فى القرية الريفية
قال وهو بيجفف عرقه،ودرجة حرارته مرتفعة من شدة الحرج،وكمان الضيق،وكأنه بينزع فتيل قنبلة،وأنا وتوحة قاعدين مركزين معاه أوي ومستغربين جداً ،إستغراب راح بعد ما رجع بذاكراته لوراء عشرات يمكن السنين
فلاش
فى إحدى البارات
كان مكان مشبوه،أقرب للديسكو البنات بترقص ،والخمرة والوسكي الراعي الرسمي للقعدة ،مكنش وراء عمك شغلانة غير النسوان خصوصاً الحلوة كان مضيع كل فلوسه عليهم،وبيرجع لمراته وش الفجر كل ليلة ،ساعات جيبه متريش وساعات لا،لحد ما رجليه أتجرت للقمار،وفى ليلة مشئومة من ليالي الأنٌس،وأحنا مع شلة صحابنا علقت ومخي ملحوس من المدعوق ال شربه،وجنبي واحدة من إياهم بتميل عليا بدلع وبغنج:_
_كده القعدة بدأت تحلو ...بايلها سهرة صباحي...ولا أيه يا زبادي بالفراولة أنت يا جميل
ضحكت ضحكة شمال،وهي بتغمز لي وبتقول:_
_ وهي فين السهرة دي يا راجل...ده أنت مبقاش معاك مليم ...
قاطعتها وأنا بخلع ساعتي ال تمنها كان نصف مليون من أغلى الساعات فى العالم:_
_ عيب عليكي ده أحنا ملوك السوق...نضرب الأرض تطلع فلوس...مش تركي ال يتقالو كده
علق عمك وهو بيبص للساعة بجدية:_
_ سوق أيه بس...ده أنت أتشلفط الليلة ..وبقيت على الجانت"حديد"، يلا بينا بقى وخلينا نحفظ ال باقي من كرامتنا
رد عليه مازن ال كان كاسبنا بفخر وهو بيعد الفلوس:_
_ كرامتكم هههههه...وهي فين الكرامة دي...لما أنتوا مش قد اللعب متلعبوش.....وقعدتم تقولوا لي هتقطعونى ..هتقطعوني..وهنغلبك ....وكالعادة طلعتوا بوق ههه
تابعت بإصرار زي ما يكون عقلي كان غايب فيه،وكان سبب بردو أني كنت شاب مٌستهتر ،وأنا برزع ساعتي على الترابيزة وبطلع دفتر الشيكات :_
_ علي الطلاق بالتلاتة ما أنا ماشي قبل ما أكسبك ..وأرد ال خدته تالت ومتلت
أدخل عمي وتلفونه بيرن من مراته كتير وهو بيكنسل:_
_ كفاية خراب بيوت بقى ...خزنة الشركة متستحملش الفواتير دي كلها فى ليلة ....وبعدين مش هنسلم من سين وجيم ورايح فين وجاي منين....محمد أخويا مش هيسبنا فى حالنا...بقول لغاية كده وأستوب اللعب وكفى الله المؤمنين شر القتال
صب له مازن كأس وهو بيشاور لبنت شكلها صاروخ زي القمر تروح له ،وهو بيقوله:_
_ ما لسه بدري....يا زياد باشا...ولا خايف لتبيع عربيتك ....هههههههه متقلقش هبقى أدفع لك تمن التاكسي
أتمايلت عليه البنت بمياعة وهي بتبوسه من خده وبتفك زراير القميص العلوية وبتقوله:
_ عشان خاطري..خليك شوي يا بيبي...ولا أنت نفسك جزعت الحلاوة بالقشطة .....
YOU ARE READING
رواية فتاتى المشاغبة بقلم أميرة السمدونى كاملة
Romanceفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
