"အလုပ်နဲ့ ကိုယ်ရေးကိုယ်တာကို ခွဲထားသင့်တယ်ထင်တယ်"
"ဆောရီး... ကိုယ်သတိလက်လွတ်သွားတယ်"
ဂျုံးဂု တစ်ခါမှမတွေ့ဖူးခဲ့သော မီးဝင်းဝင်းတောက်သည့်အကြည့်ဖြင့်ကြည့်ကာ ခပ်တင်းတင်းပြောလာသည့်စကားကြောင့် ဂျုံးဂု ချက်ခြင်းပင်လက်ကိုလွှတ်ပေးလိုက်မိသည်။ သူက စိတ်အနှောက်အယှက်ဖြစ်လောက်တဲ့ အကြောင်းအရင်းတစ်ခုတောင် ဖြစ်သွားပြီပဲ... အမှန်တရားတစ်ခုအား ဂျုံးဂု ရင်နာနာဖြင့်လက်ခံလိုက်ရင်း သူမကျောပြင်လေးကိုသာ ငေးကြည့်နေမိသည်။
"အွန်းဘီ..."
တိုးတိုးလေးပင်ဖြစ်သော်လည်း အနည်းဆုံးတော့ အသိအမှတ်ပြုကာလှည့်ကြည့်ပေးသောကြောင့် ဂျုံးဂု ဝမ်းသာသွားမိလျက်။
"သူငယ်ချင်းတွေလို နေလို့တောင် မရတော့ဘူးလား"
ဂျုံးဂု သူ့ဘဝတွင် ဘယ်သူကိုမှမတောင်းဆိုခဲ့ဖူးသည့် အနူးညံ့ဆုံး အညံ့ခံတောင်းဆိုမှုအား သူမရှေ့တွင် လုပ်မိသွားသည်ပဲ။ ထိုစကားတွင် ဝမ်းနည်းအက်ကွဲမှုများစွာ ပျော်ဝင်နေသည်။ နှစ်ဦးတည်းရှိနေသည့်နေရာတစ်ခုတွင် တိတ်ဆိတ်မှုတို့က လွှမ်းမိုးသွားသောအခါ ဘေးပတ်ဝန်းကျင်ကပင် ခြောက်ကပ်သွားသယောင်ယောင်။ အလိုမကျဖြစ်နေသည့်သူမမျက်နှာ၏နောက်ကွယ်တွင် ဝေခွဲမရမှုတို့ကို မြင်နေရသည်။ သူမ၏အဆုံးအဖြတ်ကိုစောင့်ရသည်မှာ တရားသူကြီးစီရင်ချက်ချသည်ထက်ပင် ခြောက်ခြားဖွယ်ကောင်းနေသည်။
"သူငယ်ချင်း?"
သူနှင့်ထပ်တူ ကြေကွဲမှုများပါနေသည့် တိုးလျလျအသံလေးထဲတွင် သူမ၏ခံစားချက်များ ရောပြွန်းပါဝင်နေသည့်နှယ်...။
"အင်း... ဖြစ်နိုင်ရင်ပေါ့"
သူ့အသံတွင် ခယမှုများစွာပါဝင်နေသည်။ ထိုအရာတို့အား အွန်းဘီ လျစ်လျူမရှုစေရန် သူဆုတောင်းမိသည်။ သို့သော် သူသည်တစ်ချိန်က သူမ၏မျက်ရည်တို့ကို ကျောခိုင်းခဲ့ဖူးတဲ့လူတစ်ယောက်... အွန်းဘီ သူ့အပေါ် လှပတဲ့လက်စားချေခြင်းကိုများ ပြုလုပ်သွားမလားဟု တွေးပူမိသော်လည်း အွန်းဘီသည် ထိုကဲ့သို့မကျေလည်ခြင်းကို လက်တုံ့ပြန်တတ်သည့်မိန်းကလေးမျိုးမဟုတ်ပြန်။ နောက်ဆုံးတစ်ခေါက်လောက်ပဲဖြစ်ဖြစ် ကိုယ့်ရဲ့တောင်းဆိုမှုကို အွန်းဘီလိုက်လျောပေးခဲ့မယ်ဆိုရင်...
"ဒါဆိုရင်တော့ မဖြစ်နိုင်ဘူးပဲ ပြောပါရစေ... ကျမဘဝမှာ သူငယ်ချင်းဆိုတဲ့စကားကို ရှင့်ဆီက မကြားချင်ဆုံးပဲမို့လို့"
ဂျုံးဂု အတွေးထဲပြောနေသည့်စကားသံတို့မဆုံးသေးခင်မှာပဲ သူမ၏တုံ့ပြန်မှုက သူ့အား ထိုနေရာတွင်ကျောက်ရုပ်တစ်ခုအလား လှုပ်ရှားမရအောင်ဖြစ်စေခဲ့သည်။ ငြင်းပယ်ခံလိုက်ရတယ်ဆိုတာထက် သူက သူမဘဝမှာ ဘာအဓိပ္ပါယ်မှမရှိတော့ဘူးဆိုတာကို ရှင်းရှင်းလင်းလင်းသိလိုက်ရတာ။ သူဆိုတဲ့သူက သူမဘဝထဲမှာ အမှတ်တရတစ်ခုအဖြစ်ကျန်ရစ်နေခဲ့မယ်ဆိုရင်တောင် သူမကိုနာကျင်စေရုံသက်သက် အကျည်းတန်တဲ့အမှတ်ရခြင်းမျိုးနဲ့ပဲ တည်ရှိနေတော့တယ်ဆိုတာမျိုး။
YOU ARE READING
When Rain Falls Down (Book 2) ✔
FanfictionA villian is just a victim whose story hasn't been told.. - sequel to When Rain Falls Down **Friendly reminder** ~ for better understanding of the storyline, I really want to recommend you to read book1 first ✌
23. One Sided Competition
Start from the beginning
