အချိန်မည်မျှကြာသွားသည်မသိ။ နိုးလာချိန်တွင်တော့မျက်ရည်များဖြင့်စိုစွတ်လျက်။
မမက်ချင်သည့်အိပ်မက်ကိုထပ်မက်ပြန်ပြီပဲ။
ဒီလိုအိပ်မက်မျိုးမမက်ချင်ပါ။
အတိတ်အကြောင်းကို ဘာမှပြန်မမြင်ယောင်ချင်တော့။
"မေမေ" ဟု ဘုန်းဝေ တိုးညင်းစွာရေရွတ်လိုက်မိသည်။
...........................
"ဘုန်းဝေ..."
တိုးဖျော့စွာခေါ်လိုက်တော့ ထိုလူသားလေးက လှည့်ကြည့်လာသည်။
"ငါကျတော့မယ်ထင်တယ် ဘာစာမှလည်းမရဘူး"
သူကသူမဆံပင်လေးတွေကိုသပ်ပေးလိုက်ရင်း
"Semester တစ်ခုလုံးမလုပ်လာတဲ့စာတွေကို
အခုမှထလုပ်ပြီးတော့ ချက်ချင်းတော့ဘယ်ရပါ့မလဲ ၊ ကြောင်မလေးရဲ့"
YOU ARE READING
Girl With Philophobia (Season 2)
Romance(Zawgyi) " ဘာလို႔အျမဲတမ္း ငါ့ဆီက ထြက္ေျပးေနရတာလဲဟင္။ ဘာလို႔ ကိုယ့္ကိုယ္ကို လိမ္ေနရတာလဲ။ ဘာလို႔ ငါ့ကို ဘာမွေျပာခြင့္မေပးရတာလဲ" " နင္နဲ႔ေဝးရမွာေၾကာက္ေနလို႔။ ငါတို႔တစ္ေယာက္ကိုတစ္ေယာက္ မုန္းသြားမွာေၾကာက္လို႔" "ငါ့ကိုယံုၾကည္ေပးပါလားဟင္။ေယာက်ာ္းေလးတိုင္းက...
