فتح عيونه ومسك على رأسه اللي اول ماشافت عينه النور بدأ يلسعه،تلفت حوله وشاف الغرفه ظلام،اخذ جواله وشاف الساعه انها ٧ المغرب،تذكر كل شي صار الصباح،وعض شفته وهو خايف.
قام بصعوبه وفتح باب الغرفه على نيه أنه يروح الحمام،بس استقبله محمد وهيثم اللي كانوا قاعدين بالصاله.
اول ماشافه هيثم طالع من الغرفه قام وركض له وبدأ يتفقده
هيثم:كيف صرت؟تحس نفسك احسن؟اطلب لك اكل؟
رامي نزل عيونه وهمس له:لا لا صرت زين، ....شكرا
هيثم ابتسم له وحرك شعره: مو مشكله،اهم شي صرت بخير.
رامي ابتسم له خفيف،وقطع عليهم محمد
محمد:مطولين؟
هيثم التفت له: روح جيب لنا بيتزا
محمد قام:طيب،بخليها سبايسي بحت،عشان ما تاكلونها.
هيثم:والله يا محمد لو تجيبها حاره،انك بتنام بالصاله،وكيفك عاد،انا حذرتك
محمد:على كيفك؟
هيثم:اي على كيفي،يلا يلا روح قبل يأذن.
محمد مارد وطلع برا البيت،هيثم التفت على رامي،وابتسم له
رامي:ليش تسوي كذا؟
هيثم استغرب:اسوي وش؟
رامي غمض عيونه: انت عارف وش قصدي
هيثم:لي سبب
رامي فتح عيونه:اقدر اعرف؟
هيثم نزل عيونه ولوى فمه بتفكير،رفع وجه:يهمك؟
رامي:دام انك تسوي هالشي عشاني،مو من حقي اعرف ليش؟
هيثم:هو صح عشانك،بس...
رامي:خلاص خلاص،مو مشكله،مابي اصير ملقوف.
هيثم ابتسم:لا عادي وش دعوه،بس اني مستحي اقولك،اذا تشجعت بيوم،ماراح اخبي عليك،وعد.
رامي ارتجف ودق قلبه على اخر كلام هيثم،بغض النظر عن اللي يسويه له،والاهتمام اللي يقدمه له،تعامله وطريقه كلامه معاه كانت استثنائيه،كانت غير عن الباقي.
هيثم عاش معاه نص عمره،رامي دارسه عدل،يشوفه لمن يكلم اصحابه،يشوف تعامله مع محمد،بس تعامله معاه هو بالذات كان غير.
YOU ARE READING
رودينا/متوقفه
Romanceإجعل سحابك يطفو فوقي، وامطر علي بالكثير منك. | الرواية بالعامية. • | قيز(مثليين) • | بداية: ٣١ مارس، ٢٠١٨. • | نهاية: .. .. ..
