كنت عايش بالاحلام وكنت مكذب على نفسي، بأن وجود عمي وهيثم خلا ابوي ومحمد يبعدون عني.
بس الشي اللي صار صدمني، وطير هالتفكير من راسي، لمن دخل علي ابوي وانا نايم وبيده نفس العصا.
الأب:ياكلبب، قومم
قالها وهو يشدني من ملابسي ويجرني لبره الغرفة، وقاصد المجلس، مكان ما كل العايلة مجتمعه فيه.
كنت اقاوم الضربات واتسآئل وش الشي اللي سويته عشان يضربني.
واللي قهرني، انه محد قدر يوقفه لا امي ولا اختي ولا حتى هيثم، اللي كنت أحسبه واقف معي ومو كارهني،ولا حاقد علي، بس كل واحد كان يشغل نفسه بجواله ولا اي شي.
وابوي مستمر بضربي،اسودت الدنيا وماعاد قدرت اركز، وبعدها نمت، وماحسيت على نفسي.
________
....:هيه
سعود رد :وش؟!
...:مين انت!
سعود عقد حواجبه بغرابه:رامي شفيك؟! انا سعود!
...:انا مو رامي، تبي تعرف رامي وينه؟!
سعود خاف شوي،بس فكر انه رامي ويلعب معه:تستهبل انت؟!رامي بلا لعب.
...:اتوقع اني قلت لك اني مو رامي
سعود بقلة صبر:طيب مين انت؟!
...:انا اخوه
سعود استغرب:وليش جواله معك؟!
محمد:لايكون مو عاجبك؟!
سعود:رامي وينه؟!
محمد:رامي جوا بالغرفة مع ابوي، تبي تعرف وش قاعد يسوي فيه؟!
سعود كان عارف تمام المعرفة، ايش ابو رامي يسوي فيه لمن يدخله الغرفة.
سعود:وش يسوي فيه؟!
محمد:قاعد يضربه
سعود:ليش يضربه رامي ما سوا شي
محمد:عادي مو لازم يكون مسوي شي عشان ينضرب.
سعود:ابي اعرف انتوا ليش تكرهونه كذا؟! ليش دايما تضربونه حرام عليكم الولد صغير
محمد:لانه يستاهل
سعود:طيب روح وقف ابوك، خله يوقف من ضربه
YOU ARE READING
رودينا/متوقفه
Romanceإجعل سحابك يطفو فوقي، وامطر علي بالكثير منك. | الرواية بالعامية. • | قيز(مثليين) • | بداية: ٣١ مارس، ٢٠١٨. • | نهاية: .. .. ..
