رودينا/متوقفه

٢٩

فوت وكومنت بين الاسطر.
🍂
.

اليوم الثاني:

صحى رامي وما لقى احد و واضح انهم راحوا للجامعه، بعد ما خرج من الحمام راح يشوف المطبخ ويسوي له فطور خفيف لانه مو مشتهي شي بس يحتاج يفطر عشان علاجه اللي قطعه كم يوم.

لقى كورنفليكس وحليب سوا له صحن وراح قعد بالصالة عالكنبه.

فتح جواله وظل يفرفر فيه وهو ياكل، طفش وقفله وراح اخذ دواه، ورجع على نفس مكانه وشغل التلفزيون، وظل يدور له فلم او اي شي يسليه.

وهو يفرفر بين القنوات كان باله مشغول وقف على قناه ما يدري وشهي بس ظل يفكر فيه ويتذكر كيف كان يبتسم له ولما ضمه حضنه كان دافي عليه وحس بدفى وامان فيه.

رخى جسمه عالكنبه وهو حاط يده تحت خده ويبتسم، ظل يفكر فيه ويفكر لين نعست عيونه وغفى بدون ما يحس

.

بعد كم ساعه رجعوا اثنينهم وبيدينهم اكياس الغدا وباين على وجيههم انهم مرهقين من الجامعه ودروسها اللي ممله بالنسبه لهم.

نطق بعد ما رفع راسه وهو يفصخ جزمته: يعمري شكله نام هنا من الطفش.

مر من جنبه:صحيه صحيه خل يتغدى معنا.

قرب اكثر وشاف التلفزيون شغال راح يطفيه ورجع لرامي

مسح على كتفه، وهمس له:رامي، قوم تغدا معانا يلا.

همهم رامي بنزعاج وقام وهو يفرك عيونه ويتمغط كانه من امس نايم.

فتح عيونه وهو مبوز شفايفه وجال فيها المكان وهو معقد حواجبه: انا وين؟

ضحك عليه هيثم: ههههههههههههههه شكلك غفيت بالصالة بالغلط قوم يلا

رامي وهو يتمغط: بسم الله كنت اتفرج التلفزيون.

راح غسل وجهه وقرب وسحب له كرسي وقعد عليه.

رامي وهو يشم ويناظر اللي بالطاوله:الله الريحه حلوه وش جايبين؟

محمد وهو يطلع صحن من الكيسه:جبت لك سلطه فتوش و ذره ادري فيك تحبهم واجد.

ابتسم رامي باشراق واخذهم وهو فرحان مره:الله شكرا

وهم ياكلون انكب شوي من الاكل على قميص هيثم:بسم الله، في مناديل قريبه؟

رامي وهو منغمس بالاكل: في هناك بالصالة.

قام هيثم وراح واخذ له مناديل ومسح قميصه، وانتبه لجوال رامي اللي قاعد يرن بس انه صامت.