رودينا/متوقفه

٦

٣٠ فوت وكومنت.
كومنت بين السطور يجعلني سعيداً.
°
°
°
رجع محمد وهيثم للبيت،والوقت كان متأخر،دخلوا للغرفة،ولقوا رامي باقي نايم،هيثم ناظر له بنظره انكسار،وحزن على حالة.

محمد قرب له وحاوط كتفه،وسحبه معه للسرير:بتنام جنبي اليوم،ولا تبيني طرد لك رامي عشان تنام؟

ابتسم له محمد ابتسامه خبث،يدري أن هيثم مستحيل يسوي كذا برامي،وحب انه يستفزه شوي.

هيثم انغث:تستهبل انت،خلاص بنام جنبك الله يعيني على انحرافك.

محمد ضحك،وقرب لهيثم اكثر:ما اشتقت لي؟تبيني انومك بسرعه؟

هيثم دف محمد عنه بقوة: وخر ولا قسم ضربتك على ذلك المكان وانهيت مستقبلك.

محمد ضحك،واكتفى انه يتمدد عالسرير،ويغطي نفسه بالبطانية،ويغمض عيونه،على امل أنه ينام.

رامي كان لاف جسمه للجهه الثانية،بحيث يعطيهم ظهره،طول الوقت كان يسمع كلامهم،بس خاف يفتح عيونه،خاف انهم يدرون أنه صاحي.

فتح عيونه يوم هيثم طفى اللمبات،وراح وتمدد جنب محمد،اللي التفت له وظل يهمس له ويضحك،وهيثم اللي يدفه عنه.

رامي بنفسه"يحبون بعض،يحظهم،محمد قريب لهثيم،وهيثم طيب وحبوب،اكيد محمد يحبه"

_

اليوم الثاني،صحى رامي وهو بالعافية يشيل جسمه،حاس بصداع قاعد يفتك براسه،بس حاول انه يتجاهل كل شي،على الأقل لين يوصل المدرسة.

قام وبدل ملابسه وأخذ جواله وشنطته وطلع برا الغرفة،وكان الكل بالصالة يفطرون،من بينهم هيثم اللي انتبه لرامي.

هيثم وهو يبلع لقمته:رامي تعال افطر.

رامي وهو عند الباب يلبس جزمته:بالعافية،ماني مشتهي شي.

طلع رامي،وهيثم ناظر لمحمد نظرة تفسر كل شي جواته.
رمى لقمته بقوه شوي،محد انتبه له إلا محمد،وهيثم قام،وراح للغرفة ومحمد لحقه.

هيثم قرب وأخذ محفظته،وشاف كم عنده فلوس،قرب منه محمد،ولصق فيه،وهمس عند اذنه:وش فيه حبيبي ما يفطر،ولا مشتهي تفطر شي ثاني.

هيثم إنغث من حركة محمد بس حاول يكون قوي،ورد:وخر،بروح الحق على رامي،وبشتريله فطور،حرام الولد متكسر وفوق ذا كله مو ناوي يفطر،اخاف يصير له شي.

محمد انغث،وقلب عيونه وبعد بهدوء من هيثم:طيب،بس لا تتاخر.

هيثم وهو بيطلع من الغرفة:طيب.