فى قسم السيدة زينب
عمى خد خالد وراحوا يشوفوا مشكلة توحة فى القسم خاصة بعد ما الداخلية قلبت الشركة حتة حتة،وكانت هتبقى كارثة بعد ما أعلنا عن توحة ونزلنا صورها فى السوشيال ميديا ،وكان ناقص الإعلان بس المهم طلب يشوف ولاد صبحي ،ال جابهم وكيل النيابة من الحجز ،ساب لهم المساحة عشان يتكلموا وخرج ،وهو موقف 2 من الظباط على الباب فقال فتحي ابن صبحي الكبير بعد ما عمي قدم لهم نفسه:_
_ عاوزك تركز وتطقطق معايا ،الدنيا هات وخد أه،تهمك وعاوزها تطلع براءة تخليها تقنع أم فاروق تسحب البلاغ ،وأنا هفهم الباشا أنا في سوء تفاهم وأنها ملمستنيش وأن ال ضربوني كانوا فى الحجز غير كده بقى ،متضيعش وقتك ووقتي
فعلق بتفكير :_
_ ولو موافقتش...؟
رد عليه راضي ابن صبحي الصغير بتهديد :_
_ يبقى عوضك على الله وفى فلوس التوتوسشين ده ،وتشوف لك ملكانة تانية
فتابع فتحي:_
_ وعلى فكرة ال حصل مش هيعدي بالساهل ،أيدها ال بتتمد علينا دي هقطعهالها ووشها بمياه نار وهشوها عشان لا تنفع لا لشغل ولا جواز،وتتعلم إزاي تحترم الاكبر منها بعد كده
عمي قاله بعصبية :_
_ طيب عدن تعمل كده،وأنا هخليك تقضي عمرك كله هنا ما بين 4 حيطان وتغني ظلموه،أنت فاكر البلد سايبة ومفهاش حكومة...؟
فقال خالد لوالده بلا مبالاة :_
_ هي كده كده مكنتش نافعة ،يلا أهى جت من عند ربنا
عمي قاله بحزم:_
_ لا ...أحنا مش هنمشي غير وتوحة معانا،حتى لو هدفع ثروتي كلها
فأستفسر خالد بإرتياب كده:_
_وليه الإصرار ده يا بابا هو ال خلق توحة مخلقش غيرها يعني،وبعدين دي هتبقى سوابق
جاوبه بمراوغة:_
_ هتبقى بايخة وحركة ندالة لما اتخلى عنها،وبعدين هي ما أرتكبتش جناية يعني حرام تتسجن ومستقبلها يروح
خالد قاله :_
_ طيب تمام أنا هكلم زياد وأشوفه فين...؟
دخل عليهم وكيل النيابة وهو بيسألهم:_
_ ها أيه الاخبار ...؟
جاوبه عمي وهو بيبص لفتحي:_
_ ساعة واحدة بس وهتبقى توحة عندك ،بس قبل ده أنا عاوزهم يمضوا تعهد بعدم التعرض
فى بنسيون مجهول الهوية
أما أنا فى التوقيت ده كنت ماشي تاتا وراء توحة بموتسكلها ال مات قبل كده 3 مرات، بعربيتي فى شوارع وفى أماكن عمري ما دخلتها ،لحد ما ركنته قدام بنسيون قديم وشكله مشبوه ،وحجزت لها أوضة فوق ،ركنت عربيت وطلعت لها ،كانت فكت النقاب وهي بتاخد نفسها وبتطلع من ورقة الدرة المشوي وبتشرب جنبه شاي وهي قلقانة جداً من ساعة ما شكرية قالت لها أن أبوها صبحي فاق وبيدور عليها ومستحلف لها، فتحت الباب بالمفتاح ال خدته منهم تحت ،فتحت الباب ،دخلت أتفزعت وهي بتقولي:_
YOU ARE READING
رواية فتاتى المشاغبة بقلم أميرة السمدونى كاملة
Romanceفى باحة إحدى أكبر شركات الأزياء توحة:_ _ يا نهار أبوك مش فايت كبيت المدعوق ال بتطفحه على الشي في بتاعي...! زياد بملابسه الرياضية البسيطة لكونه لا يحب البهرجة الزائدة عن الحد ويميل للبساطة:_ _ أسف توحة:_ _ أصرفها من أنهي داهية دي،استغفر الله العظيم ،...
