(Unicode)
အခုလို မိန်းကလေးတစ်ယောက်ကို တသသဖုန်းဆက်ပြီး စကားတွေပြောနေမိမည်ဟု ဂျုံးဂု ဘယ်တုန်းကမှ တွေးမထားခဲ့။ အရင်လူတွေတုန်းက အကြောင်းမရှိအကြောင်းရှာ ပစ်ပယ်ခဲ့သမျှ သူမကိုတော့ သူကိုယ်တိုင်ကကို တွယ်ကပ်နေမိသည်။ အချိန်မှန်အသံလေးမှ မကြားရရင်မနေနိုင်ဟူသည့်အနေအထား...။အွန်းဘီကလည်း အချိန်မှန်မြည်လာတတ်သောဖုန်းကို တခုတ်တရမျှော်နေတတ်သည်။ သူတို့နှစ်ဦး၏လေလှိုင်းကြားမှ ရင်းနှီးမှုကို တခြားသူတွေတော့ မရိပ်မိကြ။ ဤသို့မရိပ်မိကြခြင်းမှာ အွန်းဘီထက် ဂျုံးဂု၏ဟန်ဆောင်ကောင်းမှုကြောင့်သာ။ ဒါတောင် တစ်ခါတစ်လေ အွန်းဘီက သူတို့နှစ်ယောက်ထဲသိတဲ့ နာမည်ပြောင်တွေကို ကျောင်းမှာလည်း ခေါ်ချင်ခေါ်တာရယ်...။
... Only my shadow knows... How I feel about you...
"ဟော..."
မျှော်နေစဉ်မှာပင် ကြားလိုက်ရသည့် ဖုန်းသံကြောင့် အွန်းဘီ ခုတင်ပေါ်မှာ လှဲနေရာကပင် ချက်ချင်းငုတ်တုတ်ထိုင်မိသွားသည်။ ရင်မှလာသော လှိုက်လှိုက်လှဲလှဲအပြုံးတစ်ခုဖြင့် ဖုန်းကို ကိုင်လိုက်ရင်း စကားနှင့်လေယူလေသိမ်းကို ဖုန်းမျှော်နေသည့်ပုံမပေါက်အောင် ထိန်းပြောလိုက်သည်။
"အင်း... ကွတ်ကီးမ.. ပြော""နင်ကလည်း ငါ့ကိုအဲ့လိုကြီး မခေါ်ပါနဲ့ဆို"
"ငါ အဲ့ဒီနာမည်လေး သဘောကျလို့ဟာ"
"ဒါဆိုလည်း cookieဆိုလည်း cookie... အဲ့လိုတော့လုပ်ပေါ့... ခုဟာက ကွတ်ကီးမဆိုတော့ နင်တစ်ခါခေါ်တိုင်း လူက နွဲ့ချင်လာတယ်"
ဂျုံးဂု စကားသံအဆုံးတွင် အွန်းဘီက ဟက်ဟက်ပက်ပက်ရယ်သည်။ အဲ့ဒီနာမည်ဖြစ်လာပုံကလည်း အရင်နေ့တွေက ဖုန်းပြောရင်း ဂျုံးဂု၊ ဂျုံးဂုနဲ့ ခေါ်ရတာထောက်တယ်ဆိုပြီး အွန်းဘီကပြောလို့ သူက ဒါဆိုလည်း ကြိုက်သလိုခေါ်ဆိုပြီး ပြောလိုက်မိရင်းကနေ ကွတ်ကီးမဆိုတဲ့ နာမည်ကတွင်သွားတော့တာပဲ။ လူတိုင်းခေါ်သလို kookieမဟုတ်ဘူး... အသံထွက်ဆင်ပေမယ့် အွန်းဘီခေါ်တာက cookieတဲ့။ ဘာလို့လဲဆိုတော့ သူများနဲ့မတူအောင်ဆိုလား...။
"အဲ့လို ကွတ်ကီးမလို့ ခေါ်တာက နင့်ကို ငါ့သူငယ်ချင်းမိန်းကလေးတွေကို ခင်သလိုခင်လို့ အဲ့လိုခေါ်တာ"
YOU ARE READING
When Rain Falls Down (Book 2) ✔
FanfictionA villian is just a victim whose story hasn't been told.. - sequel to When Rain Falls Down **Friendly reminder** ~ for better understanding of the storyline, I really want to recommend you to read book1 first ✌