နေရာမှထကာ နောက်တစ်ချိန် ဆရာမဝင်မလာခင် ကော်ရစ်တာပေါ်သို့ ခက်သွက်သွက် လျှောက်လာမိသည်။ စိတ်ထဲမှာလည်း ဘာတွေဖြစ်လို့ ဖြစ်နေမှန်းမသိ။ ရှုပ်ထွေးနေသလိုလို၊ လေးလံနေသယောင်ယောင်ပင်။
"အွန်းဘီ... ခဏ""ဟင်... ဘာလို့လဲ"
အနောက်မှ ပြေးလိုက်လာသည့် ဂျုံးဂုကြောင့် ကြောင်အမ်းအမ်းပင် ဖြစ်သွားမိသည်။ ဘာပစ္စည်းများ ကျန်ခဲ့လို့လဲဟုပင် အပြေးအလွှားစဉ်းစားလိုက်တော့ ဘာမှတော့မကျန်ခဲ့။
"နေမကောင်းလို့လား""မဟုတ်ပါဘူး... ညက ကောင်းကောင်းအိပ်မပျော်တာနဲ့ ခေါင်းနည်းနည်းကိုက်ချင်"
စကားပင်မဆုံးသေး နဖူးပေါ်သို့ကျလာသည့် လက်တစ်ဖက်ကြောင့် အွန်းဘီ ပြောလက်စစကားတို့ပင် ဆက်ထွက်မလာတော့။ Jeon Jungkook ဒီရက်ပိုင်း ဘာတွေဖြစ်နေတာလဲ...။
"ကိုယ်လည်း မပူပါဘူး""ငါ မဖျားပါဘူးဆို"
"ဒါဆို ဘာလို့ပြန်လဲ"
"ခေါင်းကိုက်လို့"
အွန်းဘီ၏ ခပ်ပြတ်ပြတ်လေသံကြောင့် ဂျုံးဂု သူမနဖူးကို စမ်းနေရာမှ ဖယ်လိုက်ရင်း သက်ပြင်းချလိုက်မိသည်။ သူမ စာမရသည့်ဘာသာဖြစ်တာကြောင့် မပြန်စေချင်သည်ကအမှန်။ သို့သော်လည်း ယခုအခြေအနေအရ တား၍လည်းရမည်မဟုတ်။
"ဆရာမ ဝင်တော့မှာမလား... နင်အခန်းထဲဝင်တော့လေ၊ ငါလည်းသွားပြီ""ခဏ"
အွန်းဘီ နှုတ်ဆက်စကားကို ခပ်မြန်မြန်ပြောရင်း လှည့်အထွက် သူမလက်မောင်းကို ဖမ်းဆွဲလိုက်တဲ့ဂျုံးဂုကြောင့် အွန်းဘီ ဒေါသတို့ ထောင်းခနဲထွက်သွားမိသည်။
"ဘာလဲ... ပြောစရာရှိရင် ပါးစပ်နဲ့ပြောပါ့လား""ညကျရင် ဖုန်းဆက်"
"ဘာ..."
"ငါ သေချာ notesမှတ်ပေးထားမှာမို့လို့... ညကျရင် ငါ့ကို ဖုန်းဆက်... ဟုတ်ပြီလား"
သူမ၏ ဒေါသသံကြောင့် ဂျုံးဂု အတတ်နိုင်ဆုံးချော့ပြောလိုက်ရင်း ဆွဲကိုင်ထားမိသော သူ့လက်တို့ကို အသာလေးဖြေလျော့ပေးလိုက်သည်။ အွန်းဘီက ဘာမှပြန်မပြောဘဲ ခေါင်းသာတစ်ချက်ဆတ်ပြကာ ထွက်သွားလျက်။
===============
စာကြည့်စားပွဲပေါ်တွင် မျက်နှာအပ်ထိုင်ကာ တွေဝေနေမိသည်။ နေ့ခင်းက တစ်ရေးတစ်မောအိပ်ပြီးသော်လည်း လူက လန်းဆန်းမနေ။ အတွေးထဲသို့လည်း မဖိတ်ခေါ်ဘဲ ဝင်ဝင်လာသော ဂျုံးဂု၏အကြောင်းများ။ အွန်းဘီ မျက်နှာအပ်ထားရက်နဲ့ပင် ခေါင်းကို တွင်တွင်ခါလိုက်သည်။
"လီအွန်းဘီ... နင်စိတ်လွတ်သွားတာလား"
ကိုယ့်ကိုယ်ကို သတိပေးစကားပြောမိသည်။ ဂျုံးဂုဆိုတာ ကျောင်းတက်ရင်းနဲ့မှ ခင်လာတဲ့သူငယ်ချင်း။ သဘောကောင်းသည်။ သူမအပေါ်နားလည်သည် ဒီလောက်ပဲ။
"ဒါဆို ဘာလို့ ငါ့ကို..."
အွန်းဘီ ဆက်မပြောဘဲ ရပ်သွားသည်။ သူမအပေါ်တွင်မှ သက်သက်အသားယူနေသည်ဟုလည်း မပြောချင်။ သူ့တွင်အဲ့လိုလက်သရမ်းတတ်သောအကျင့်ရှိသလားဟု တွေးရအောင်လည်း ဘယ်ကောင်မလေးကို လက်လိုက်ကိုင်နေလဲ သေချာလည်းမကြည့်နိုင်အား။ လောလောဆယ် ဂျုံးဂုနဲ့ အနီးဆုံး ပြောဆိုဆက်ဆံနေသည်မှာလည်း သူမသာရှိသည်။
... Tong...
ဖုန်း၏ နိုတီဝင်သည့် အသံကြောင့် အွန်းဘီ စာကြည့်စားပွဲကို မျက်နှာအပ်ထားရာမှ ခေါင်းထောင်ကာ ကြည့်လိုက်သည်။
![](https://img.wattpad.com/cover/152984633-288-k183048.jpg)
KAMU SEDANG MEMBACA
When Rain Falls Down (Book 2) ✔
Fiksi PenggemarA villian is just a victim whose story hasn't been told.. - sequel to When Rain Falls Down **Friendly reminder** ~ for better understanding of the storyline, I really want to recommend you to read book1 first ✌
7. Skinship
Mulai dari awal